Свет
Во Шри Ланка прогласена вонредна состојба
Вршителот на должноста претседател на Шри Ланка Ранил Викремесинг прогласи вонредна состојба, објави владата доцна синоќа.
Во соопштението се наведува дека „тоа е целисходно во интерес на јавната безбедност, заштитата на јавниот ред и одржувањето на снабдувањето и обезбедувањето услуги од суштинско значење за животот на заедницата“, пренесува „Ројтерс“.
Соборениот претседател Готабаја Раџапакса, кој побегна во странство минатата недела за да избега од народниот бунт против неговата влада, рече дека ги презел „сите можни чекори“ за да се избегне економска криза што ја зафати земјата.
Парламентот во петокот ја прифати оставката на Раџапакса, кој побегна прво на Малдиви, а потоа во Сингапур, откако стотици илјади антивладини демонстранти излегоа на улиците на Коломбо пред една недела и ја окупираа неговата официјална резиденција и канцеларии.
Парламентот на Шри Ланка се состана во саботата за да го започне процесот на избор на нов претседател.
Во земјава пристигна и многу потребната пратка гориво, која ќе го ублажи недостигот на гориво.
Викремесинге, сојузник на Раџапакса, е еден од главните претенденти за преземање на претседателската функција, но демонстрантите бараат и тој да си замине, што ќе доведе до потенцијални дополнителни немири доколку биде избран.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Премиерката на Бангладеш: Сопствениците на фабрики да се откажат од луксузот заради вработените
Премиерката на Бангладеш Шеиха Хасина за време на своето обраќање по повод празникот Први мај ги повика сопствениците на текстилните фабрики и другите фабрики од Бангладеш да ги подобрат условите за работа на своите вработени со тоа што ќе се откажат од дел од својот луксуз.
„Сакам сопствениците (фабриките) да посветат посебно внимание на работниците, намалувајќи го малку нивниот луксуз, бидејќи работниците ви дадоа простор да водите луксузен живот со зголемување на производството со нивната напорна работа“, рече Хасина.
Таа, исто така, ги предупреди работниците да ги игнорираат повиците за штрајк бидејќи „на тој начин работниците понекогаш всушност си нанесуваат штета себеси, на своите семејства, на земјата и на сопствениците на фабриките“, пренесува агенцијата БСС.
Свет
Уривање на дел од автопат во Кина: Најмалку 24 лица загинаа, 30 се повредени
Најмалку 24 лица загинаа, а 30 се повредени при уривање на дел од автопат на југот на Кина, во провинцијата Гуангдонг, јавија кинеските медиуми.
„Осумнаесет автомобили паднаа по падината откако се урна дел од автопатот долг 17,9 метри околу 2 часот по полноќ“, се вели во соопштението на властите во градот Мејџоу во провинцијата Гуангдонг, пренесува АП.
Според американската агенција, околу 11:45 часот по локално време под урнатините биле пронајдени 18 автомобили.
Свет
Блинкен им порача на Израел и Хамас дека е време за прекин на огнот
Државниот секретар на Соединетите Држави (САД) Ентони Блинкен се состана со израелските лидери на 1 мај, за време на посетата на Израел, а во таа прилика му порача на претседателот на земјата дека „е дојдено времето“ за договор за прекин на огнот во војната во Газа.
Ова е седма посета на Блинкен од почетокот на војната меѓу Израел и Хамас – палестинска група прогласена за терористичка организација од страна на САД и Европската Унија уште од октомври.
Блинкен се обидува да постигне договор кој би ги ослободил заложниците кои ги држат милитантите на Хамас во замена за прекин на борбите. Како дел од договорот се очекува да бидат ослободени и палестинските затвореници.