Спорт
Барса потроши најмногу пари на засилувања
Како што пренесува шпанскиот спортски весник „Марка“, досега најмногу пари на засилувања во преодниот рок, потрошил фудбалскиот клуб Барселона околу 115 милиони евра.
Се наведува дека до неодамна Барселона не можела да регистрира нови фудбалери, а имала долгови кои надминуваат милијарда евра. Сепак овој клуб е на прво место во светот по трошење пари во преодниот рок.
Барселона досега се засили до Рафиња и Левандовски. За овие двајца клубот платил 115 милиони евра.
Веднаш зад Барселона е Манчестер сити кој потроши 108 милиони евра на засилувања, а на третото место е Лидс јунајтед со 105 милиони евра.
„Марка“ наведува дека Барселона успеала да ги намали огромните долгови со продажба на дел од идните ТВ права. Весникот наведува дека Реал Мадрид е единствениот шпански клуб чии трошоци се економски издржани.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Димитиревски договорил четири годишна соработка со Валенсија
Репрезетативецот на Македонија Столе Димитиревски од наредната сезона ќе го носи дресот на Рајо Ваљекано. Бројни шапнски медиуми и најпознатиот транфер-инсајдер, Фабрицио Романо, објавија дека голманот со Валенсија потпишал четири годишен договор.
Столе Димитриевски по шест сезони, како слободен играч ќе го напушти Рајо Ваљекано. Од „Ваљехас“ ќе замине како голман со најмногу одиграни натпревари во клупската историја.
Во последното коло, против Атлетик Билбао на домашен терен Македонецот по 192. пат ќе застане на голот на Рајо Ваљекано.
Трансферот на Димитриевски значи дека Валенсија ќе ја напушти Грузиецот, Гиорги Мамрдашвили. Од неговиот трансфер Валенсија треба да заработи 30 или повеќе милиони евра.
Спорт
Тиквеш и Воска најавуваат голема борба за трофејот во Купот
Извор/ ffm.mk
Тиквеш и Воска Спорт утре од 19:00 часот на Националната арена „Тодор Проески“ во Скопје ќе се соочат во 31. финале од Купот на Македонија.
На денешната прес-конференција, тренерите и капитените на двата тима ги споделија своите очекувања во пресрет на утрешното финале.
„Кога сме веќе во финалето, секако дека сме тука и да го освоиме. Нема да бидеме скромни, сакаме да го освоиме пехарот. Верувам дека моите фудбалери ќе бидат максимално мотивирани и дека ќе ја заокружиме оваа сезона на најдобар можен начин. Победникот може да го реши еден момент, грешка или инспирација на одреден фудбалер“, изјави тренерот на Тиквеш, Ѓорѓи Мојсов.
„За разлика од Тиквеш ние сме млад клуб кој постои неколку години, ова е прва година во Прва лига за Воска и веднаш стигнуваме до историско финале што е голем успех. Првенството го завршивме на посакувано место, па сега одиме да се надигруваме против Тиквеш во Купот на Македонија. Тие се хит во пролетниот дел од сезоната и сакам да им честитам за четвртото место на табелата кое е одлично остварување за Тиквеш. Играат добро, но сепак и ние сме во добра форма, долго време сме без пораз и дојдовме во Скопје да се надигруваме и да го освоиме Купот на Македонија. Еднаш бев учесник во финале како тренер на Металург и загубивме од Работнички. Се надевам дека сега со Воска Спорт ќе бидеме поуспешни и дека ќе ги оствариме нашите цели“, рече тренерот на Воска Срѓан Захариевски
Спорт
Бензема по секоја цена сака да замине од Саудиска Арабија
Карим Бензема како актуелен освојувач на Златната топка, на почетокот на јуни минатата година реши да го напушти Реал Мадрид и да замине во Саудиска Арабија. Потпишал договор до јуни 2025 година, за како што тогаш објави трансфер инсајдерот, Фабрицио Романо, плата од 200 милиони евра по сезона. Во платата се вклучени и бројни комерцијални придобивки.
Шпанските медиуми, повикувајќи се на извори блиски до фудбалерот, тврдат дека тој по само една сезона сака да се врати во Европа. Наводно му недостига фудбалот на повисоко ниво, а му пречи ниското ниво на професионализам и тоа што постојано е критикуван од навивачите.
Според овие извори, нема да му биде лесно да си замине. Според договороте, тој може да го смени клубот, но не и да ја напушти лигата. Саудискиот инвестициски фонд, кој стои зад напливот на скапи фудбалски ѕвезди, не сака да му го дозволи тоа бидејќи ќе го наруши угледот на лигата.
Бензема одигра 29 натпревари за Ал Итихад, постигна 13 гола и забележа осум асистенции.