Свет
Блинкен му се обрати на Лавров: Ослободете ги пристаништата и извозот на жито
Американскиот државен секретар Ентони Блинкен директно ѝ се обрати на Русија денеска на состанокот на министрите за надворешни работи на Г-20 на Бали и ја повика Москва да го деблокира извозот на украинското жито, изјави неименуван западен претставник.
Тој директно ѝ се обрати на Русија, велејќи: „ На нашите руски колеги: Украина не е ваша земја. Нејзиното зрно не е ваше зрно. Зошто ги блокирате пристаништата? Треба да го ослободите житото“, рекол Блинкен.
На Бали, Индонезија, денеска почна состанок на министрите на 19-те најразвиени земји во светот, заедно со Европската Унија, на кој меѓу другите учествуваат Блинкен и Лавров.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Израелската армија нападна воени цели на Хутите во Јемен
Израелската армија потврди дека нападнала воени цели на Хутите во областите Рас Иса и Ходеида во Јемен.
Десетици авиони на израелските воздухопловни сили, вклучително и борбени авиони и шпионски авиони, учествуваа во нападите, соопшти израелската војска.
#اليمن.. لحظة انفجار خزان النفط في الحديدة بعد الغارة pic.twitter.com/B5yb2BCunf
— الثانية (@AlthanytA) September 29, 2024
Видеа од ужасниот напад кружат на Интернет, на кои се гледа како оган и чад се издигнуваат во далечината по израелскиот напад врз пристаништето Ходеида , контролирано од Хутите, пишува Тајмс оф Израел.
Свет
(Фото) Илјадници луѓе се збогуваа со џиновските панди кои заминуваат од Токио на лекување во Кина
Две џиновски панди , кои живееле во зоолошката градина во Токио 13 години, денеска се вратиле на лекување во Кина , а илјадници луѓе се збогувале од нив пред нивното заминување.
Мажот Ри Ри и женката Шин Шин, двајцата на 19 години, пристигнаа во зоолошката градина Уено во Токио во февруари 2011 година и неодамна се лекуваа од висок крвен притисок во поодминати години, соопштија градските власти.
Пандите рано утринава го напуштиле претходниот дом и биле качени во авион за Кина, каде што ќе бидат сместени во огромен резерват за панди во југоисточната провинција Сечуан, каде што се родени.
Околу 2.000 луѓе, од кои некои цела ноќ чекаа во ред, вчера ја посетија зоолошката градина Уено за последен пат да ги видат своите миленици и да се збогуваат со нив.
За време на престојот во Токио, Шин Шин родила четири младенчиња.
Во светот има вкупно околу 1.600 панди, од кои само триесетина живеат во зоолошки градини надвор од Кина.
Свет
(Видео) Израел повторно го напаѓа Бејрут
Израелската војска соопшти дека извршила напад врз Бејрут, Либан.
Според очевидци на Ројтерс, се слушна силна експлозија, а од јужните предградија на градот се крена облак чад.
Израел рече дека нападот бил „прецизен“ и дека цел бил областа Дахиех.
Тоа беше истиот дел од градот каде што Израел го уби лидерот на Хезболах Хасан Насрала во петокот.
#Israeli military has carried out new air attacks on Lebanon, including #Dahiyeh, the southern suburb of the capital #Beirut. pic.twitter.com/tI1dqQbXIE
— WAR & CRIME WORLD NEWS (@WARCRIMENEWS) September 29, 2024