Спорт
Шокантно признание на Мо Фарах: Се викам Хусеин и бев жртва на трговија со луѓе
Еден од најуспешните спортисти на сите времиња, Мо Фарах, го шокираше целиот свет во документарец на „Би-Би-Си“ со тоа што призна дека како дете бил илегално донесен во Обединетото Кралство како жртва на трговија со луѓе и дека бил принуден да работи како слуга.
Четирикратниот олимписки, шесткратен светски и петкратен европски шампион на 5.000 метри и на 10.000 метри и најуспешниот тркач на долги патеки на сите времиња откри за „Би-Би-Си“ дека истите луѓе кои го донеле на островот му го дале името Мохамед Фарах, и дека неговото вистинско име е Хусеин Абди Кахин.
Него како деветгодишно момче го донела од Џибути жена која никогаш не ја познаавал. Кога пристигнал, бил принуден да се грижи за децата на едно семејство.
„Го потиснував ова со години, но не можете вечно да молчите“, изјави легендарниот спортист кој претходно тврдеше дека на Островот пристигнал од Сомалија како дете бегалец.
Неговиот татко Абди бил убиен во немири во Сомалија кога имал само четири години, а Фарах вели дека имал осум или девет години кога го однеле од дома да биде со семејството во Џибути. Потоа бил одведен во Обединетото Кралство. Жената која го однела во Европа му рекла дека ќе оди кај роднините, а тој бил возбуден поради тоа.
„Никогаш немав видено авион“, открива познатиот спортист на кој истата жена му кажала дека сега се вика Мохамед и му покажала фотографија со неговото сега познато име и презиме.
Кога пристигнал во Англија, жената го однела во Лондон и ги искинала сите документи кои пред него ги споменувале неговите вистински роднини.
„Таа ги искина пред мене документите и ги фрли во ѓубре. Во тој момент знаев дека сум во неволја. Морав да работам дома и да се грижам за децата ако сакам да јадам. Често се заклучував и плачев во бањата“, откри Мо, кому непознатата жена која го донела му се заканувала дека ќе молчи за се ако сака повторно да го види семејството.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тони Надал: Рафа живеe нормално, а Ѓоковиќ е најдобар во историјата затоа што не живее нормален живот
Тони Надал, поранешниот тренер на Рафаел Надал, крена голема прашина со изјави за трката за најдобриот тенисер на сите времиња. Најчесто вујкото на Надал ги омаловажува успесите на Новак Ѓоковиќ.
Искусниот стручњак, кој ја прекина соработката со Надал во 2017 година, изјави дека Новак Ѓоковиќ постигнал се што имал, пред се затоа што за разлика од неговите ривали „не живее нормален живот“.
„Мислам дека Новак Ѓоковиќ беше мотивиран од желбата да напише приказна, да стане најдобар играч во историјата, додека Рафа, од друга страна, секогаш живеел сосема нормален живот. Рафа игра тенис, но живее нормално, јаде, игра фудбал и се занимава со други активности Се сеќавам на еден тренинг кога неговиот менаџер ни кажа дека Рафа не е професионален, а мојот одговор беше дека не ни сакам да биде, туку дека е доволно што дава се од себе кога е на теренот и дека во слободното време може да живее како и секој друг маж“, вели Тони.
Според него, Новак бил далеку повеќе фокусиран на деталите, поради што толку долго е во самиот врв на светскиот тенис.
„За разлика од Рафа, Новак е многу внимателен што јаде, како го поминува слободното време и има сосема поинаква визија од Рафа и Роџер. На крајот, сите тројца сакаа да бидат најдобри досега, а најважното нешто во тоа приказната беше колку се спремни да се жртвуваат“, заклучи искусниот тренер.
Спорт
Почина легендарниот Аргентинец, Цезар Луис Меноти
Аргентинскиот фудбалски тренер Цезар Луис Меноти почина на 85-годишна возраст, соопшти аргентинскиот фудбалски сојуз.
Меноти, познат и како „Ел Флако“ (Слабиот), го освои Светското првенство во фудбал во 1978 година како селектор на Аргентина.
Роден е во градот Росарио, а најголемиот дел од својата кариера го помина во истоимениот клуб. Играше и за Бока Јуниорс.
Како тренер, меѓу другите ги водеше Њуелс Олд Бојс од Росарио, Бока Јуниорс, Ривер Плата, Атлетико Мадрид, Барселона и Индепендиенте, а покрај сениорскиот тим беше селектор и на аргентинската репрезентација под 20 години, како и Мексико.
Меноти последниот месец го помина во болница поради анемија.
Шпанска „Марка“, наведува дека Меноти како тренер ја пропагирал идејата за фудбалот како уметнички израз, наспроти „биладиризмот“, кој го имплементирал аргентинскиот тренер Карлос Билардо, а кој вклучувал користење на сите достапни сегменти од играта за да се постигне победа по секоја цена.
Спорт
Ферстапен за Норис: Ова нема да биде неговата последна победа
Втор пат во 2024 година, Макс Ферстапен не триумфираше на една од трките во Формула 1 шампионатот Холанѓанецот мораше да се откаже во Австралија поради проблеми со сопирачките (победи Карлос Саинц), а во неделата вечерта во Мајами, шампионот беше поразен од Британецот Ландо Норис.
Норис ја постигна првата победа во својата 110. трка во кариерата, а по тој повод зборуваше и Ферстапен.
„Понекогаш победуваш, а понекогаш губиш. Сите сме навикнати на тоа во тркачкиот свет, нели? Денеска ми беше малку проблематично. Дури и на мидиум пневматиците не се чувствував удобно. Правевме предност но не на востонски начин. Кога слушнав како Мекларен поминува во боксот, помислив: „Леле, тоа е навистина брзо“. Тој леташе. Тој дел беше навистина тежок за нас“, изјави Макс Ферстапен по трката.
„Многу сум среќен за Ландо. Долго чекаше на оваа победа, а нема да му биде последна. Дефинитивно го заслужи триумфот“, изјави актуелниот шампион во Формула 1.
На прашањето дали оваа трка е одраз на вистинската брзина на надградениот болид на Мекларен, Ферстапен одговори:
„Се надевам дека не!
Во генералниот поредок води Верстапен со 136 бодови, пред Перез со 101, додека Леклер е трет со 98.
Овогодинешниот шампионат во Формула 1 продолжува со Големата награда на Емилија Ромања на патеката „Енцо и Дино Ферари“ од 17 до 19 мај.