Македонија
МВР: Блокирање на автопати е спротивно на законот
![](https://makfax.com.mk/wp-content/uploads/2018/01/mrtov-mazh-so-prostrelni-rani-pronajden-na-avtopatot-tetovo-gostivar-221071-102590.gif)
Министерството за внатрешни работи ја известува јавноста дека денеска во архивата на МВР е примен акт со кој политичката партија ВМРО-ДПМНЕ, како организатор на протест, известува дека: „Во знак на протест ВМРО-ДПМНЕ организира блокади на улици на ден 8 јули (петок), во период од 13:00 до 14:00 часот“. Во известувањето се наведени маршрути, т.е. локации на блокадите и посочува лице за контакт со организаторот, што е дел од обврските на организаторот предвидени во член 3 од Законот за јавни собири. Истиот член предвидува во известувањето да бидат дадени и податоци и за „мерките што организаторот ги презел во врска со непречено организирање и одвивање на јавниот собир и податоците за организирање на редарската служба“.
За таа цел, Министерството за внатрешни работи изразило иницијатива за работна средба со контакт лицето наведено во актот, кое не одговорило на поканата, ниту обезбедило своја замена или друг претставник во име на организаторот, велат од Министерството.
„Оттука, со цел навремено и објективно информирање на јавноста, Министерството за внатрешни работи потсетува на правата и должностите кои ги предвидува Законот за јавните собири.
Согласно, член 2-а од Законот: „Јавен собир заради мирно изразување на мислење или протест може да се одржува на секое место кое е соодветно за таа намена, освен:
– до здравствени установи, на начин кој го оневозможува пристапот на возила на брза помош и го нарушува мирот на болните,
– до детски градинки и училишта додека децата престојуваат во нив и
– на автопатишта и магистрални патишта, на начин со кој се загрозува патниот сообраќај“.
Во членот 4 од истиот закон стои: „Заради заштита на правата на граѓаните, нормалното одвивање на сообраќајот, снабдувањето на населението со лекови, храна, гориво и слични неодложни потреби, како и заради почитување на обврските од меѓународни договори, организаторот на јавниот собир е должен да го обезбеди одржувањето на редот на јавниот собир и да организира редарска служба.
Доколку организаторот побара, а Министерството за внатрешни работи определи обезбедувањето на одржувањето на редот на јавниот собир да го врши полицијата, трошоците за тоа обезбедување ги поднесува организаторот.
Организаторот е должен да го прекине одржувањето на јавниот собир, ако дојде до загрозување на животот и здравјето, безбедноста и личната сигурност на луѓето и имотот.
Во случаите од став 3 на овој член, организаторот е должен веднаш да го извести Министерството за внатрешни работи“.
Во интерес на јавноста е потсетување на уште еден член од законот со кој е уредена оваа материја, и тоа член 6, според кој: „Министерството за внатрешни работи ќе го прекине одржувањето на јавен собир во случаите кога истиот е насочен кон:
– загрозување на животот, здравјето, безбедноста, личната сигурност и имотот на граѓаните;
– вршење или поттикнување на вршење кривични дела утврдени со закон и – загрозување на животната средина“, велат од МВР.
Се додава дека Министерството за внатрешни работи ќе го прекине одржувањето на јавниот собир во случај кога неговото одржување е во спротивност со меѓународните договори со кои е предвидена обврска за непречено одвивање на сообраќајот.“
Ова дотолку повеќе што во известувањето од страна на организаторот се најавени блокади на автопати и магистрални патишта, и тоа: пат кон Прилеп, патни правци од Радовиш кон Струмица и од Штип кон Велес, што е во спротивност со наведените законски обврски.
МВР повторно со апел до јавноста да се почитуваат законите, да ги сочуваме редот, мирот и безбедноста.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Венко Филипче е избран за нов лидер на СДСМ
![](https://makfax.com.mk/wp-content/uploads/2024/06/filipce-kumanovo-1.jpg)
Венко Филипче, поранешен министер за здравство во владата на Зоран Заев, го презеде раководството и стана нов претседател на СДСМ.
Според 95 проценти од обработените 77 избирачки места, Филипче освои 9.052 гласа што е околу четири пати повеќе од Филип Деспотовски за кои гласале 2.705 гласачи, додека пак Александар Бајдевски освоил 905 гласови. За Славјанка Петровска гласале 190 гласови, додека неважечки се 174 гласови.
Филипче е неврохирург кој во политиката сериозно влезе во 2017 година, кога му беше доверен ресорот за здравство.
Филипче изјави дека следи период на реорганизација на партијата.
„СДСМ докажа дека има демократски капацитет и високо ниво на професионализам. Од се срце се заблагодарувам на довербата. Ветувам дека ќе направам се за вашата доверба да не ја изневерам. Моја цел е да ги вбризгам во СДСМ принципите кои што ме водат во животот а тоа се заедништво,другарство,взаемна почит и отворена комуникација. Сега е време за обнова на СДСМ и многу работа, нема време за славење. Следи период на реорганизација и реформи со кои сум сигурен дека СДСМ повторно ќе победува“, рече Филипче по прогласувањето на победата и вети дека нема да дели, туку ќе обединува и ќе се спротивстави на оние кои сакаат да ја ослабнат СДСМ за свој личен интерес.
Македонија
Аврамовска-Мадиќ: 54 отсто од регистрираните членови гласале за претседател на СДСМ
![](https://makfax.com.mk/wp-content/uploads/2023/05/viktorija-avramovska-madik.jpg)
Од вкупно запишаните во избирачкиот список за избор на претседател на СДСМ до 19:45 часот, излегле 12.608 или 54 проценти од запишаните. Сите 77 избирачки места биле отворени и општинските изборни комисии ги спровеле изборите согласно правилниците, донесени од Централниот одбор и одредбите на Статутот на партијата, изјави вечерва претседателката на Централната изборна комисија (ЦИК), Викторија Аврамовска-Мадиќ оценувајќи го процесот за демократски и успешен.
