Македонија
Здравствен извештај на ШТАДА за 2022 година
Влошување на здравствените услови во Европа
Веќе деветта година по ред, мултинационалната корпорација Штада организира испитување на јавното мислење на европската популација по прашањата за здравствените навики и односот кон здравјето. Ова е деветто по ред, а четврто меѓународно истражување што опфаќа повеќе од 30 илјади испитаници на возраст меѓу 18 и 99 години во 15 земји, меѓу кои е и Србија. Истражувањата се спроведуваат како придонес кон здравствената едукација, за подобар увид во здравствените навики и здравствените потреби на пошироката популација. Репрезенатативната онлајн студија за Штада ја спроведе компанијата InSites Consulting.
– Со Здравствениот извештај на ШТАДА настојуваме да дадеме научно верифицирани податоци за да поттикнеме дебати за здравствените трендови и за потребните мерки за поддршка на непроценливата работа што нашите партнери од доверба, без разлика дали се тоа лекари, болници, влади, фармацевти, секојдневно ја вршат за пациентите – вели Петар Голдшмит, генерален директор на ШТАДА.
Со овогодинешното истражување се опфатени 15 земји: Австрија, Белгија, Чешка, Франција, Германија, Италија, Казахстан, Холандија, Полска, Португалија, Романија, Србија, Шпанија, Швајцарија и Обединетото Кралство.
Клучни показатели на Здравствениот извештај на Штада за 2022 година
Пандемијата на ковид 19 од корен го промени начинот на живеење, драстично го здрма здравствениот секотор, го наруши физичкото и менталното здравје и доведе до:
Пад на задоволството од здравствениот систем
Насекаде во Европа значајно опадна процентот на задоволство од услугите што ги даваат националните здравствени системи. Двете години пандемија не беа тешки само за европската популација туку и за нејзините здравствени системи. Оттаму последните три години задоволството од здравствените системи е во постојан пад, и тоа од 78 % задоволни Европејци во 2020 година и 74 % задоволни во 2021 година на само 64 % задоволни Европејци во 2022 година.
Влошување на менталното здравје
Нивото на стрес расте, квалитетот на сонот е полош, а секој шести Европеец чувствува дека е на раб на согорување. Што се однесува до општото ментално здравје, секој трети Европеец тврди дека му се влошило менталното здравје, а особено се загрижени граѓаните на Австрија – 37 %, Италија 35 % и Португалија – 35 %.
Резултатите на истражувањето во Србија покажуваат дека нивото на стрес кај 40 % од граѓаните се зголемило од појавата на пандемијата, што е над глобалниот просек што изнесува 37 %. Поради стравот од корона, 1/3 полошо спијат, а 27 % се жалат дека им се влошило менталното здравје и 21 % дека се помалку среќни во приватниот живот од порано.
Зошто не спијат Европејците?
Секојдневите проблеми најмногу го нарушуваат сонот на Полјаците – 47 % и Шпанците – 40 %, ама и на граѓаните на Србија – 34 %, кои дополнително ги мачат и стравови и лоши мисли – 31 %, што е над глобалниот просек од 26 %. Италијанците најмногу ги мачи анксиозност, па дури 42 % ноќе се будни поради грижата за пари. На 21 % Британци сонот им го нарушуваат уринарни проблеми, додека на 18 % Германци им пречи вревата од околината.
Согорување на работа – дополнителна закана за менталното здравје
Самопроценетото ниво на согорување – кај луѓето што искусиле таква состојба или веруваат дека се на работ на согорување – достигнало највисоко ниво од 59 % во просекот на сите времиња во Европа. Населението на источноевропските земји се чувствуваат посебно загрозени, па така 20 % од граѓаните на Србија тврдат дека доживелае согорување на работа, додека 21 % имаат чувство дека се на раб да го доживеат тој вид слом, што е над глобалниот просек од 15 %. Романците се чувствуваат уште позагрозени, 31 % од нив веќе доживеале такво искуство, а во Полска, дури 70 % истакнуваат дека го искусиле чувството на согорување барем еднаш во животот.
Жените се позагрозени. Од жените, 65 % чувствуваат дека се во ризик од согорување, додека кај мажите процентот е 53 %.
Ковид го наруши здравјето на нековид пациентите
Поради стравот од ковид-инфекција, закажаните лекарски контроли во текот на пандемијата на ковид ги откажале 37 % Романци, 36 % Чеси, исто толку Италијанци и 30 % граѓани на Србија, што е значително над глобалниот просек од 24 %.
Истовремено, закажувањето преглед во текот на пандемијата кај општ лекар, во анкетата е обележано како „вистински предизвик“ во неколку земји, меѓу кои е и Србија.
Добри вести од Здравствениот извештај за 2022 година
Расте процентот на Европејци кои настојуваат да живеат здрав стил на живот.
Се хранам поздраво – велат 50 % Шпанци и 48 % Срби, што е значително над глобалниот просек од 40 %. За подобрување на исхраната помалку се грижат Британците 30 % и Белгијците 31 %.
Го зголемив внесот на додатоци на исхраната, витамини и минерали – на прво место се Чесите 49 %, Полјаците 45 %, како и 37 % од граѓаните на Србија, што е значително над глобалниот просек од 26 %. На поголем внес на суплементи не се склони Французите – 17 % и Шпанците – 14 %.
Дисциплинирано ги следам советите на лекарот – велат 40 % Португалци и 30 % Шпанци, што е значително над глобалниот просек од 25 %. Кога се во прашање граѓаните на Србија, со ова се пофалиле 23 %.
