Македонија
ВМРО-ДПМНЕ: Едностраната изјава за јазикот дадена од МНР е негација на македонскиот јазик и предавство на нацијата
![](https://makfax.com.mk/wp-content/uploads/2022/07/VMRO-DPMNE.jpg)
Едностраната изјава за јазикот дадена од МНР е негација на македонскиот јазик и предавство на нацијата. Изјавата дека македонскиот јазик е јазик кој се заснова на територијата на денешна Република Македонија е груб фалсификат на научната вистина. Македонскиот јазик е јазик кој се заснова и на неговите дијалекти кои се простираат и надвор од Република Македонија. Ова е став на официјалната наука и како таков македонскиот јазик е признаен и од ОН, се вели во соопштението од ВМРО-ДПМНЕ.
Од партијата додаваат дека дијалектното простирање на македонскиот јазик ги надминува државните граници. Македонскиот јазик е жив јазик и тој се проучува на голем број филолошки катедри низ светот. Власта со ваквата изјава го негира и сака да ја изврти научната вистина.
Дополнително историјата на македонскиот јазик не почнува од 1944 година, кога е кодифициран, туку многу пред тоа. Tоа не го кажува ВМРО-ДПМНЕ тоа е наука и став на науката што е докажан. За овие предавства ќе има одговорност. Ковачевски ќе одговара за носењето на државата во подредена положба, се вели во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Зголемена фреквенција за излез од државата, се чека околу 45 минути
![](https://makfax.com.mk/wp-content/uploads/2024/06/granica-bogorodica-1.jpg)
Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е зголемен. На граничните премини Богородица, Дојран, Меџитлија и Табановце има зголемена фреквенција за излез од државата, времето на чекање е околу 30 – 45 минути.
На останатите гранични премини од македонска страна, нема подолги задржувања за влез и излез од државата.
Жикол Дооел Струмица известува дека поради вршење на градежни активности на објект: Реконструкција со проширување на регионален пат Р1109 делница Понов мост – влез во Богданци, сметано од 24.06.2024 година ќе биде поставен времен режим на сообраќај.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Скопје
Посебен режим на сообраќај во Скопје денеска и утре
![](https://makfax.com.mk/wp-content/uploads/2022/01/bit-pazar-2-mavrovka.png)
Денеска и утре, по повод верскиот празник Задушница, Единицата за безбедност на патниот сообраќај при СВР Скопје ќе преземе мерки за посебен режим на сообраќајот.
Имено, од 6 часот денеска и утре, сообраќајот кон Градските гробишта „Бутел“ ќе се одвива во една насока (кружно), односно сите возила ќе се упатуваат по улицата Бутелска, лево по улицата Александар Урдаревски, лево по улицата Боца Иванова и десно до влезот на гробишта „Бутел“, а за излез од гробиштата десно по улицата Боца Иванова до кружниот тек на улицата Бутелска, па лево по улицата Бутелска и десно по улицата Кемал Сејфула.
Посебен режим на сообраќај ќе се воведе и во околината на гробишта „Камник“ и во Ѓорче Петров. МВР апелира до граѓаните да ги почитуваат наредбите што ги издаваат полициските службеници на сообраќајниците опфатени со посебниот режим на сообраќај.
Македонија
(Видео) Разладување со сладоледи во скопската зоолошка градина
![](https://makfax.com.mk/wp-content/uploads/2024/06/sladoledi-zoo-skopje.jpg)
Скопската Зоолошка градина на „Фејсбук“ објави видео на кое животните јадат сладоледи и се разладуваат во пеколно жешките денови во главниот град.
„На екстремно топло време и животните бараат разладување. Традиционално како и секое лето подготвивме сладоледи за нашите најмили. Поздрав од Мадагаскар екипата“, се наведува во објавата.
Видеото на ЛИНКОТ.