Забава
Тејлор Свифт годинава летала 170 пати со приватен авион, фановите ја критикуваат дека го загадува воздухот
Фановите на пејачката Тејлор Свифт ја критикуваат откако било откриено дека многу често патува со приватен авион.
Една неодамнешна студија од Yard, фирма за дигитален маркетинг, покажала дека нејзиниот авион испуштил 8.293 тони јаглерод диоксид оваа година, околу 1.200 тони повеќе од авионот на вториот Флојд Мејведер. Студијата користела податоци од профилот на Твитер @CelebJets, кој го следи патувањето на славните. Студијата тврди дека нејзиниот авион направил 170 патувања оваа година, а нејзиниот најкраток лет траел 36 минути.
„Авионот на Тејлор Свифт има просечно време на лет од само 80 минути и просечно 139 милји по лет. Нејзините вкупни годишни емисии од летот се 8.293 тони, или 1.184 пати повеќе од вкупните годишни емисии на просечниот човек“, се тврди во студијата. Нејзиниот тим во изјава за Е! News, рече дека летовите не биле само по нејзина вина.
„Авионот на Тејлор редовно се позајмува на други луѓе. Да ѝ се припишат повеќето или сите овие патувања е очигледно неточно“, рекол нејзиниот портпарол.
Познатите личности се на удар на критики за нивните кратки приватни летови среде климатската криза.
Кајли Џенер ги налути луѓето на социјалните мрежи и беше наречена „климатски криминалец“ откако нејзиниот приватен авион патувал само три минути од Камарило, Калифорнија до Ван Најс, Калифорнија на почетокот на овој месец. Патувањето со автомобил би траело само 45 минути.
Дрејк, исто така, привлече критики откако неодамна отпатува од Торонто до Хамилтон, и двата града во канадската провинција Онтарио, со приватен авион. Летот траел 14 минути, а наводно потрошил 1.500 литри гориво.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Победникот на Евровизија ја повика Швајцарија да воведе трет пол во официјалните документи
Победникот на Евровизија, Немо Метлер, ја повика швајцарската влада да признае трет пол во официјалните документи.
Метлер истакна дека е апсолутно неприфатливо таква можност веќе да не постои во Швајцарија, пишува „Гардијан“.
„Треба да бидеме застапени и во политиката. Многу е важно луѓето да се чувствуваат видени“, рече Метлер, кој на прашањето по победата со кого првин би сакал да разговара, без размислување, го именува швајцарскиот министер за правда, Бит Јанс.
Во средата, според неговиот портпарол, министерот му испратил СМС-порака на Метлер, во која му ја честитал победата на Евровизија и го поканил да се видат.
Пред 18 месеци швајцарската влада го отфрли токму овој предлог.
Забава
Џенифер Лопез и Бен Афлек вторпат се соочуваат со развод
Американскиот актер, режисер и продуцент Бен Афлек и пејачката и актерка Џенифер Лопез се на работ на развод вторпат, а според американскиот магазин In Touch Weekly, Афлек веќе се иселил од нивниот заеднички дом.
Обожавателите забележаа дека Бен и Џенифер поминуваат сѐ повеќе време разделени во последните неколку недели.
„Тие имаат намера да се разведат – и овој пат не е виновен Бен“, рекол изворот.
Забава
По 20 години, Аврил Лавињ проговори за теоријата на заговор дека ангажирала двојничка: „Тоа ми е многу глупаво“
Аврил Лавињ неодамна зборуваше за митот што ја следи со години, а се работи за тоа дека на врвот на кариерата решила да ангажира двојничка по име Мелиса.
Во средината на 2003 година се појавија шпекулации дека панкерката решила да ја ангажира Мелиса по албумот Let Go и од оваа гледна точка ѝ е смешно.
„Мислам, едноставно, смешно ми е. Од една страна, некои велат: „О, боже, изгледаш потполно исто. Не си остарела ни ден“, а потоа други луѓе велат дека постои теорија на заговор дека тоа не сум јас“, рече Аврил додавајќи дека тоа е глупост.
View this post on Instagram
Сепак, таа не сакаше да прави драма за ова, а на сѐ гледаше од попозитивна страна.
„Искрено, не е толку лошо. Можеше да биде и полошо, нели? Мислам дека добив добра реклама. Не го гледам како нешто негативно. Не е ништо страшно“, рече таа во поткастот Call Her Daddy.
Оваа бизарна теорија се појавила на почетокот на овој век, а причината била наведена дека Аврил била исцрпена поради славата и популарноста. Некои отидоа и чекор подалеку и мислат дека пејачката починала меѓу албумите Let Go од 2002 година и Under My Skin од 2004 година, а потоа ја замениле со Мелиса.
Теоретичарите на заговор повторно ја почнаа оваа тема пред неколку години на „Твитер“ во тоа време (сега X) и сакаа да ја поддржат оваа тема со докази засновани на промената во нејзиниот изглед со текот на годините, како и тетоважата, која изгледаше како да пишува Мелиса.