Спорт
На трансфер-листата 11 играчи со вкупна вредност од 161 милион евра
ПСЖ предводен од Килијан Мбапе доживеа елиминација во осмина-финалето на Лигата на шампионите од Реал Мадрид, кој подоцна ја освои титулата. Елиминацијата беше страшен удар за челниците на клубот за кои освојувањето на најпрестижното клупско фудбалско натпреварување е единствениот вистински критериум за успех.
Клупските челници во финишот на сезоната го одработија најважниот дел од работата во ПСЖ, го убедија Мбапе да го продолжи договорот. Со доаѓањето на Кристоф Галтие и Луис Кампос клубот ги реши прашањата на тренерот и спортскиот директор, а сега дојде време да се направи чистка во соблекувалната.
Le Parisien пишува дека на трансфер листата има дури 11 играчи чија вкупна вредност изнесува 161 милион евра.
На листата се: Мауро Икарди (проценета вредност од 22 милиони евра), Јулијан Дракслер (18), Лајвин Курзава (5), Абду Диало (18), Тило Керер (22), Леандро Паредес (17), Идриса Геје (12). Андер Ерера (10), Џорџињо Вајналдум (18), Јуниор Дина Ебимбе (5) и Данило Переира (14).
Проблем е фактот што не сите играчи се подготвени да си заминат од ПСЖ, што не е чудно ако се земат предвид платите што ги имаат во редовите на францускиот шампион.
Икарди е меѓу првите што не сакаат да го напуштат клубот.
Досега од ПСЖ си заминаа само Алфонс Ареола (за 9,3 милиони евра во Вест Хем), Анхел ди Марија (без отштета во Јувентус) и Чави Симонс (без отштета во ПСВ).
Што се однесува до засилувањата, ПСЖ го откупи Нуно Мендеш (од Спортинг за 38 милиони евра), а во клубот пристигна Витиња (од Порто за 41,5 милиони евра).
Но, ПСЖ нема намера да застане тука, на врвот на листата на потенцијални засилувања се Милан Шкриниар (Интер), Џанлука Скамака (Сасуоло) и Ренато Санчес (Лил).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Евра му предолжи на Погба да оди во Марсеј
Пол Погба (31) ќе може повторно да игра фудбал од март 2025 година. Францускиот играч за врска ќе може да тренира од јануари следната година, откако казната за допинг му беше намалена од четири на 18 месеци.
За потсетување, тој беше суспендиран на крајот од минатата сезона бидејќи тестот на кој беше подложен по натпреварот меѓу Удинезе и Јувентус на 20 август 2023 година покажа дека има вишок тестостерон.
Погба напиша дека „кошмарот конечно заврши“ и најави дека ќе му се враи на фудбалот. Иако неговиот договор со Јувентус е со важност до летото 2026 година, клубот не смета на него и се очекува договорот да биде спогодбено раскинат.
Италијанскиот инсајдер Николо Скира откри дека за Французинот се распрашувале богатите саудиски клубови кои во последните години носат европски ѕвезди, како и клубовите од МЛС.
Поранешниот француски репрезентативец и поранешен соиграч на Погба во Јувентус, Патрис Евра (43) има поинаква идеја. Тој сака да му помогне на својот сонародник, па предлага да оди во Марсеј, моментално третопласираниот клуб во францускиот шампионат.
„99 отсто сум убеден дека нема да го видиме Пол повторно во дресот на Јувентус. Тој мора да сврти нова страница. Ќе го повикам Мехди Бенатија (советник во Марсеј) да контактира со Погба. Вратата е отворена за него“, рече Евра во подкастот на поранешниот фудбалер Жером Ротен.
🗨️ @Evra: "À 99%, je pense qu'on ne reverra pas Paul sous les couleurs de la Juve. Il faut tourner la page. Je vais appeler Mehdi Benatia pour qu'il l'appelle car les portes sont ouvertes"
👀 Un milieu Pogba/Rabiot à l'OM ? pic.twitter.com/pzV12pwb3n
— Rothen s'enflamme (@Rothensenflamme) October 4, 2024
Спорт
„Новак е Роналдо, Федерер е Меси“
Патрик Муратоглу, еден од најпознатите тениски тренери, ги спореди Новак Ѓоковиќ и Роџер Федерер со фудбалските великани, Кристијано Роналдо и Лионел Меси.
Французинот смета дека Федерер е како Меси, природен талент, додека Ѓоковиќ е како Роналдо кој постигна многу со напорна работа.
„Вчера разговарав со пријател и се согласивме дека Федерер е како Меси, а Ѓоковиќ како Роналдо“, вели Муратоглу и додава.
„Зошто? Затоа што Федерер е чист талент и потребно е да го почувствува тоа што го прави. Од друга страна, Ѓоковиќ е супер работник кој внимава на секој можен детал”, вели Муратоглу.
Како и да е, Ѓоковиќ во текот на кариерата го надмина Швајцарецот во речиси сите можни категории.
Новак има четири Грен слем титули повеќе од тенисерот од Базел кој се повлече од тенисот во септември 2022 година.
Ѓоковиќ сезонава е без титула на АТП, има злато од Олимписките игри, а игра и на Мастерсот во Шангај кој го освои четири пати.
Спорт
Со селфи од брзата помош Карвахал потврди дека ги скинал лигаментите
Реал го победи Виљареал со 2:0 во дербито од 9. коло во Примера, но победата има горчлив вкус поради повредата на Дани Карвахал.
Десниот бек на Реал во 92.минута го повреди коленото, на носилки беше изнесен од теренот.
Околу 2 часа по полноќ, Каравахл на Инстаграм објави селфи од брзата помош и ги потврди црните прогнози.
„Потврдена ми е тешка повреда на вкрстените лигаменти. Морам да одам на операција и нема да играм неколку месеци. Со нетрпение очекувам да почнам да закрепнувам и да се вратам како ѕвер. Ви благодарам на сите за пораките“.
Карвахал е позитивен и покрај се, но оваа повреда обично значи долго отсуство од терените, кое трае приближно осум до десет месеци. Тоа значи дека неговата сезона е практично завршена.
Ова е огромен удар за Реал бидејќи Карвахал е незаменлив на позицијата десен бек.
Негова замена е Лукас Васкез, но освен него Реал нема ниту еден десен бек. Шпанските медиуми пишуваат дека поради ова сигурно е дека Реал ќе мора да реагира во зимскиот преоден рок.