Црна хроника
Кумановец криел 10 илегални мигранти од Палестина и Сомалија
Кумановец во својот дом криел 10 илегални мигранти од Палестина и Сомалија, кои илегално требало да бидат пренесени преку македонско – српската граница
Во неговата куќа во Средорек, кумановско завчера полицијата направила претрес при што во една од просториите во куќата пронашла шестмина Палестинци и четворица Сомалијци, кои претходно илегално ја минале македонско – грчката граница. „Палестинските мигранти, пријавениот ги прифатил и засолнал во неговиот дом, а во договор со А.И. за паричен надомест од 1250 евра требало наредниот ден истите илегално да ги префрлат во Р.Србија. За тоа на А.И. веднаш му биле исплатени 850 евра, а остатокот од сумата требало да ги исплатат откако илегално ќе ги префрлат во Србија“ се вели во соопштението на МВР. Кумановецот е уапсен и му е одреден триесетдневен притвор, а се уште се трага по неговиот соработник.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
„Цитроен“ удри во електричен тротинет, тешко повреден малолетник од Прилепско
Вчера во 11.50 часот во Полициската станица Прилеп било пријавено дека во село Црнилиште, прилепско, патничко возило „цитроен“ со прилепски регистарски ознаки, управувано од 48-годишниот М.А. од село Црнилиште, удрило во електричен тротинет управуван од малолетник од село Црнилиште, прилепско, извести МВР.
„Во несреќата со тешки телесни повреди се здобил малолетникот, а неговиот малолетен сопатник се здобил со телесни повреди констатирани во Општа болница Прилеп“, соопшти МВР.
Извршен бил увид од увидна екипа од ОВР Прилеп.
Црна хроника
Претрес во Кичево, пронајдена дрога, приведени двајца дилери
Вчера во 21.40 часот во Кичево, полициски службеници од Надворешната канцеларија за криминалистички работи Кичево и Полициската станица Кичево ги лишиле од слобода 32-годишниот Б.Д. и 25-годишниот А.Д., двајцата од Кичево, извести МВР.
„При претрес во нивниот дом, извршен со судска наредба, биле пронајдени и одземени марихуана и грутчеста материја“, соопшти МВР.
Лицата биле задржани во полициска станица и по целосно документирање на случајот против нив ќе биде поднесена соодветна пријава.
Црна хроника
Уапсена жена во Гостивар, била фатена како краде во продавница
Вчера во 18.45 часот на улица „Светозар Пепоски“ во Гостивар, полициски службеници од ОВР Гостивар ја лишиле од слобода 50-годишната Г.И. од гостиварско Неготино.
„Таа била фатена при извршување кражба во продажен објект, по што се обидела да побегне, но била спречена и лишена од слобода“, соопшти МВР.
По целосно расчистување и документирање на случајот против неа ќе биде поднесена соодветна пријава.