Европа
Германски град ја исклучи топлата вода
Хановер е првиот голем германски град кој ја исклучи топлата и премина кон ладната вода за миење раце и туширање во јавни згради.
Ова се случи набргу откако Русија драматично го намали снабдувањето со гас во земјата.
Во обид да заштеди енергија, градот Хановер во северна Германија одлучи дека топла вода повеќе нема да биде достапна за миење раце во јавни згради или под тушеви во базени, спортски сали и теретани, јавува Би-би-си.
Се наведува дека на Германците им било кажано да очекуваат сеопфатни мерки за заштеда на гасот и дополнителни трошоци за нивните сметки за енергија поради кризата со рускиот гас.
Се додава дека и јавните чешми за вода се исклучуваат за да се заштеди енергија, а нема да има ноќно осветлување на главните згради, како што се градското собрание и музеите.
Градоначалникот Белит Онај рече дека целта е да се намали потрошувачката на енергија во градот за 15 проценти, што се препорачува во цела ЕУ, како реакција на непосредниот недостиг на гас.
Нагласено е дека правилата важат и за јавните објекти кои секоја година нема да имаат греење од април до крајот на септември, при што собната температура до крајот на годината ќе биде ограничена на максимални 20 степени, со одредени исклучоци.
Се наведува дека Градот забранува и преносни клима-уреди, греалки и радијатори.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.