Спорт
Бањаја пијан излетал од патот на Ибица
Италијанскиот мотоциклист и возач во Мото ГП шампионатот, Франческо Багнаја излетал од патот додека возел под дејство на алкохол, за време на неговиот одмор на Ибица.
„Излегувајќи од дискотеката во три часот по полноќ, завршив со предните тркала во канал на кружен тек. Во инцидентот не учествуваа други возила и никој не е повреден“,напиша Италијанецот на своите социјални мрежи.
„Алкотестот што го изврши полицијата откри дека нивото на алкохол во крвта е повисоко од шпанскиот закон“, додаде возачот на Дукати.
Според медиумите, Бањаја имал 0,87 промили на алкохол во крвта. Според шпанскиот закон максимално дозволено ниво на алкохол во крвта е 0,25 промили.
Полициски извори потврдија за АФП дека Бањаја има „речиси три пати повеќе од законската граница.
Во Шпанија возењето со повеќе од 0,6 промили алкохол се смета за кривично дело, па Бањаја ќе мора да се соочи со судење, а му се заканува затворска казна од три до шест месеци, општокорисна работа од еден до три месеци и парична казна. Постои и можност да му биде одземена возачката дозвола за период од една до четири години.
Полициски извор ја отфрли можноста за затворска казна, бидејќи „штетата е многу мала и во инцидентот не учествувале други лица“.
Бањаја напиша и дека „научил лекција“ и им порача на своите обожаватели „никогаш да не возат откако ќе се напијат“.
Италијанецот минатата сезона заврши на второто место во Мото ГП шампионатот, зад Французинот Фабио Квартаро.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Јасикевичиус го сака Димитријевиќ во Фенербахче
Актуелниот МВП во ВТБ лигата, македонскиот репрезентативец, Ненад Димитријевиќ, од наредната сезона веројатно ќе игра во Евролигата.
Кошаркарот на Уникс, со просек од 19 поени по меч, 6,6 асистенции, 3,3 скока и 1,3 украдени топки го обележа регуларниот дел од сезоната во ВТБ лигата.
Според информациите на турските медиуми, Димитријевиќ е на мета Фенербахче. Тренерот Шарунас Јасикевичиус изразил желба да го види Димитријевиќ во својот тим. .
Фенербахче ќе направи реконструкција на плејмејкерската позиција, извесно е дека тимот ќе го напуштат Гркот Ник Калатес и Израелецот Јам Мадар.
Спорт
МЗТ загуби од Спартак Суботица
Фото/ Петр Стојановски/ АБА2
Кошаркарите на МЗТ го загубија првиот полуфинален натпревар во АБА 2 лигата. Вечерва во Скопје, МЗТ доживеа пораз од Спартак 73:78 (15:23, 16:12, 24:17, 18:26).
Лошата игра во првиот дел во кој му дозволија на гостинот апсолутна доминација во скокот го однесе МЗТ во пораз. Спартак, најдобриот тим во регуларниот дел од сезоната, преку скокот ја контролираше играта. Одличната секвенца на Војдан Стојановски во финишот на полувремето го доближи МЗТ на само четири поени негатива.
Американецот Гилион одлично го започна вториот дел, со седум поени во низа го врати МЗТ во водство. Се одлепи МЗТ на пет поени (55:50) во финишот на третиот период и тука застана.
Спартак предводен од Гордиќ стекна предност од 10 поени, предност која МЗТ успеа да ја преполови.
Војдан Стојановски со 20 поени, по три скока и асистенции и шест украдени топки го предводеше МЗТ. Двоцифрени беа и Делалиќ со 13, Танасковиќ со 12 и Гилион со 11 поени. Кај Спартак се истакна Гордиќ со 16 поени и шест асистенции.
Реваншот се игра за една недела во Суботица.
Спорт
Катастрофа за Милвоки се повреди и Лилард
Кошаркарот на Милвоки, Демијан Лилард заработил повреда на Ахиловата тетива, објавија сите НБА инсајдери.
Лилард играл последните недели и покрај проблемите со Ахиловата тетива, и ја влоши состојбата во последниот дел од третиот натпревар од првото коло од плеј-офот против Индијана.
Плејмејкерот на Милвоки мора да носи ортопедска чизма и под знак прашалник е за четвртиот меч (понеделник, 01.00 часот) во серијата во која Пејсерси водат со 2:1.
Бакс веќе играат без Јанис Адетокумбо, кој ќе ја пропушти првата рунда, а неговата сезона многу лесно може да заврши доколку Милвоки биде елиминиран.
Во првите три натпревари во плејофот, Лилард имаше просек од 32,3 поени и 5,7 асистенции по натпревар.