Таа посочи дека во Општина Студеничани е констатирано дека предвреме е затворено избирачкото место од страна на Општинската изборна комисија и поради тоа Централната изборна комисија одлучила да го поништи гласањето.
„Вкупно акредитирани во општинската организација во Студеничани се 66 гласачи, а до моментот на затворање на избирачкото место гласале 51 гласач, со тоа што констатирано е дека оваа бројка нема да влијае на конечниот резултат. Констатирано е прекин на гласањето и во општина Гевгелија од 10 минути, поради кршење на избирачката кутија од страна на член на Социјалдемократскиот сојуз. Извршена е замена на кутијата и гласањето е продолжено во најдобар ред“, рече претседателката на ЦИК.
Во текот на денот до ЦИК, додаде таа, пристигнале и повеќе приговори.
„Прифатени се приговори во шест општински организации на седум членови на кои им се овозможи гласање, иако не беа во избирачкиот список, затоа што по проверката во системот се констатира дека истите овие членови се акредитирале и се регистрирале во системот за активна регистрација. Вкупно 44 членови од девет различни општини доставија пријава до Централната изборна комисија да им биде овозможено да можат да гласаат. Овие приговори се одбиени поради тоа што по проверка во системот се констатираше дека не се акредитирани преку активна регистрација и не доставиле образец за активна регистрација во нивната општинска организација“, наведе Аврамовска Мадиќ.
Таа нагласи дека сите овие примери кои што ги наведе се значителни и немаат речиси никакво влијание на целиот процес, но во името на транспарентноста и информирањето на членовите и на јавноста Централната изборна комисија одлучила да ги соопшти.
„Упатуваме благодарност во името на Централната изборна комисија за сите оние кои беа дел од овој процес за успешниот и демократски процес спроведен на внатрепартиските избори во СДСМ. По завршување на обработката на податоците во 77 избирачки места Централната изборна комисија ќе ги соопшти конечните резултати“, рече Аврамовска Мадиќ.
Кандидатот за претседател на СДСМ, Јован Деспотовски, денеска по гласањето во своето избирачко место рече дека на голем број членови на партијата не им било овозможено да гласаат, за што Мадиќ рече дека станува збор за мал број на гласачи кои не биле активно регистрирани.
Деспотовски по завршување на гласањето преку соопштение им се заблагодари на членовите кои излегле да гласаат, но пред да ја даде конечна оценка за изборниот процес, побара одговори од Централната изборна комисија и партиските органи како се случи над 10.000 членови кои се регистрирале за гласање не го оствариле своето право на глас денеска и како на голем број на членови кои уредно регистрирани и дошле на избирачките места да не им е овозможено правото на глас?
По гласањето на своето избирачко место во Општина Карпош, поранешниот министер за здравство и кандидат за претседател на СДСМ, Венко Филипче, рече дека целокупниот процес на гласање на внатрепартиските избори за претседател на СДСМ, се одвива мирно, во како што рече, позитивен дух меѓу сите другари и другарки кои излегуваат на гласање.
Претседателката на ЦИК информираше дека вечерва пред 22 часот ќе се обрати победникот на вонредните внатрепартиски избори.
Изборот на претседател ќе се изврши од вкупниот број на излезени, односно оној којшто ќе оствари 50 плус 1 отсто од гласовите на излезените, доколку тоа не се случи тогаш гласањето ќе се повтори во втор круг. Избирачкиот список брои вкупно 23.373 акредитирани членови на СДСМ.
Македонија
Деспотовски искажа забелешки за одвивањето на изборите за претседател на СДСМ
![](https://makfax.com.mk/wp-content/uploads/2024/06/despotovski-karpos-1.jpg)
Кандидатот за претседател на СДСМ Јован Деспотовски по затворањето на избирачките места на вонредните внатрепартиски избори упати благодарност до партиските членови кои гласаа на изборите, но искажа и забелешки за одвивањето на изборите.
„Денеска, дел од членовите на СДСМ гласаа. СДСМ е единствената партија и во земјава, и во регионот, која има широк модел за избор на претседател. Со тоа треба да ја покаже својата големина и демократски капацитет. Но, тој демократски капацитет денес, но и во деновите што следат треба да биде докажан и потврден. Од срце им благодарам на сите членови на партијата кои излегоа да гласаат, како и на сите оние кои излегоа, дојдоа на избирачките места но од различни причини не им беше овозможено да гласаат. Искрено им благодарам на сите оние кои во изминатите неколку недели беа со нас и дадоа своја енергија во градење на еден нов СДСМ“, наведува во пишаната изјава Деспотовски.
Тој пред да даде оценка за изборите, побара од Централната изборна комисија на партијата да даде одговор на прашањето зошто над десет илјади членовите кои се регистрирале не излегле да гласаат и зошто на членови кои биле уредно регистрирани, не им било овозможено да гласаат на гласачите места. Деспотовски воедно најави дека неговиот тим утре ќе поднесе приговори за констатираните забелешки.
-На овие две клучни прашања, но и на останатите забелешки кои дојдоа од мрежата контролори низ цела држава, нашиот тим веќе утре ќе поднесе приговори. СДСМ мора многу сериозно да се позанимава и да одговори на овие прашања пред воопшто да се дефинира став во врска со овие избори. Ова, без разлика на исходот од денешното гласање и резултатите кои ги очекуваме во следните два часа, наведува Деспотовски.