Спорт
Кан: Роналдо не е за Баерн
Претседателот на Баерн Минхен, Оливер Кан, ја отфрли можноста за доаѓање на Кристијано Роналдо, велејќи дека Португалецот не се вклопува во филозофијата на германскиот клуб.
„Разговаравме за тоа, инаку немаше добро да си ја вршиме работата. Мислам дека Кристијано Роналдо е еден од најдобрите фудбалери што некогаш постоеле на оваа планета. Но, дојдовме до заклучок дека и покрај сета почит што ја имаме кон него , во сегашната ситуација, тој не би одговарал на нашата филозофија“, изјави Кан за „Билд“.
Кан не објасни што сака да каже со „филозофијата на Баерн“, но клубот нема традиција да доведува светска ѕвезда, чија висока плата би ризикувала да создаде лоша атмосфера меѓу играчите. Исто така, во Баерн претпочитаат да им даваат можности на младите таленти, отколку на играчите кои се пред крајот на кариерата.
Роналдо има договор со Манчестер јунајтед на уште една година, а 37-годишниот Португалец по завршувањето на минатата сезона изјави дека е незадоволен од амбициите на клубот и дека би сакал повторно да игра во Лигата на шампионите.
Јунајтед оваа сезона ќе игра во Лига Европа, откако заврши на шестото место во Премиер лигата, со 35 бода помалку од шампионот Манчестер Сити. Тимот освои 58 поени, најмалку од основањето на Премиер лигата во 1992 година.
Роналдо ја пропушти претсезонската турнеја на Манчестер јунајтед, а на почетокот на неделата се врати во Англија и разговараше со тренерот Ерк тен Хаг, кога, според британските медиуми, повторно изразил желба да си замине.
Една од пречките за наоѓање нов клуб ќе биде платата, бидејќи минатата сезона Роналдо беше најплатениот фудбалер на Јунајтед со повеќе од 500.000 евра неделно.
Кан во интервју за „Билд“, изјави дека клубот е заинтересиран за напаѓачот на Тотенхем, Хари Кејн, но потсети дека 28-годишниот фудбалер има договор со лондонскиот клуб.
Кејн е под договор до 2023 година, а неговиот тренер Антонио Конте пред неколку дена се пожали на обидот на Баерн да го доведе напаѓачот на Тотенхем.
Баерн сака да доведе уште еден напаѓач откако Роберт Левандовски замина во Барселона. Германскиот шампион ова лето веќе ги доведе Садио Мане од Ливерпул и 17-годишниот Матис Тел од Рен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Арсенал остави два бода кај последно пласираниот Вулверхемптон
Лидерот во Премиер лигата, Арсенал, вечерва, остави два бода кај поседно пласираниот Вулверхемптон. „Топџиите“ водеа 2:0, на крајот „Волците“ дојдоа до 2:2.
Бидејќи Арсенал обезбеди директен пласман во осминафиналето, во Лигата на шампионите, решија порано да го одиграат натпреварот од 27-то коло во Премиер лигата.
Она што за лидерот требаше да биде рутина, на крајот се претвори во кошмар, кога Калафјори во 94-та минута си постигна авто-гол и ги постави конечните 2:2.
Се до 56-та минута се одеше според планот на Милел Артета. Букајо Сака го отвори резултаот во петтата минута. Откако во првиот дел Арсенал не искористи уште неколку добри шанси, предноста ја дуплираше во 56-та минута, преку Инкапије.
„Волците“ се вратија во натпреварот со прекрасниот гол на Уго Буено, во 61-та минута.
Артета се обиде да го затвори натпреварот и погреши. Казната дојде за неговиот тим во судиското продолжение, кога „Волците“ израмнија со многу среќа, по големо недоразбирање во одбраната на гостите, топката се одби од стативата и заврши во ногата на Калафиори, а пото а во мрежата.
Арсенал ега има пет бодови предност пред Манчестер Сити, но доколку „граѓаните“ го добијарт својот дуел од 27-то коло ќе му се доблиѓат на лидерот на само два бода. Вулвс се последни со само 10 поени и тие сигурно наредната сезона ќе играат во Чемпионшип.
Спорт
(Видео) Без победник во дуелот Милан-Комо
Фудбалерите на Милан и Комо одиграа нерешено 1:1 во возбудлив натпревар од 24-то коло од Серија А. Натпреврот беше полн со пресврти, тензии и драма, а го обележа црвениот картон што го доби тренерот на Милан Масимилијано Алегри.
Гостите од Комо го отворија натпреварот подобро и ги искористија грешките на своите ривали. По поништениот гол во 26-та минута поради прекршок, Комо поведе шест минути подоцна. Нико Паз казни една лоша реакција во одбраната на Милан.
Милан имаше неколку шанси за израмнување во првото полувреме. Во 30-та минута, Рафаел Леао се обиде, но голманот Жан Бутез одбрани, четири минути подцна тој се истакна и по обидот на Фикајо Томори.
Серхи Роберто (Комо) потоа имаше можност во 39-та минута, но Мењан не дозволи уште еднаш да биде совлада.
Второто полувреме донесе израмнување. Во 64-та минута, Рафаел Леао ја прими топката на работ од шеснаесетникот и со прецизен удар го совлада голманот Комо.
Како што натпреварот продолжуваше, растеше тензијата на теренот, а судијата Маријани делеше жолти картон, за Нико Паз, Жан Бутез, Јакоб Рамон и Рафаел Леао. Кулминацијата се случи во 81-та минута кога тренерот на Милан, Масимилијано Алегри, беше исклучен поради протест.
Foto/ EPA
Спорт
(Видео) Интер замрзна во Норвешка, Атлетико испушти 0:2 во Бриж, Баер победи кај Олимпијакос
Фудбалерите на Интер доживеаја пораз во Норвешка од Боде/Глимт, Атлетико на „мускули“ извлече реми (3:3) во Бриж, иако водеше со 2:0 и 3:2, а Баер Леверкузен победи во Пиреја кај Олимпијакос (2:0), во трите последни бража натпревари од првиот круг, за пласман во осминафиналето во Лигата на шампионите.
Боде/Глимт не се шегува, откако во последното коло во првата фаза го победи Атлетио во Мадрид и се пласира во баражот, вечерва славеше во дуелот со Интер.
Играчите на Интер не се снајдоа во норвежките услови и на вештачката трева. Изненадувањето го најави Фет во 20-та минута. Интер во мечот го врати Пио Еспозито 10 минути подцна.
Во вториот дел блиц-криг на Норвежаните, два гола за три минути, во периодот од 61-та до 64-та минута. Стрелци беа Хег и Хауге.
Во Бриж, Атлетико делуваше неубедливо, но и покрај тоа имаше два гола предност на полувремето. Алварез погоди од пенал во осмата минута, а Лукман во четвртата минута од судиското надополнување на времето.
Бриж во мечот се врати експресно, преку Оњедика во 52-та и Тресолди во 60-та минута. Атлетико предноста ја врати со авѕо-голот на Ордонез во 79-та минута. Сепак пораз на Бриж спречи Цолис во 90-та минута.
Во Пиреја, Баер Леверкузен го направи клучниот чекор кон осминафиналето. На Олимпијакос му пресуди Чехот, Патрик Шик со головите во 60-та и 63-та минута.
Реванш натпреварите ќе се одиграат наредниот вторник.
Foto/ EPA

