Пред еден век СКОПСКО го започна своето патување.

И во овие 100 години успеа да прерасне во бренд кој е составен дел од сите наши животи.

Она што е најважно е дека неговиот успех се должи на сите вaс кои сте дозволиле СКОПСКО да биде дел од вашите убави моменти и децении ја пишувате неговата успешна приказна.

Затоа, кога требаше да ги прославиме овие 100 години и да им посакаме добредојде на наредните 100, си го поставивме прашањето: Зошто само да правиме реклама за луѓето, кога можеме да ја направиме заедно со нив?

Па така тргнавме низ нашите градови, низ местата каде што СКОПСКО живее — седнавме на пиво, во парк, на улица, во маало, во чаршија, на плоштад. Патувавме низ земјата, интервјуиравме стотици луѓе и ги прашавме: „Како би изгледала рекламата за СКОПСКО ако ја режирате вие?“

Ги собравме идеите и ги претворивме во кампања — создадовме заедничка визија за СКОПСКО, реклама направена од луѓето.

Во рекламата на Дејан не постои топло пиво, па ни на 50 степени, кај Влатко секое маало има пиводрон достава, а во рекламата на Ина Скопско се телепортира до најблиските дури и кога се најдалеку.

Сите овие сцени од спотот се базирани на вашите идеи и без разлика колку невозможно или откачено да звучат тие го прават СКОПСКО вашето пиво!

Бидејќи цел еден век СКОПСКО сте сите вие!

За наредните 100, Скопско и се е можно!

ПР

Гувернерката Анита Ангеловска-Бежоска и дел од тимот на Народната банка остварија средба со високи претставници на Светскиот совет на кредитните унии, на кредитните унии од ЕУ и САД, како и со претставници од Штедилницата ФУЛМ.

На средбата беше истакната заложбата на Народната банка за јакнење на стабилноста на финансискиот сектор, како столб на макроекономската стабилност, преку низа мерки и политики. Гувернерката Ангеловска-Бежоска нагласи дека одржувањето силен и отпорен финансиски сектор ќе биде приоритет на Народната банка и во следниот период, што е клучен предуслов за одржувањето на финансиската стабилност.

„Во услови на неизвесно макроекономско окружување, макропрудентната политика на Народната банка и натаму е насочена кон намалување на системскиот ризик и јакнење на отпорноста на финансиските институции на шокови, со што се придонесува за одржувањето на финансиската стабилност“, посочи гувернерката Ангеловска-Бежоска.

На средбата, претставниците на Светскиот совет на кредитните унии посочија примери за работењето на кредитните унии во САД, Ирска, Романија, Полска, Хрватска, при што беа истакнати можностите и предностите коишто ги обезбедува дигитализацијата на финансиските услуги кај ваквите институции за своите членови.

Претставниците на Светскиот совет на кредитните унии коишто учествуваа на состанокот искажаа благодарност до Народната банка за досегашната успешна соработка во рамките на активностите за обезбедување подобар пристап до финансиски услуги на граѓаните од нашата земја.

Министерот за економија и труд Бесар Дурмиши денеска учествуваше на конференција на министри за економија во рамки на Берлинскиот процес која се одржува во Берлин, Сојузна Република Германија.

Дурмиши со колегите министери за економија од земјите од Западен Балкан на бизнис формум дискутираа на тема “10 години Берлински процес, Западен Балкан како економска област на патот на ЕУ“.

Одбележувајќи ја десетгодишнината од постоењето на Берлинскиот процес, на конференцијата беше истакнато дека регионот на Западен Балкан живее историски моментум во однос на неговата европска перспектива, а токму оваа иницијатива може да постигне синергија наиндивидуалните напори на шесте земји од Западен Балкан како механизам за подготовка за пристапување кон ЕУ.

Во рамки на сесијата посветена на Заедничкот регионален пазар од аспект на 10 години од Берлинскиот процес министерот Дурмиши истакна дека има три критични прашања во економските односи меѓу Западен Балкан и Европската унија кои бараат политичко внимание, а тоа е развој на инфраструктурата, трговски бариери и економска интеграција и владеење на правото и корупцијата

„Решавањето на овие прашања преку координирана политичка акција може значително да го подобри економскиот пејзаж на Западен Балкан и да го забрза нивниот процес на интеграција во ЕУ“ истакна Дурмиши.

Министерот зборуваше и за перспективите за економски раст на земјите од Западен Балкан и истакна дека регионот има предиспозиции за поголем економски раст, но и многу предизвици.

„Регионот има младо население и изобилство природни ресурси, кои нудат можности во секторите како земјоделството, туризмот и обновливите извори на енергија. Напредокот кон членството во ЕУ може да ја подобри економската стабилност и да привлече инвестиции, бидејќи го усогласува регионот со пазарите и стандардите на ЕУ. За да привлечеме повеќе инвестиции, треба да го зајакнеме владеењето и владеењето на правото. Мора да ја подобриме инфраструктурата, мораме да го подобриме образованието и развојот на вештини, да промовираме стимулации специфични за секторот“ кажа Дурмиши.

На конференцијата на министри покрај министерот Дурмиши присуствуваа министрите за економија на Албанија, Србија, Косово, Црна Гора, Босна и Херцеговина.

Берлинскиот процес беше воспоставен во 2014 година како платформа за соработка на високо ниво меѓу високи официјални претставници на шест земји од Западен Балкан и нивните колеги во Земјите домаќини на Берлинскиот процес.

Процесот ги вклучува и институциите на ЕУ, меѓународните финансиски институции и граѓанското општество во регионот, Регионалната канцеларија за младинска соработка RYCO и бизнисите.