Свет
Кинески градови во состојба на подготвеност поради топлотен бран, покривите и патиштата се топат
Во многу кинески градови владеат високи температури, при што од топлотните бранови се топат покривите на зградите и патиштата, а непријатното време ги принуди луѓето да одат во подземни засолништа, пренесуваат медиумите во светот.
До вторник во 11 часот, 68 града – вклучително Шангај и блискиот Нанџинг – објавија црвен аларм, највисок во тристепениот систем за предупредување од топлотни бранови, предвидувајќи температури над 40 Целзиусови степени во следните 24 часа.
Шангај, кој сè уште се бори со спорадични епидемии на Ковид-19, ги предупреди своите 25 милиони жители да се подготват за топлото време оваа недела. Од почетокот на евиденцијата во 1873 година, Шангај има само 15 дена со температури над 40 Целзиусови степени.
Во распространетиот парк за диви животни во Шангај, персоналот превезува осум тони мраз дневно само за да ги разлади животните.
„Оваа година жештините дојдоа малку порано“, вели Жу Дарен, жителка на Шангај, додека нејзиниот петгодишен син си игра во фонтаната.
„Иако е само јули, чувствувам како жешкото време веќе го достигна својот врв. Во суштина, мора да го вклучите клима-уредот кога ќе се вратите дома и да ставите крем за сончање кога ќе излезете надвор“.
Кина оваа година се соочува со лето полно со контрасти, со наизменични топлотни бранови и обилни врнежи што ја пустошат земјата. Властите, повикувајќи се на климатските промени, предупредија на можни временски катастрофи од средината на јули, традиционално најтоплото и најврнежливо време од годината.
Во град во јужната провинција Џијангкси, дел од патот се насобрал и се подигнал најмалку 15 сантиметри поради жештините, покажала државната телевизија.
Нанџинг, еден од трите пеколни градови во Кина, познат по жешките лета, од неделата ги отвори подземните засолништа за воздушни напади за жителите. Воените бункери се опремени со вај-фај, книги, вода, дури и микробранови печки. Градот во вторникот издаде црвен аларм.
Во Чонгкинг, уште еден пеколен град, покривот на музејот буквално се стопи, а традиционалните кинески ќерамиди пукаа и паднаа додека топлината го стопи катранот што ги држеше на покривот. Градот во понеделникот објави црвен аларм, пишуваат локалните медиуми.
Чонгкинг распореди камиони полни со прскалки со вода за ладење на патиштата.
Оваа недела се предвидуваа високи температури, влажност и ултравиолетово зрачење да го погодат централниот град Вухан, третиот град на пеколот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русија нема сила повторно да го нападне Киев, изјави Зеленски за АФП
Претседателот на Украина, Володимир Зеленски во интервју за Агенцијата Франс прес (АФП) изјави дека не верува оти Русија има сила повторно да го нападне Киев.
Тие немаат сила за голема офанзива против главниот град, како што имаа на почетокот на инвазијата, посочи Зеленски додавајќи оти главни цели на Кремљ се Харков и Донбас.
Тој ги обвини западните земји што му забраниле да ја нападне Русија со нивното оружје.
„Русите можат да не нападнат на наша територија, тоа е најголемата предност што ја има Русија, но ние не можеме да направиме ништо со западното оружје на нивните вооружени системи лоцирани на руска територија. Немаме право“, вели Зеленски.
Според него, Западот се плаши и од руски и од украински пораз и оваа ситуација ја нарече апсурдна.
„Ние сме во апсурдна ситуација кога Западот се плаши дека Русија ќе ја изгуби војната. А во исто време тие не сакаат Украина да ја изгуби. Затоа што конечната победа на Украина ќе доведе до пораз на Русија и конечна победата на Русија ќе доведе до пораз на Украина“, истакна Зеленски.
Регион
Пленковиќ, хрватскиот премиер кој доби трет мандат најави прва седница за понеделник
Откако хрватскиот Сабор вчера ја поддржа 16. Влада на Република Хрватска, а третата предводена од лидерот на Хрватската демократска заедница (ХДЗ) Андреј Пленковиќ, тој во изјава за медиумите рече дека првата седница на новата Влада ќе биде во понеделник и најави продолжување на посветената работа во интерес на хрватскиот народ.
„Благодарам на мнозинството во хрватскиот Сабор што ни ја укажа довербата да станеме Влада на Република Хрватска по трет пат и ние, како што правевме претходните осум години, посветено ќе работиме во интерес на хрватскиот народ, сите наши сограѓани, економијата, врската меѓу татковината и иселениците Хрвати и да спроведеме програма врз основа на која ја добивме довербата на хрватските гласачи“, рече Пленковиќ откако Собранието гласаше за неговата трета Влада
Тој им се заблагодари на сите партнери кои ја поддржаа Владата.
Пратениците во хрватскиот Сабор вчера гласаа за доверба на новата влада на премиерот Андреј Пленковиќ.
За доверба на Владата гласаа 79 пратеници, против беа 61 пратеник, а еден беше воздржан.
Свет
Убиени тројца странски туристи и еден Авганистанец
Вчера од вооружени лица во централен Авганистан се убиени тројца странски туристи и еден Авганистанец, а четворица странски државјани и тројца Авганистанци се ранети, соопшти талибанското Министерство за внатрешни работи.
Според светските агенции не е позната националноста на туристите, ниту кој го извршил нападот за кој што се уапсени четири лица.