Спорт
Дресот на Кари најпродаван во Европа, Јокиќ не е во Топ 10
Стеф Кари и Лос Анџелес Лејкерс се најбарани во Европа оваа година кога се во прашање НБА дресовите и опремата.
Резултатите се засноваат на годишната продажба на „NBAStore.eu“, официјалната онлајн продавница на НБА во Европа, управувана од „Fanatics (International) Limited“ од почетокот на НБА сезоната 2021/2022.
Кари од Голден Стејт, најкорисен играч во финалето на НБА во 2022 година, се искачи од третото место минатата година на врвот на листата на најпопуларни дресови за 2022 година, додека Лос Анџелес Лејкерс трета последователна сезона го зазема првото место на листата на најпопуларните тимови.
На второто место на листата на најпопуларни дресови се најде бекот на Мемфис Гризлис, Ја Морант, а по него е Словенецот Лука Дончиќ од Далас Маверикс, кој беше седми во 2021 година.
Четврти е играчот на Мајами Хит, Џими Батлер, петти на листата е Гркот Јанис Адетокумбо од Милвоки Бакс.
Интересно двократниот МВП Никола Јокиќ не е меѓу првите десет.
Чикаго Булс, Голден Стејт Вориорс, Бостон Селтикс и Мајами Хит се рангирани зад Лејкерси на листата на најпопуларни тимски производи во Европа.
Десетте најпопуларни НБА дресови:
1. Стеф Кари, Голден Стејт Вориорс
2. Џа Морент, Мемфис Гризлис
3. Лука Дончиќ, Далас Маверикс
4. Џими Батлер, Мајами Хит
5. Џанис Адетокумбо, Милвоки Бакс
6. Леброн Џејмс, Лос Анџелес Лејкерс
7. Тарлер Хиро, Мајами Хит
8. Пол Џорџ, ЛА Клиперс
9. Каваи Ленард, ЛА Клиперс
10. Џоел Ембиид, Филаделфија
Десет НБА тимови според продажба на клупска опрема и реквизити:
1. Лос Анџелес Лејкерс
2. Чикаго Булс
3. Голден Стејт Вориорс
4. Бостон Селтикс
5. Мајами Хит
6. Бруклин Нетс
7. Милвоки Бакс
8. Торонто Репторс
9. Далас Маверикс
10. Мемфис Гризлис
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Евра му предолжи на Погба да оди во Марсеј
Пол Погба (31) ќе може повторно да игра фудбал од март 2025 година. Францускиот играч за врска ќе може да тренира од јануари следната година, откако казната за допинг му беше намалена од четири на 18 месеци.
За потсетување, тој беше суспендиран на крајот од минатата сезона бидејќи тестот на кој беше подложен по натпреварот меѓу Удинезе и Јувентус на 20 август 2023 година покажа дека има вишок тестостерон.
Погба напиша дека „кошмарот конечно заврши“ и најави дека ќе му се враи на фудбалот. Иако неговиот договор со Јувентус е со важност до летото 2026 година, клубот не смета на него и се очекува договорот да биде спогодбено раскинат.
Италијанскиот инсајдер Николо Скира откри дека за Французинот се распрашувале богатите саудиски клубови кои во последните години носат европски ѕвезди, како и клубовите од МЛС.
Поранешниот француски репрезентативец и поранешен соиграч на Погба во Јувентус, Патрис Евра (43) има поинаква идеја. Тој сака да му помогне на својот сонародник, па предлага да оди во Марсеј, моментално третопласираниот клуб во францускиот шампионат.
„99 отсто сум убеден дека нема да го видиме Пол повторно во дресот на Јувентус. Тој мора да сврти нова страница. Ќе го повикам Мехди Бенатија (советник во Марсеј) да контактира со Погба. Вратата е отворена за него“, рече Евра во подкастот на поранешниот фудбалер Жером Ротен.
🗨️ @Evra: "À 99%, je pense qu'on ne reverra pas Paul sous les couleurs de la Juve. Il faut tourner la page. Je vais appeler Mehdi Benatia pour qu'il l'appelle car les portes sont ouvertes"
👀 Un milieu Pogba/Rabiot à l'OM ? pic.twitter.com/pzV12pwb3n
— Rothen s'enflamme (@Rothensenflamme) October 4, 2024
Спорт
„Новак е Роналдо, Федерер е Меси“
Патрик Муратоглу, еден од најпознатите тениски тренери, ги спореди Новак Ѓоковиќ и Роџер Федерер со фудбалските великани, Кристијано Роналдо и Лионел Меси.
Французинот смета дека Федерер е како Меси, природен талент, додека Ѓоковиќ е како Роналдо кој постигна многу со напорна работа.
„Вчера разговарав со пријател и се согласивме дека Федерер е како Меси, а Ѓоковиќ како Роналдо“, вели Муратоглу и додава.
„Зошто? Затоа што Федерер е чист талент и потребно е да го почувствува тоа што го прави. Од друга страна, Ѓоковиќ е супер работник кој внимава на секој можен детал”, вели Муратоглу.
Како и да е, Ѓоковиќ во текот на кариерата го надмина Швајцарецот во речиси сите можни категории.
Новак има четири Грен слем титули повеќе од тенисерот од Базел кој се повлече од тенисот во септември 2022 година.
Ѓоковиќ сезонава е без титула на АТП, има злато од Олимписките игри, а игра и на Мастерсот во Шангај кој го освои четири пати.
Спорт
Со селфи од брзата помош Карвахал потврди дека ги скинал лигаментите
Реал го победи Виљареал со 2:0 во дербито од 9. коло во Примера, но победата има горчлив вкус поради повредата на Дани Карвахал.
Десниот бек на Реал во 92.минута го повреди коленото, на носилки беше изнесен од теренот.
Околу 2 часа по полноќ, Каравахл на Инстаграм објави селфи од брзата помош и ги потврди црните прогнози.
„Потврдена ми е тешка повреда на вкрстените лигаменти. Морам да одам на операција и нема да играм неколку месеци. Со нетрпение очекувам да почнам да закрепнувам и да се вратам како ѕвер. Ви благодарам на сите за пораките“.
Карвахал е позитивен и покрај се, но оваа повреда обично значи долго отсуство од терените, кое трае приближно осум до десет месеци. Тоа значи дека неговата сезона е практично завршена.
Ова е огромен удар за Реал бидејќи Карвахал е незаменлив на позицијата десен бек.
Негова замена е Лукас Васкез, но освен него Реал нема ниту еден десен бек. Шпанските медиуми пишуваат дека поради ова сигурно е дека Реал ќе мора да реагира во зимскиот преоден рок.