Црна хроника
Истрага за велешанец за пронајден хероин на наплатната станица Сопот
Основното јавно обвинителство Велес донесе наредба за спроведување истражна постапка против 24-годишен велешанец поради постоење основано сомнение дека сторил кривично дело неовластено производство и пуштање во промет наркотични дроги, психотропни супстанции и прекурсори од Кривичниот законик.
Осомничениот на 20 јули неовластено заради продажба држел наркотична дрога – хероин во количина од 26,76 грама. Дрогата ја купил од Скопје по што со автомобил управуван од негов пријател се враќал кон Велес, движејќи се по автопатот А1. На наплатната станица Сопот овластени полициски службеници од СВР Велес го сопреле возилото и констатирале дека наркотичната дрога ја држи во џебот.
Бидејќи постои опасност осомничениот да се даде во бегство и да ја попречува истражната постапка со влијание врз сведокот како и основан страв дека може да го повтори делото, Основното јавно обвинителство Велес до судијата на претходна постапка при Основен суд Велес поднесе предлог за определување мерка притвор. Судијата го прифати предлогот и на осомничениот му определи притвор во траење од 30 дена, информираат надлежните.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Скопјанец со нож ја нападнал својата братучетка, кршел и ги нападнал соседите
Вчера во 18 часот во СВР Скопје, 20 – годишна жена од Скопје пријавила дека околу 09.30 часот во семејниот дом на подрачјето на Гази Баба, нејзиниот братучед Б.А.(22) и се заканил со остар предмет, оштетил дел од покуќнината и се обидел да го нападне нејзиниот сопруг, а потоа во дворот физички ја нападнал неа, како и соседите Ѓ.И.(41), А.Д.(48) и А.М.(63).
Се преземаат мерки за целосно расчистување на настанот.
Црна хроника
Приведен скопјанец, со нож им се заканувал на полицајци во комплексот клиники
Во 02.50 часот во Комплексот клиники „Мајка Тереза” во Скопје, полициски службеници од Единицата за интервентна полиција при СВР Скопје го лишиле од слобода Б.М.Ѓ.(38) од Скопје затоа што со остар предмет се заканувал на полициски службеници кои извршувале службени дејствија.
Црна хроника
Пронајдена граната во кичевската населба „Ивандол“
Вчера во 23.00 часот во ОВР Кичево е пријавено дека во кичевската населба „Иванидол“ била пронајдена граната.
Од овластено лице од Дирекцијата за заштита и спасување, гранатата денеска била безбедно подигната и предадена за натамошна постапка.