Спорт
Фрум се повлече од Тур де Франс
Британскиот велосипедист, четирикратен победник на Тур де Франс, Крис Фрум, денеска се повлече од годинешната трка откако беше заразен со коронавирусот. Фрум е еден од тројцата возачи кои не стартуваа во денешната 18-та етапа, бидејќи нивните тестови беа позитивни на Ковид-19. Освен него, отпаднаа Иманол Ервити и Дамијано Карузо.
По 17-та етапа, Фрум беше 26-ти во генералниот пласман, еден час и 27 минути зад водечкиот Данец Јонас Вингегард. Откако претрпе сериозна несреќа во 2019 година, неговиот најдобар резултат е третото место на 12. етапа минатата недела.
„Навистина сум разочаран што нема да можам да стигнам до Париз и да ја завршам оваа Тур де Франс. Ова е многу посебна трка за тимот и за мене, бидејќи повторно почнувам да ги „чувствувам нозете“. Благодарен сум на сите за поддршката во текот на целиот процес. Сега си одам дома, ќе се исклучам на неколку дена и потоа ќе се подготвам за Вуелта а Еспања“, рече Фрум во видео порака.
Фрум двапати ја освои Вуелта, во 2011 и 2017 година. Оваа година трката ќе се вози од 19 август до 11 септември.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Реал Мадрид најде замена за Хезоња
Турскиот кошаркар Фуркан Коркмаз следното лето би можел да му се приклучи на Реал Мадрид.
Овој 26-годишен кошаркар треба да пристигне во редовите на европскиот шампион како замена за Марио Хезоња кој не го продолжи договорот.
Коркмаз е без клуб од февруари кога беше трејдуван од Филаделфија во Индијана, која веднаш му врачи отказ.
Тој беше член на Сиксерс од 2017 до 2024 година, во кариерата на 328 натпревари во НБА лигата има просек од од 6,8 поени и два скока.
Според турските медиуми, Коркмаз ги започнал преговорите со Реал. Од дуга страна Марио Хезоња ќе се пресели во Панатинаикос чиј член беше во 2021 година.
Спорт
Математиката на Челси, Лукаку+пари = Виктор Осимен
Ромелу Лукаку (30), по три сезони минати во Интер и една во Рома, во Серија А би можел да го облече дресот на Наполи.
Белгиецот изминатите две сезони настапува како позајмен, во Интер и Рома. Доколку се пресели во Наполи тој би бил дел од трансферот на Виктор Осимен.
Италијанските медиуми најавуваат дека 25-годишниот Нигериец следното лето би можел да го засили Челзи во трансфер вреден меѓу 80 и 90 милиони евра и дека Лукаку ќе послужи како своевидна „доплата“ во таа „зделка“.
За Осимен се заинтересирани и саудиските клубови, па Челзи ќе мора да му понуди голема плата доколку сака да го обезбеди потписот на нигерискиот репрезентативец.
Спорт
(Видео) Меси и Суарез го декласираа Њујорк Ред Бул
Аргентинскиот фудбалер Лионел Меси стана првиот играч во историјата на МЛС со пет асистенции на еден натпревар.
Меси го растури Њујорк Ред Бул со гол и пет асистенции. Интер славече победа 6:2.
Домашниот тим со пресврт дојде до седмата победа оваа сезона, откако Њујорк поведе во 30. минута преку Данте Ванзеир.
Матијас Рохас израмни во 48. минута, а Меси погоди две минути подоцна.
Рохас ја затресе мрежата на гостите во 62. минута, а Луис Суарез постигна хет трик во финишот.
Погоди во 69., 75. и 81. минута, а Њујорк Ред Бул постигна уште еден гол во седмата минута од судиското надополнување преку Емил Форсберг од белата точка.
Интер е прв во Источната конференција со 24 бодови, додека Њујорк Ред Булс е четврти со 17 бодови.