Спорт
Тен Хаг „удри“ по Роналдо: Такво однесување е неприфатливо!
Менаџерот на Манчестер јунајтед, Ерик Тен Хаг, смета дека однесувањето на Кристијано Роналдо е „неприфатливо“, откако Португалецот си замина пред крајот на последниот пријателски меч против Рајо Валјекно во неделата.
Роналдо беше стартер на мечот против Рајо на „Олд Трафорд“, но беше заменет на полувремето од Амад Дијало, по што беше забележан како си заминува од стадионот во друштво на Диого Далот пред тој да биде завршен. Иако, неофицијално првите луѓе на клубот не гледаа проблем во ваквиот гест, Тен Хаг открива дека фудбалерите немале дозвола да си заминат.
„Секако не, тоа е неприфатлiво! За сите. Им го кажав тоа. Ние сме тим и си одиме заедно. Секогаш се останува до крајот на мечот, без разлика дали играш“, вели Тен Хаг за холандскиот „Виплеј спорт“.
Јунајтед и Тен Хаг инсистираат дека Роналдо не е на продажба, но шпекулациите за неговото инсистирање дека мора да го пуштат да си оди остануваат, со враќање во Спортинг Лисабон како најверојатна опција по неуспешните обиди да биде продаден на ПСЖ, Челси и Баерн Минхен. Сепак, коментарите на Тен Хаг јасно зборуваат за раздор во тимот, откако претходно британските таблоиди објавија дека тој сигурно нема да биде меѓу стартните 11 на почетокот на премиерлигашката сезона против Брајтон.
ten Hag telling us that players leaving Old Trafford at Halftime vs Rayo Vallecano was «unacceptable” https://t.co/772VsZrcD5
— Jan Aage Fjørtoft ????️???? ???????? ???????? (@JanAageFjortoft) August 3, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ливерпул потврди: Слот е замена за Клоп
Ливерпул дефинитивно го потврди доаѓањето на Арне Слот за менаџер.
Клубот од Енфилд на социјалните мрежи објави дека токму холандскиот стручњак ќе ги предводи „црвените“ во наредните години.
„Ливерпул може да потврди дека Арне Слот се согласил да биде нов менаџер на клубот и тој официјално ќе ја преземе таа функција од 1 јуни, откако ќе добие работна дозвола“, се вели во соопштението на Ливерпул.
We can announce Arne Slot has agreed a deal to become the club’s new head coach, formally taking up the position on June 1, 2024, subject to a work permit 🙌
— Liverpool FC (@LFC) May 20, 2024
Слот на кормилото ќе го замени Јирген Клоп, кој реши да се пензионира по девет години.
Слот пристигнува по три многу успешни сезони во холандскиот фудбал со Фејенорд, кој го водеше до титулата минатата година и двапати беше менаџер на годината.
Во април со клубот од Ротердам го освои Купот на Холандија со победата над НЕЦ од 1:0.
Спорт
Хулен Лопетеги ќе биде тренер на Вест Хем
Договорот конечно е постигнат по неколку средби, Хулен Лопетеги ќе биде тренер на Вест Хем, пренесуваат англиските медиуми.
Пред еден месец беше познато дека шпанскиот стручњак преговара со клубот од Лондон, но договорот не беше постигнат уште во првиот обид, па следуваа уште две средби.
Се уште не е познато за колку долго ќе биде потпишан договорот, но во медиумите се шпекулира дека ќе биде на две или три години.
Вест Хем моментално е на деветтото место во Премиер лигата со кое не може да се задоволи, а кога почна да бележи лоши резултати стана јасно дека менаџерот Дејвид Мојс ќе добие отказ, па почнаа шпекулациите за неговиот наследник.
Што се однесува до Лопетеги, тој досега работеше како тренер на Севиља, Реал Мадрид, Вулверхемптон, но беше селектор и на шпанската репрезентација.
Спорт
Разбојници пукале врз тројца фудбалери на Марсеј
Тројца фудбалери на Олимпик Марсеј биле нападнати утрово во 3 часот по враќањето од Ле Авр, каде тимот го одигра последниот натпревар во сезоната, во Лига 1. Марсеј победи со 2.1 но не успеа да избори пласман во европските купови.
Како што јави „Европа 1“, жртви на напдто биле Фарис Мумбања, Жан Онана и Бамо Меите. Група разбојници, им се заканиле со пиштоли и се обиделе да ги украдат нинвите автомобили.
Драмата, кулминирала кога кон фудбалерите биле испукани неколку куршуми додека тие се обидувале да избегаат. Во еден од автомобилите два куршуми завршиле во врата на возачот, а во вториот куршум бил испукан во багажникот.
23-годишниот Мумбања е напаѓач од Камерун кој на почетокот на годината дојде од Норвешка, Меите е стопер од Брегот на Слоновата Коска, а Онана е Камерунец кој игра на позицијата заден играч за врска. Тој дојде во Марсеј на позајмица од Бешикташ.