Регион
Борел од Подгорица: Не треба да постои ништо поважно за Црна Гора од европскиот пат
„Сите политички актери и институции во Црна Гора треба да продолжат заедно да работат на реформите, во конструктивен дух, а други тековни политички прашања не треба да одвлекуваат внимание од реформската агенда што води кон полноправно членство во Европската Унија“.
Ова е пораката која денеска од Подгорица ја упати потпретседателот на Европската комисија – Жозеп Борел.
Тој заедно со еврокомесарот за соседство и проширување, Оливер Вархељ, учествуваа во работата на Советот за стабилизација и асоцијација на ЕУ и Црна Гора.
Борел заклучи дека состанокот бил важен за да им се покаже на граѓаните на Црна Гора и на целиот регион, посветеноста на Брисел за заедничка иднина во ЕУ.
„Силата и фокусот на сите политички субјекти треба да бидат насочени на спроведување европски реформи. Не треба да постои ништо поважно за Црна Гора од европскиот пат, посебно во момент кога Црна Гора треба да биде водач во пристапните преговори“, вели Борел.
Вархељ, пак, рече дека со црногорски официјални лица разговарале за економскиот и инвестицискиот план со што ЕУ сака да ја забрза интеграцијата, па Црна Гора да може да биде еден од најголемите корисници, преку градење патишта и пруги што ќе ја поврзат земјата со соседите.
„Европа може да пружи огромна помош во сите овие предизвици. Во оваа земја може да се вложат 1,3 милијарди евра со цел да се надминат тешкотиите, но, потребно е да се остварат резултати“, смета тој.
Премиерот на Црна Гора – Дритан Абазовиќ на заедничка прес-конференција нагласи дека одржувањето на седницата на Советот за стабилизација и асоцијација на ЕУ и Црна Гора во Подгорица за првпат е надвор од ЕУ, големо признание за земјата и оти тоа укажува дека на Западен Балкан идејата за проширување живее најмногу низ Црна Гора.
„Црногорската Влада гледа само еден главен надворешнополитички приоритет, а тоа е како Црна Гора да стане идна членка на ЕУ. Сите мораме да бидеме посветени на тоа прашање, мораме да ги решаваме работите што бараат поширок консензус во општеството, да се оди кон деблокирање на европскиот пат“ – појасни тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.
Регион
Убиство и самоубиство во Бјеловар, Хрватска
Во Бјеловар, Хрватска во семејна куќа се пронајдени две починати и едно тешко повредено лице, кое е префрлено во болница. Најверојатно се работи за насилна смрт, а според неофицијални информации, мажот ја убил мајката на неговата жена, а се обидел да ја убие и сопругата која е тешко повредена.
Напаѓачот, според првичните инфрормации се самоубил.
Хрватската полиција засега не ги потврдува неофицијалните информации дека се работи за убиство и самоубиство.
Полицијата дојавата ја добила околу 10 часот, а на местото се врши увид.
Регион
Пленковиќ, хрватскиот премиер кој доби трет мандат најави прва седница за понеделник
Откако хрватскиот Сабор вчера ја поддржа 16. Влада на Република Хрватска, а третата предводена од лидерот на Хрватската демократска заедница (ХДЗ) Андреј Пленковиќ, тој во изјава за медиумите рече дека првата седница на новата Влада ќе биде во понеделник и најави продолжување на посветената работа во интерес на хрватскиот народ.
„Благодарам на мнозинството во хрватскиот Сабор што ни ја укажа довербата да станеме Влада на Република Хрватска по трет пат и ние, како што правевме претходните осум години, посветено ќе работиме во интерес на хрватскиот народ, сите наши сограѓани, економијата, врската меѓу татковината и иселениците Хрвати и да спроведеме програма врз основа на која ја добивме довербата на хрватските гласачи“, рече Пленковиќ откако Собранието гласаше за неговата трета Влада
Тој им се заблагодари на сите партнери кои ја поддржаа Владата.
Пратениците во хрватскиот Сабор вчера гласаа за доверба на новата влада на премиерот Андреј Пленковиќ.
За доверба на Владата гласаа 79 пратеници, против беа 61 пратеник, а еден беше воздржан.