Свет
(Видео) Се запали воз во Бостон, патниците бегаа низ прозорците
На социјалните мрежи се појавија драматични снимки од воз кој се запали вчера во областа Бостон на мостот на реката Мистик, додека патниците во паника ги кршеа прозорците за да излезат.
Главниот вагон се запалил, а на снимката се гледа како патниците бегаат од возот. Некои дури скокнаа од мостот. Наводно, во возот имало околу 200 луѓе.
Извршниот директор на МБТА, Стив Пофтак, им се извини на патниците за инцидентот. Пофтак рече дека тоа е застрашувачки настан.
A subway train outside Boston caught fire on Thursday morning as it crossed a bridge over the Mystic River, prompting an evacuation that led many to climb out of windows and one person to leap into the water below, the authorities said. https://t.co/14kZ12i4SG pic.twitter.com/pvXJv0qigu
— The New York Times (@nytimes) July 21, 2022
Тој на прес-конференцијата рече дека несреќата ја предизвикало парче метал на обвивката кое се откачило и дошло во контакт со друга шина низ која течела струја.
За среќа, ниту еден од патниците не е повреден при евакуацијата, пренесе Аваз.ба.
New video shows a person in the water after an Orange Line train broke down and started smoking over the Mystic River.
Riders had to climb off the train on to the tracks and walk back to the station. Witnesses say one person even jumped into the water. pic.twitter.com/Gvimj7krf9
— Rob Way (@RobWayTV) July 21, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Масовен хакерски напад врз руски државни медиуми; Украинците: Ние го изведовме
Извор од украинската влада соопшти дека украинските хакери се одговорни за големиот сајбер напад врз руската државна медиумска компанија ВГТРК што се случи денеска, што се совпадна со 72-от роденден на рускиот претседател Владимир Путин.
Портпаролот на Кремљ, Дмитриј Песков, претходно потврди дека ВГТРК била цел на сајбер напад без преседан, додавајќи дека експертите работат напорно за да откријат кој е одговорен и дека ВГТРК работи на надминување на последиците од нападот.
ВГТРК, која ги поседува и управува со главните национални ТВ канали и голем број регионални канали и радио станици, претходно во понеделникот објави дека нејзините интернет-сервиси станале цел на сајбер напад преку ноќ, но дека и покрај тоа, емитувањето на радиото и ТВ преносите функционирале.
„Нашиот државен медиумски холдинг, еден од најголемите, се соочи со невиден хакерски напад врз неговата дигитална инфраструктура. Експертите се обидуваат да ги утврдат сите околности со цел да разберат каде водат трагите што ги оставиле сторителите на овој хакерски напад“, рече тој.
Свет
Лавров го предупреди Западот: Не играјте си со оган
Рускиот министер за надворешни работи Сергеј Лавров денеска изјави дека разговорите за тоа да ѝ се дозволи на Украина да користи оружје обезбедено од Запад за напади длабоко во Русија се игра со оган што може да има опасни последици.
„Тие зборуваат за овластување на вооружените сили на Украина да користат западни ракети со долг дострел за да напаѓаат длабоко во руска територија. Ова играње со оган може да доведе до опасни последици“, предупреди Лавров во интервју за „Њузвик“.
Лавров потсети на зборовите на рускиот претседател Владимир Путин, кој истакна дека Москва ќе донесе соодветни одлуки врз основа на заканите од Западот, пренесува ТАСС.
„Како што рече претседателот Путин, ќе донесеме соодветни одлуки врз основа на нашето разбирање за заканите од Западот. Ваше е да донесете заклучоци“, нагласи Лавров.
Како што изјави Путин претходно, земјите од НАТО сега разговараат не само за можноста Киев да користи западно оружје со долг дострел – тие всушност одлучуваат дали директно да се вклучат во ситуацијата во Украина.
„Во исто време, ваквото директно учество на Западот ќе ја промени суштината на конфликтот, Русија ќе биде принудена да носи одлуки врз основа на заканите што се создаваат на овој начин“, рече рускиот претседател.
Свет
Бајден: Никогаш нема да се откажам од напорите да ги вратам израелските заложници дома
Американскиот претседател, Џозеф Бајден, и потпретседателката, Камала Харис, го осудија Хамас на годишнината од нападите на терористичката група врз Израел и ја повторија посветеноста на нивната администрација да го зацементира договорот за прекин на огнот за прекин на борбите во Газа и Либан.
„Денеска, се одбележува една година жалост за повеќе од 1.200 невини луѓе од сите возрасти, вклучително и 46 Американци, масакрирани во јужен Израел од страна на терористичката група Хамас. Една година откако Хамас изврши ужасни сексуални дејства. И една година од катастрофалната војната“, рече Бајден, според соопштението на Белата куќа.
Тој рече дека секој ден размислува за повеќето од 100 заложници, кои сè уште се во заробеништво, за и нивните семејства.
„Стејт департментот никогаш нема да се откаже додека безбедно не ги вратиме сите преостанати заложници дома. Историјата исто така ќе го памети 7 октомври како мрачен ден за палестинскиот народ поради конфликтот што Хамас го почна тој ден. Нападот на 7 октомври извади на површина болни спомени, кои оставија милениуми на омраза и насилство врз еврејскиот народ, затоа станав првиот американски претседател што го посети Израел за време на војната, тогаш јасно му реков на народот на Израел: вие не сте сами.
Бајден додаде дека американскиот потпретседател и тој остануваат „посветени на безбедноста на еврејскиот народ, безбедноста на Израел и неговото право да постои“.
„Го поддржуваме правото на Израел да се брани од нападите на Хезболах, Хамас, Хутите и Иран. Минатата недела, под моја наредба, војската на САД повторно активно помогна во успешната одбрана на Израел помагајќи да се порази нападот на иранските балистички проектили“, рече претседателот на САД, пренесува „Танјуг“.
Тој силно го осуди насилниот пораст на антисемитизмот во Америка и во светот.
„Ова е неприфатливо. Сите ние мора да се бориме обединето против антисемитизмот и против омразата во сите форми. Израелците и Палестинците заслужуваат да живеат во безбедност, достоинство и мир. Исто така, продолжуваме да веруваме дека дипломатско решение е можно во текот на пограничниот регион на Израел и Либан и тоа е единствениот начин да се врати мирот и да им се овозможи на жителите од двете страни безбедно да се вратат во своите домови“, заклучи американскиот претседател.