Македонија
Општина Тетово: Одлуката на МОН е одмазднички политички чин
Општина Тетово реагира на последната одлука на Министерството за образование, каде што начинот на објавување на оваа одлука, кој Општина Тетово, како што велат од таму, го доби преку новинарите, ги покажува сериозноста и тежината на оваа корумпирана власт, поточно Министерството за образование и наука, кое не наоѓа официјален начин за комуникација иако оваа општина е најголемата албанска општина во РСМ.
„Oдлуката за разрешување на поранешната директорка на гимназијата ‘Кирил Пејчиновиќ’ е донесена врз основа на предлог на средношколскиот совет, каде што Законот за средното образование ме обврзува да постапам по предлог на училишниот совет во рок од 15 дена, кои врз основа на општинскиот ревизорски извештај, од кој се констатирани низа прекршоци и финансиски злоупотреби, со кои беше оштетен буџетот на училиштето. Оваа одлука не може да се пресмета поинаку, освен продолжување на одмаздничкиот политики чин кон граѓаните на Тетово, само затоа што оваа општина не е управувана од актуелна централна власт“, се посочува во реакцијата од Општина Тетово.
„За уште поголема иронија, сведоци сме на тоа што пред само неколку дена имавме можност да ги видиме видеоснимките како брат на градоначалник влегува и бесрамно ја краде документацијата од училишното досие да се скријат направените злоупотреби, а МОН немаше никаква реакција во врска со ова, туку ги бранеше злоупотребите и криминалот. Го прашуваме министерот дали е свесен за овие постапки или само му ги испраќаат писмата да ги потпише и да прифати наредби од неговиот шеф А. Г., кој очигледно е подготвен на сѐ, само да им се одмазди на граѓаните на Тетово за поразот на локалните избори“, потенцираат од Општината.
За предметниот случај, Општина Тетово ќе ги информира сите дипломатски претставништва на пријателските земји, пред сѐ, Вашингтон и Брисел, додаваат од таму.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Лашкоска: Обновувањето на шумскиот фонд е дел од приоритетите на локално и национално ниво
Заменик министерката за животна средина и просторно планирање, Ане Лашкоска, денес ја посети Гевгелија каде заедно со градоначалникот, Андон Сарамандов, се приклучија на акцијата за масовно пошумување и подигање на јавната свест „Да пуштиме корени во нашата Гевгелија“ во рамките на која на месноста Топлик, Гевгелија се засадуваа 6000 дрвни насади.
„Министерството за животна средина ги поддржува активностите за пошумување во државата бидејќи тие се значаен ресурс од повеќе аспекти – заштита на биодивезитетот, подобрување на квалитетот на воздухот, климатските промени, заштита од ерозија и свлечишта и се важен економски ресурс“ изјави Лашкоска на настанот потенцирајќи дека обновувањето на шумскиот фонд е дел од приоритетите на локално и национално ниво особено во услови кога сме соочени со многу високи летни температури и со сериозно опожарување на шумите на територијата на целата држава.
Таа упати честитки и благодарност до градоначалникот на Гевгелија, Андон Сарамандов и општина Гевгелија за одлично реализираната акција.
Во рамките на посетата на општина Гевгелија, заменик министерката Лашкоска и градоначлникот Сарамадов направија увид во реализацијата на проектот за намалување на загуби на вода со замена и инсталација на водомери заедно со инсталација и конфигурација на опрема со далечинско отчитување. Проектот го имплементира ЈКПД Комуналец Гевгелија, а е финансиски поддржан од страна на МЖСПП со средства во висина од 5 милиони денари.
Македонија
СДСМ утре на Конгрес ќе избира ново раководство
Социјалдемократскиот сојуз на Македонија утре ќе го одржи 30. партиски Конгрес, на којшто ќе биде избрано новото партиско раководство.
Од опозициската партија известија дека Конгресот ќе има отворен и работен дел, ќе се разговара за идните, нови политики на партијата и ќе биде избрано новото раководство, однсно членовите на највисиките тела во СДСМ – Централниот и Надзорниот одбор.
На почетокот, ќе има обраќање на Венко Филипче, кој пред пет месеци ја презема претседателската функција од неговиот претходник, Димитар Ковачевски по големиот пораз што го претрпе партијата на парламентарните и претседателските избори.
Македонија
ВМРО-ДПМНЕ контра Кузеска: Оваа Влада вложува во модернизација, претходната потроши 5 милиони евра на службени возила
За разлика од ВМРО-ДПМНЕ која што вложува во модернизација, професионализација и осовременување на условите за работа во македонските институции, СДС и ДУИ во своето владеење за службени возила потрошиле повеќе од пет милиони евра, реагира ВМРО-ДПМНЕ на прес-конференцијата на портпаролката од СДСМ, Богданка Кузеска.
„Очигледно на функционерите од СДС изминатите седум години на власт, најважна им била сопствената комоција, а не и реалните проблеми на обичните луѓе“, велат од ВМРО-ДПМНЕ.
Додаваат дека во буџетот за 2025 година предвидено е зголемување на средствата за модернизација на МВР, одбраната, здравството, земјоделието, односно предвидени се зголемени средства за набавка на опрема во сите институции.
Кузеска претходно денес на прес-конференција обвини дека власта ги одби амандманите за поголеми плати, а ќе троши на мебел и скапи автомобили за функционерите.