Се грижам повеќе за квалитетот на животот и посетувам часови по фитнес, истакнуваат 18 % Полјаци и 17 % Италијанци, за разлика од вкупно 4 % од граѓаните на Србија кои се пофалиле со наведените активности.
Аптека на иднината: спојување на најдоброто
Здравствениот извештај на Штада за 2022 година покажува и дека Европејците остануваат верни на малопродажните аптеки, и покрај растечката конкуренција на онлајн продажбата. Во Европа и понатаму 56 % од корисниците физички посетуваат аптека повеќе пати месечно, од коишто 27 % повеќе пати неделно. Европејците сакаат и го ценат советот на аптекарот, па индивидуалното советување се смета за интегрална и важна услуга. Веднаш зад индивидуалното советување, во анкетата како посакувана е означена можноста за онлајн нарачување лекови од локална аптека (33 %). Така резултатите од здравствениот извештај сугерираат дека главен предизвик во блиска иднина за аптеките би било изнаоѓање начини да се комбинираат барањата, што лесно може да се постигне со поволностите што ги нуди дигиталната доба.
– Tоа што за здравјето се грижиме како доверлив партнер, бара од нас да ги поделиме резултатите од истражувањето и да разговараме за овие сознанија со фармацевтите и сите други заинтересирани страни во областа на здравствената заштита насекаде во Европа, и на тој начин да придонесеме за подобар пристап на пациентите до вискоквалитетна здравствена заштита – заклучува Петар Голдшмит, генрален директор на Штада
ПР
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ДИК ги соопшти местата на кои ќе се прегласува на 22 мај
Државната изборна комисија (ДИК) денеска, на 105. седница, едногласно го усвои предлогот да се повтори гласањето во Изборната единица (ИЕ) 5 на избирачките места 1470/1 и 1470 во Општина Долнени, 1.194 и 1.202 во Општина Крушево, 1844 во Општина Струга и 1272 во Општина Охрид, како и во ИЕ 6 на избирачкото место 2101 во Општина Желино. Гласањето ќе се одржи идната среда, на 22 мај 2024 година.
ДИК на седницата ги разреши и претседателите на избирачките одбори, членовите и нивните заменици во избирачките места 1470/1 и 1470 во Општина Долнени, 1194 и 1202 во Општина Крушево, 1844 во Општина Струга, 1272 во Општина Охрид и 2101 во Општина Желино.
Со оглед дека се кратки роковите за избор на нови избирачки одбори, за да биде регуларно прегласувањето, општинските изборни комисии (ОИК) ќе треба да ангажираат некои од веќе постојните избирачки одбори, или од најблиските избирачки места или некои други, и за тоа ќе треба да достават известување до ДИК.
Кампањата за повторното гласање ќе трае до понеделник, 20 мај, 00.00 часот. Притоа, ќе важат истите листи за болни и немоќни лица, ќе нема можност да се пријавуваат нови.
Според ДИК, има можност за измени и предлози за овластени претставници на кандидати. Тоа важи и за членовите на избирачките одбори кои се предложени од политичките партии.
Македонија
Кацарска ја чува обезбедување, денес добила закани дека „страшно ќе одговара“
Непознато лице денеска напладне во близина на ТЦ „Рамстор“ во центарот на Скопје вербално и се заканувало на претседателката на Уставниот суд, Добрила Кацарска. По инцидентот интервенирало нејзиното обезбедување.
„Полициски службеници од полициската станица Центар денеска во 14:00 часот го лишиле од слобода В.П.Г. (57) од Богданци, постапувајќи по претходна пријава дека во угостителски објект во трговски центар на подрачјето на Центар во Скопје упатил закани кон Д.К.(67) од Скопје со зборовите ‘ќе одговараш, страшно ќе одговараш’. Лицето било задржано во полициска станица и по целосно документирање на случајот во координација со јавен обвинител против него ќе биде поднесена кривична пријава по член 144 од Кривичниот законик“, соопшти МВР.
Пред неколку дена во подземна гаража на зграда во Центар пронајдени се импровизиран кревет и кујнски нож на гражаното место на Кацарска.
Од МВР потврдуваат дека известен е јавен обвинител, предметите се подигнати за вештачење и се преземаат мерки за расчистување на случајот.
Македонија
Утре затворени неколку улици во Скопје
Утре од 08.30 до 12.30 часот, поради одржување на натпревар „Стопански триоги триатлон”, со стартно-целна позиција кај Спортскиот центар „Борис Трајковски” во дел од градот ќе има изменет режим на сообраќај, соопшти СВР Скопје.
Посебниот режим на сообраќај ќе опфати дел од уличната мрежа околу СЦ „Борис Трајковски” и дел од булеварот Илинден (десна коловозна лента), потоа на потегот од крстосницата со булевар 8 Септември до крстосницата со улицата Никола Парапунов и обратно.
Утре исто така со почеток во 09.45 часот, поради одржување на спортско-рекреативен настан „Прв до врв” ќе има посебен режим на сообраќај во делот од градот каде што ќе се реализира манифестацијата.
Настанот почнува пред Музеј на град Скопје – улица Св.Кирил и Методиј, потоа лево по булеварот Св.Климент Охридски, во продолжение право по булеварот Мајка Тереза, па лево по улицата Тодор Александров и по локалниот пат за Средно Водно до врв на Водно („Милениумски крст”).