Свет
Американски полковник до Белата Куќа: Нашата политика кон Русија не води во ќорсокак
Раководството на САД се вовлекува во ќорсокак со помош на политиката на санкции против Русија, што доведува до зголемување на цените на енергенсите, напиша на Твитер поранешниот сенатор на државата Вирџинија и пензиониран полковник Ричард Блек.
– Време е да престанеме да го обвинуваме Путин за високите цени на горивото. Русија не воведе рестриктивни мерки за извозот на јаглен, нафта и природен гас. Конгресот ги претстави. Па да престанеме да ги бараме виновниците некаде таму, бидејќи тие се со нас, рече политичарот.
Според него, Европа работи на сличен принцип. Така, Европската унија, зборувајќи за значително намалување на испораките на гас преку гасоводот Северен тек, не сака да признае дека тоа се случило поради неподготвеноста на Канада навреме да ја врати ремонтираната турбина.
Таквата политика на Западот е ирационална и деструктивна, бидејќи води до огромни економски потреси, рече Блек.
По почетокот на руската специјална операција за демилитаризација и денацификација на Украина, Западот го зголеми притисокот на санкциите врз Москва. Многу земји најавија замрзнување на руските средства, се погласни се повиците да се напушти енергијата од Русија. Сето ова се претвори во проблеми за Европа и САД, предизвикувајќи поскапување на храната и горивото.
На почетокот на јули, проблемот беше решен: Канада се согласи да ја испрати турбината во Германија за понатамошен трансфер во Русија. Сепак, Газпром објави дека сè уште не добиле никакви документи за ова прашање.
Москва постојано нагласува дека намалувањето на понудата е резултат само на рестриктивните мерки. Како што истакна Владимир Путин, Гаспром ги исполнува и има намера да ги исполни сите обврски и е подготвен да пумпа гас по потреба, пренесе Новости.рс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Северна Кореја и испрати балони полни со измет на Јужна Кореја, стаса и предупредување: „Останете во затворено“
Северна Кореја испрати балони полни со ѓубре и измет во Јужна Кореја, јавуваат светските медиуми.
Северна Кореја пуштила 90 балони со пропагандни летоци и ѓубре над две гранични провинции на југ, што ги навело властите да ги предупредат жителите да останат во затворено и да не ги допираат балоните и пластичните кеси затоа што содржат „валкан отпад и ѓубре“ , пишува на Би-Би-Си.
Северна и Јужна Кореја користеле балони во нивните пропагандни кампањи од Корејската војна од 1950 -тите. Неодамнешниот инцидент се случи неколку дена откако Северна Кореја рече дека ќе се возврати на „честото ширење на летоци и ѓубре“ во граничните области од активисти на Југот.
„Еден куп стара хартија и нечистотија наскоро ќе бидат расфрлани низ граничните области и внатре во Јужна Кореја“, рече заменик министерот за одбрана на Северна Кореја, Ким Канг Ил во изјава за државните медиуми.
Јужнокорејската новинска агенција објави дека „се чинеше дека некои од паднатите балони носат измет, судејќи според темната боја и мирисот“ “
Јужнокорејската армија го осуди делото како „очигледно кршење на меѓународното право“.
„Ова сериозно ја загрозува безбедноста на нашиот народ. Северна Кореја е целосно одговорна за она што се случува заради балоните и силно ја предупредуваме Северна Кореја веднаш да ја прекине оваа нехумана и груба акција“, рече армијата.
Свет
Стејт департментот: САД жалат за трагичната загуба во Рафа, но Израел има право да го нападне Хамас
Администрацијата на претседателот на Соединетите Американски Држави „длабоко жали за трагичната загуба”, што е резултат на израелскиот напад врз кампот Опегро во градот Рафа во јужна Газа, во која загинаа најмалку 45 луѓе, изјави Метју Милер, но додаде дека „Израел има право да тргне по терористите на Хамас одговорни за ладнокрвното убиство на цивили“.
„Како што рековме порано, Израел има право да тргне по терористите на Хамас одговорни за студеното убиство на цивили, а Хамас треба да престане да се крие зад цивилите во Газа. Но, Израел, исто така, има обврска да стори сé што е можно за да се минимизира штетата на цивилите додека ги извршува своите операции “, заклучи Милер.
Истакна дека сега се во контакт со израелските власти од нападите во неделата, додавајќи дека Вашингтон нема да ја прави понатамошна проценка по ова прашањње сè додека израелската армија не ја заврши истрагата, стои во извештаите на „Тајмс оф Израел“.
Тој истакна дека израелските операции во Рафа сè уште не преминале „во она што сега го дефинираат како голема офанзива“.
„Ние продолжуваме да ги поддржуваме нивните сили додека го прогонуваме легитимниот терорист Хамас, и секако ова вклучува употреба на оружје обезбедено од Америка, но очекуваме тие да го сторат на начин што ја минимизира штетата на цивилите“, заклучи Милер.
„Спротивно на настапите од последните неколку часа, ИДФ не погоди хуманитарна зона“, изјави израелската армија.
Свет
Макрон: Франција е подготвена да ја признае Палестина во корисен момент
Францускиот претседател Емануел Макрон изјави за време на посетата на Германија дека признанието на палестинската држава не е „табу тема“, туку дека тоа мора да дојде во корисен момент, не под влијание на емоциите.
„Нема табуа за Франција и јас сум целосно подготвен да ја признаам палестинската држава, но мислам дека ова признание мора да дојде во корисно време. Јас нема да направам признание под емоции “, рече тој на заедничката прес -конференција со германскиот канцелар Олаф Солц, објави „Фигаро“.
Државата Палестина досега е признаена од 145 од 193 -те земји -членки на ООН, според палестинските власти, но ниту една земја на Г7 не спречила таков чекор.
Претходно, Ирска, Шпанија и Норвешка, соопштија дека официјално ја признаваат независната Палестина, пренесува Танјуг.