Свет
(Видео) Демонстранти упаднаа во парламентот во Либија, се протестира и против големите цени на струја
Демонстранти упаднаа во парламентот во градот Тобрук на истокот на Либија и наводно запалиле дел од зградата на собранието, јави денеска Би-би-си.
Фотографиите објавени на интернет покажуваат густи облаци од чад додека демонстрантите палат гуми на улица, пишува медиумот.
??#lybia/ LIBYANS BURN DOWN PARLIAMENT. pic.twitter.com/v0yijp4XcK
— ??BEN YOUSSEF Belhassen بن يوسف بلحسن (@BBYBENYOUSSEF) July 2, 2022
Протести се одржаа и во други либиски градови поради постојаните прекини на струја, зголемените цени и политичкиот ќорсокак, а во главниот град Триполи, каде што политичките ривали се во владата, демонстрантите бараат предвремени избори. Тоа барање го поддржа и шефот на привремената влада, Абдул Хамид Дбеибах, кој изјавил дека е неопходно да се сменат сите институции во земјата.
Протестите во Либија започнаа еден ден откако преговорите за изборите во Женева со посредство на Обединетите нации завршија без видлив напредок.
Либија е во хаос од бунтот поддржан од НАТО во 2011 година против долгогодишниот шеф на државата, полковникот Моамер ел Гадафи, анализираат медиумите.
Оваа земја богата со нафта е клучна како почетна точка за илјадници бегалци кои сакаат да стигнат до Европа.
Либија порано имаше висок животен стандард, еден од највисоките во Африка, со бесплатно здравство и бесплатно образование.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израел им порача на своите војници да бидат подготвени за можна копнена инвазија на Либан
Израелските напади врз Либан имаат за цел да го подготват теренот за можен влез на војници и да продолжат да го деградираат Хезболах, изјави командантот на израелската армија Херзи Халеви пред израелските војници, мислејќи на можна израелска копнена инвазија на Либан.
„Ова е, исто така, подготовка на теренот за можен влез во Либан и континуирана деградација на Хезболах“, рече тој пред израелската армија.
„Денеска Хезболах ги прошири своите напади, а подоцна денеска ќе добие многу силен одговор. Подгответе се. Ќе продолжиме, нема да застанеме, ќе продолжиме да ги удираме насекаде. Целта е многу јасна, безбедно да се вратат Израелците на северот на земјата“, додаде тој.
Израел веќе трет ден гаѓа цели на Хезболах во Либан со интензивни воздушни напади. Речиси 700 луѓе загинаа во нападите, а стотици беа повредени.
Свет
Ердоган: Предлогот на Украина за влез во НАТО не е прашање што треба да се избрзува
Турскиот претседател Реџеп Таип Ердоган денеска изјави дека предлогот на Украина за влез во НАТО не е прашање што треба да се „избрза“ и дека односите меѓу Турција и Русија ќе продолжат да се развиваат.
„Тоа се прашања што не треба да се избрзуваат и кога разговараме и кога донесуваме одлука, секогаш ја земаме предвид позицијата на другите земји-членки на НАТО, разговараме за овие можни прашања на маса и соодветно ја донесуваме конечната одлука“, рече Ердоган во интервју за NBC на маргините на Генералното собрание на ОН во Њујорк.
Ердоган досега го блокираше членството на Украина во НАТО, истовремено барајќи од Шведска и Финска да го променат ставот кон курдските бунтовнички групи кои Турција ги смета за терористички.
Претходно овој месец, Ердоган рече дека полуостровот Крим треба да се врати под украинска контрола и дека Украина мора целосно да го врати својот територијален интегритет.
Регион
Вучиќ: „Просечната плата во декември ќе биде 900 евра, за само 10 години три пати повеќе“
Српскиот претседател Александар Вучиќ зборуваше од Њујорк и истакна дека просечната плата во Србија во декември ќе биде 900 евра, што е трипати повеќе за 10 години.
„Мораме да притискаме, добро е што се носи ребалансот, наскоро ќе влезе во буџетот, се надевам дека министрите ќе ги намалат апетитите, дека ја имаме стапката на јавниот долг под контрола. Се надевам дека дефицитот нема да надмине три проценти“, додаде Вучиќ.
Вучиќ истакна и дека платите во Србија растат.
Платата на наставниците беше околу 30.000 динари, денес е околу 100.000 динари без надоместоци за стаж и други додатоци“, рече Вучиќ.