Свет
Претседателот на Шри Ланка го моли Путин за помош, за увоз на гориво
Претседателот на Шри Ланка, Готабаја Рајапакса, вели дека го замолил рускиот претседател Владимир Путин за помош за неговата земја да увезе гориво. Шри Ланка моментно се наоѓа во најголема економска криза уште од кога имаат независност, од 1948 година.
Рајапакса вели дека имал продуктивен разговор со Путин. Разговарале откако министерот за енергетика на Шри Ланка викендов предупреди дека земјата наскоро би можела да остане без гориво, пишува „BBC“.
1/2
Had a very productive telecon with the #Russia President, Vladimir Putin. While thanking him for all the support extended by his gvt to overcome the challenges of the past, I requested an offer of credit support to import fuel to #lka in defeating the current econ challenges.— Gotabaya Rajapaksa (@GotabayaR) July 6, 2022
Вчера стотина луѓе излегле на улиците во главниот град за да протестираат против владата.
„Го замолив Путин за кредитна поддршка за увоз на гориво. Понизно побарав летовите меѓу Моксва и Коломбо да продолжат. Едногласно се согласивме да ги зајакнеме билатералните односи во секторите туризам, трговија и култура, но најважно е пријателството кое го делат нашите нации“, објави Рајапакса на Твитер.
Недостигот на гориво, струја и храна во Шри Ланка трае со години, а во неделата министерот за енергетика изјавил дека на земјата и останал бензин доволен за само уште еден ден.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
„САД сакаат да распоредат оружје во вселената и да ја направат арена на воена конфронтација“: Русија со обвинувања до САД
Руските власти ги обвинија САД дека сакаат да распоредат оружје во вселената, еден ден откако Советот за безбедност на ОН ја отфрли нацрт-руската резолуција на оваа тема, и по сличното обвинување од Вашингтон до Москва.
Тие обвинувања и контраобвиненија ги оживуваат стравовите, отсутни уште од Студената војна, за можна трка во вооружување и покрај постоењето на договор за вселената од 1967 година кој повикува „да не се развива нуклеарно оружје или кое било друго оружје за масовно уништување специјално за сместување во орбита”.
Портпаролката на руската дипломатија, Марија Захарова оцени дека американското отфрлање на нацрт-резолуцијата покажува дека САД имаат за цел „да го стават оружјето во вселената и да го направат арена на воена конфронтација“.
„Пропуштена е нова можност да се спречи трката во вооружување во вселената по вина на САД и нивните сојузници“, рече Захарова.
Во април, САД и Јапонија претставија своја нацрт-резолуција до Советот за безбедност на ОН за да се спречи милитаризација на вселената, но Русија стави вето, критикувајќи го фактот дека текстот се фокусира само на еден вид оружје, нуклеарното оружје.
Нацрт-резолуцијата претставена од Русија и Кина во понеделникот, која делумно го содржи текстот блокиран во април, исто така ги повикува сите земји-членки да преземат „итни мерки“ за трајно да го спречат поставувањето оружје во вселената и заканата или употребата на сила во вселената.
Сепак, тој нацрт не ги собра деветте гласови потребни за усвојување.
Американскиот заменик-амбасадор Роберт Вуд ја нарече руската иницијатива „лицемерна“, велејќи дека Москва сака „да го одвлече вниманието од нејзините опасни напори да го стави нуклеарното оружје во орбитата“.
Во февруари Белата куќа даде гаранции дека Русија развива антисателитско нуклеарно оружје, обвинувања кои Москва ги отфрли.
Свет
Американската министерка за финансии: Санкциите против Русија најмногу се заобиколуваат преку Кина, Обединетите Арапски Емирати и Турција
Американската министерка за финансии Џенет Јелен денеска ги повика директорите на европските банки да ја зајакнат контролата врз спроведувањето на американските санкции против Русија.
„Ги повикувам сите институции овде строго да се придржуваат до мерките и уште повеќе да се фокусираат на руските обиди да се избегнат санкциите“, рече Јелен, пренесе Ројтерс.
Таа изјави дека санкциите воведени во декември 2023 година ги попречиле напорите на Русија за производство на стоки неопходни за војната во Украина, но во исто време додаде дека треба да се направи повеќе на ова поле.
Јелен побара од шефовите на европските банки да се погрижат нивните филијали и подружници во странство да ги почитуваат санкциите против Русија.
Таа нагласи дека американските санкции против Русија во моментов се заобиколуваат најмногу преку Кина, Обединетите Арапски Емирати или Турција.
Американското Министерство за финансии продолжува да истражува нови можности кои би го намалиле приходот на Русија и би ја спречиле Москва да набавува производи што ги користи за војната во Украина, заклучи Јелен.
Свет
Политико: Украина најверојатно ќе ги започне преговорите за членство во ЕУ во јуни
Целта на Европската унија (ЕУ) е да ги започне официјалните преговори за пристапување на Украина и Молдавија веќе на 25 јуни, кога се одржува самитот на Европскиот совет, изјавија за бриселски Политико неименувани дипломати од Брисел.
Кога лидерите на ЕУ ги отворија вратите за Украина и Молдавија во декември, потегот беше поздравен како прв чекор во историското проширување на Унијата, пишува во објава на Политико и се додава:
„Официјалното зелено светло за почеток на пристапните преговори со ЕУ би било голем поттик за Украина, која е во третата година од војната.“.