Свет
Кадиров: Знам што се случува на Косово, тоа е сложена ситуација во којa има трет поттикнувач – НАТО
За тензичната ситуација во Косово се огласи и чеченскиот лидер Рамзан Кадиров, кој на својот канал Телеграм изјави дека и тој ја следи ситуацијата меѓу Србија и Косово.
„Ова е многу сложена ситуација во која има трет поттикнувач – НАТО. По ова прашање не е можно да се заземе страната ниту на Србите, ниту на Косовците, но постои недвосмислен став којшто и едните и другите треба да го заземат. И оваа позиција, доволно чудно, не е политичка, туку религиозна“, рече Кадиров.
Тој потоа истакнува дека Србија е земја која отворено ја поддржувала Русија „во борбата против нацизмот и сатанизмот во Украина“.
„Претседателот на Србија, Александар Вучиќ, кого добро го познавам, многу добро разбира што е НАТО и какви методи користи алијансата за поттикнување конфликти“, продолжи тој.
„Целиот НАТО-блок се обидува да ги корумпира земјите со традиционални вредности во куп зли луѓе со животински инстинкти без вера и чест. И нема сомнеж дека муслиманите во оваа специјална операција против поддржувачите на Иблис играат важна, идеолошка и духовна улога на контраакција“, пишува и Кадиров.
„Сфаќајќи дека нивните планови пропаѓаат во Украина, западната алијанса реши да ја раскине раната што зараснуваше на Балканот. Избувнувањето на конфликтот е толку смешно и банално што нема сомнеж за поттикнување однадвор. Додека Балканот се бори меѓу себе, целиот Запад ќе стои одзади и ќе дава чаури, но ќе живее во мир, повремено протестирајќи против кршењето на правата на сатанистите, диктирајќи ги нивните приоритети на светот“, смета Кадиров.
„ апомнете, за поддржувачите на сатаната е корисно да ги спротивставуваат верниците под каков било изговор“, додава тој. „ Ги повикувам Србите и косовските Албанци да го отстранат НАТО од равенката и да размислат за својата иднина. И тогаш ќе дојдат до разбирање за проблемот и неговото решение. Има одлични примери за хармоничен соживот на различни религии и националности. Но, нема соживот со интервенционистите на НАТО“, заклучи чеченскиот лидер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
„Ројтерс“: Трамп подобар кандидат за економски прашања, Бајден за зачувување на демократијата
Гласачите во Соединетите Американски Држави сметаат дека кандидатот на Републиканската партија на претстојните претседателски избори Доналд Трамп е подобар кандидат кога станува збор за економијата, но сметаат дека кандидатот на Демократската партија Џозеф Бајден е подобар кандидат кога станува збор за зачувување на демократијата.
Анкетата на Ројтерс и истражувачката агенција Ипсос покажа дека двете клучни прашања за гласачите во САД се состојбата на демократијата и економските проблеми, при што 47 отсто од испитаниците велат дека Трамп е подобар избор за тој проблем, додека 37 отсто рекле дека Бајден е подобар пренесува Танјуг.
Кога станува збор за прашањето за имиграцијата, 44 отсто од анкетираните сметаат дека Трамп е подобар избор, додека 31 отсто од нив веруваат дека Бајден е подобар, а Ројтерс додава дека во 2022 година 13,9 отсто од населението ќе бидат имигранти, што е највисок процент во овој век.
На Трамп се гледа и како подобар на кандидат во однос на надворешните конфликти и тероризмот со 40 отсто спрема 35, но Бајден е подобар кандидат кога станува збор за одговор на екстремизмот и заканите по демократијата, со 39 отсто наспроти 33, што според испитаниците е вториот најголем проблем во САД.
Бајден води и кога станува збор за здравствената заштита со 40 наспроти 29.
Во претходните анкети на Ројтерс и Ипсос, Бајден и Трамп беа главно изедначени, но зголемување на популарноста на Трамп беше забележано во некои сојузни држави.
Свет
(Видео) Џулијан Асанж е на слобода, стави крај на долгогодишната правна битка
Основачот на Викиликс, Џулијан Асанж, пред американскиот суд во Саипан се изјасни за виновен за прекршување на Законот за шпионажа на САД, во спогодбата со американскиот правосуден систем што стави крај на долгогодишната правна битка и ја остави судницата како слободен човек, известуваат светските агенции. Судијката Рамона Манглона ја одобри спогодбата со обвинителите, ставајќи крај на 14-годишната сага.
Julian Assange Free At Last!!! pic.twitter.com/Vpzcxr6lbi
— Stella Assange #FreeAssangeNOW (@Stella_Assange) June 26, 2024
Во согласност со спогодбата, таа го осуди на затворска казна, која тој веќе ја одлежа. Тој помина пет години во затвор во Обединетото Кралство.
Според написите, по читањето на пресудата, обвинителството веднаш го повлече барањето за екстрадиција на Асанж, што е голем момент со оглед на тоа што основачот на Викиликс поминал години на суд обидувајќи се да избегне екстрадиција во САД. Судијата рече дека американската влада се согласила да не води понатамошна кривична постапка.
Асанж се насмевна кога таа му честиташе роденден (наредната недела ќе наполни 53 години), велејќи дека се надева дека ќе го започне својот нов живот на позитивна нота.
На сослушувањето Асанж се изјасни за виновен по една точка од обвинението со кое се товари за заговор за добивање и објавување доверливи документи за одбрана на САД.
Тој сега е слободен човек и може да се врати во својата родна Австралија по години во егзил.
Вашингтон тврдеше дека Австралиецот ги загрозил животите на американските агенти и дека нема оправдување за неговите криминални дела. Неговите поддржувачи, од друга страна, го слават како херој кој беше обвинет за откривање американски злосторства.
Во 2010 година, Викиликс, меѓу другото, објави видео од американски воени хеликоптери кои убиваат цивили во главниот град на Ирак, како и информации за стотици цивили убиени за време на американската инвазија на Авганистан.
Британската полиција го уапси Австралиецот во 2019 година во амбасадата на Еквадор во Лондон, каде што престојуваше седум години.
Свет
Северна Кореја лансираше повеќе од 250 балони со ѓубре кон Јужна Кореја: затворен аеродромот во Сеул
Во текот на ноќта Северна Кореја лансираше повеќе од 250 балони со ѓубре кон Јужна Кореја, соопшти денеска јужнокорејската армија.
Тоа е шесто вакво лансирање од крајот на минатиот месец, а поради него аеродромот во близина на Сеул беше затворен околу три часа, пренесува „Јонхап“.
Околу 100 балони, главно со отпадна хартија и друг отпаден материјал, слетале во Сеул и во северниот дел на провинцијата Ѓеонгги, соопшти Генералштабот на корејската армија.
Домашните и меѓународните летови беа запрени или одложени околу три часа на меѓународниот аеродром Инчеон, западно од Сеул, од 1:46 часот утринава по локално време, според „Јонхап“.
Анализата на балоните покажала дека тие не содржат отровни материи, се наведува во соопштението на јужнокорејската армија.
Со последната серија, Северна Кореја се проценува дека лансирала повеќе од 2.000 балони кои носат отпадоци од 28 мај, според „Јонхап“.
Како одговор, на 9 јуни, за прв пат по шест години, Јужна Кореја почна да емитува говори против владата на Пјонгјанг преку звучници во пограничната зона.