Свет
Патнички авион летал 14 часа над океанот со огромна дупка на трупот

Патнички авион на „Емирати“ летал од Дубаи речиси 14 часа со огромна дупка на трупот пред да слета во Бризбејн, Австралија.
Авионот полетал од аеродромот во Дубаи во петокот, а патниците пријавиле силен тресок кај се слушнал додека авионот летал над океанот на пат кон Австралија.
„Ербас А380 на Emirates слета во Бризбејн со дупка на трупот. Се верува дека е предизвикана од експлозија на гума при полетување од Дубаи. И покрај штетата, пилотите одлучија да го продолжат летот за Бризбејн“, напиша твитер-корисник.
„Дејли мејл“ пишува дека компанијата „Емирати“ одлучила да го продолжи летот кој траел речиси 14 часа. Непосредно пред слетувањето, тие ја контактирале контролата на летање во пристаништето Бризбејн и пријавиле дека постои можност да им пукнала гума при полетувањето.
Летачкиот екипаж побарал да го пречекаат службите за итни случаи при слетувањето, пишува Aviation Herald. Очевидци велат дека работниците на итната помош биле шокирани од големината на дупката во трупот. На носот на авионот бил пронајден откачен шраф.
Засега не се знае дали завртката и дупката на авионот се поврзани.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
40 ранети во Израел, двајца критично

Вкупно 40 лица побарале медицинска помош по вечерашниот ирански ракетен напад врз Израел, соопштија локалните здравствени служби. Двајца од повредените се во критична состојба.
Најголем број пациенти се лекуваат во болницата Ичилов во Тел Авив – 18 лица.
Според лекарите, пријавените повреди вклучуваат рани од шрапнели, вдишување чад и состојба на шок.
Свет
Израелската војска: Иран истрела помалку од 100 балистички ракети, повеќето ги пресретнавме

Портпаролката на израелската војска, Ефи Дефрин, рече дека помалку од 100 балистички проектили биле истрелани од Иран кон Израел.
Дефрин рече дека „повеќето од ракетите биле пресретнати од воздушната одбрана или паднале пред да стигнат до израелска територија“.
„Регистрирани се ограничен број погодоци на згради, а дел од штетата е предизвикана од фрагменти од пресретнати проектили“, додаде тој.
Според израелските медицински служби, во нападот биле ранети 40 лица.
Свет
Нетанјаху: Ова е можност за иранскиот народ да се спротивстави на режимот

Израелскиот премиер Бенјамин Нетанјаху вечерва и порача на јавноста дека можат да ги напуштат засолништата, откако новиот бран ирански ракети прелета над израелска територија.
„Иранскиот режим никогаш не бил послаб. Ова е можност за иранскиот народ да се спротивстави на режимот“, рече Нетанјаху во вечерашното обраќање.
Тој директно им се обрати и на граѓаните на Иран: „Јас сум со вас, израелскиот народ е со вас“, рече тој.
Министерот за одбрана на Израел, Израел Кац изјави дека Иран „ја преминал црвената линија со лансирање ракети кон израелските цивилни области“ и најави: „Техеран ќе плати висока цена“.
Оваа иранска одмазда следеше по израелските воздушни напади на иранска територија, при што беа погодени нуклеарни постројки и беа убиени високи команданти и научници.