Спорт
Ексдиректорот на трки во Ф1, Мајкл Маси си замина од ФИА
Мајкл Маси, поранешниот директор на трки во Формула 1, кој беше отстранет од позицијата по минатогодишната контроверзна завршница на сезоната во Абу Даби, си замина од Светската автомобилистичка федерација (ФИА) и се пресели во својата татковина Австралија за да биде поблиску до своето семејство.
Претседателот на ФИА, Мохамед Бин Сулајем го отстрани Маси од позицијата, откако ФИА во истрагата заклучи дека има „човечка грешка“ во неправилното повикуваање на безбедносното возило на последната трка од сезоната во Абу Даби, кога Макс Ферстапен во последниот круг го помина Луис Хамилтон и ја освои светската титула. Доколку не дозволи болидите кои беа меѓу двајцата тркачи зад безбедносното возило да ги поминат, Хамилтон ќе станеше шампион.
„ФИА потврдува дека Мајкл Маси реши да замине од ФИА и да се пресели во Австралија за да биде поблиску до неговото семејство. Тој три години беше директор на трки на Ф1 по ненадејната смрт на Чарли Вајтинг во 2019 година, завршувајќи ја својата работа на професионален и посветен начин. Му благодариме за неговата посветеност и му посакуваме среќа во иднината“, се вели во објавата на ФИА.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Врие во „Арена“ пред третиот финален меч – Нанели му удри бокс на Лазаревиќ
На денот на одигрувањето на третиот натпревар од финалната серија на плејофот на АБА лигата, главна вест е тепачката меѓу играчот Партизан Џејм Нанели и кошаркарот на Црвенз звезда Стефан Лазаревиќ во ходниците на белградска Арената.
Инцидентот, поради кој реагираше полицијата и јавното обвинителство се случи во моментите кога кошаркатите на партизан го завршијја, а нивните колеги од Црвена звезда требаа да го почнат шутерскиот тренинг пред натпреварот.
Кошаркарскиот клуб Црвена звезда во текот на денот објави фотографија од повредениот Лазаревиќ кој добил тупаница или тупаници во пределот на лицето од Нанели. лазаревиќ има повреда на лицето со две исеченици и отоци.
Во меѓувреме се појави и видео од инцидентот.
На снимката од камерите внатре во салата може да се види точниот момент кога започнал конфликтот, но не и кој го предизвикал.
Лазаревиќ е зад Нанели, играчот на Звезда нешто му зборува, а Американецот од Партизан потоа се врти им зададава силен удар, по што и двајцата завршија на подот.
Потоа интервенираа останатите играчи за да ги разделат, а прв меѓу нив беше Џејлен Смит.
Страстите потоа се смирија.
Али њуз који качи и пише “невини Лазаревић” па шта је требао, да се не брани иако га овај први ударио? pic.twitter.com/hcBv0sAhHK
— Урош ♦️ (@jzk_cz) May 19, 2024
Спорт
Мурињо оди во Истанбул, но не во Фенербахче туку во Бешикташ
Жозе Мурињо, еден од најтрофејните тренери во историјата, е многу блиску до преземање на Бешикташ. Ова го пишуваат турските медиуми, а го потврди и претседателот на клубот од Истанбул.
„Го контактиравме Мурињо. Тој е подготвен да дојде во нашиот клуб. Договоривме нов состанок следната недела во Италија. Финансиските детали од договорот се решени”, изјави Хусеин Јуџел, претседател на Бешикташ.
Мурињо неодамна беше поврзуван со Фенербахче, но Бешикташ очигледно е далеку поконкретен. Тој клуб и оваа сезона ги разочара своите навивачи, далеку е зад најголемите ривали Галатасарај и Фенербахче.
Доколку дојде Мурињо ќе треба да се вмеша во борбата за титулаѕа, која последен пат Бешикташ ја освои пред три години.
Славниот Португалец е без работа од јануари кога доби отказ од Рома поради лошите резултати.
Спорт
Ферстапен најбрз во Имола
Макс Ферстапен во Имола ја забележа 59.победа во кариерата. Актуелниот светски првак триумфираше на трката за Големата награда на Емилија Ромања. Покрај Ферстапен место на победничкиот подиум изборија Ландо Норис (Мекларен) и Шарл Леклер (Ферари).
Траката во Имола речиси и да не донесе никакви возбудувања. На почетокот во првите 10 кругови Пасјтри се обидуваше но не успеа да го мине Карлос Санц на четвротто место. Она што не на младиот Австралиец му успеа на патеката му успеа низ боксот.
Мала незивеснот имаше во последните седум круга, кога Ферстапен се пожали на проблеми со пенвматиците. Норис тоа го искористи, разликата од седум секунди ја намали на седум десетинки, но не дојде во позиција за напад.
Покрај најдобрите тројца бодови во Имола освоија Пјастри, Саинц, Хамилтон, Расел, Перез, Строл, и Цунода.
Шампионатот во Формула 1 продолжува наредниот викенд со трката за Голмата награда на Монако.