Свет
Кинеските воени вежби го опколија Тајван, ги блокираа неговиот воздушен простор и водите
Министерството за одбрана на Тајван соопшти дека Кина со спроведувањето воени вежби ги прекршила правилата на Обединетите нации и извршила инвазија на територијата на Тајван. Како што наведуваат, кинеските сили ги блокирале воздушниот простор и водите што му припаѓаат на Тајван.
Како што јави француската новинска агенција АФП, 27 авиони влегле во воздушниот простор на Тајван.
Министерството за одбрана на Тајван претходно соопшти дека островот цврсто ќе ја брани својата безбедност, ќе се спротивстави на секој потег што го нарушува неговиот територијален суверенитет и дека војската ќе го подигне нивото на будност на таков начин што нема да предизвика конфликти, пренесува „Ројтерс“.
Во соопштението се наведува дека „Кина продолжува да води психолошка војна против Тајван“ и дека граѓаните не треба да веруваат на шпекулации и се поканети да ги пријават сите лажни вести до владата.
Набргу по пристигнувањето на претседателката на Претставничкиот дом на САД, Ненси Пелоси, во Тајпеј, кинеската војска почна воздушни и поморски воени вежби во близина на Тајван и пробно лансирање конвенционални ракети во морето источно од тој остров, наведува британската агенција.
Тајван преговара со соседните Јапонија и Филипини за да најде алтернативни рути за авионите, пишува „Ројтерс“ повикувајќи се на тајванската агенција CNA.
Британскиот дописник за Би-би-си од Кина, Стивен Мекдонел, на „Твитер“ објави географска карта на која се прикажани локациите на кои Кина ќе врши воени вежби, што покажува дека островот е практично опколен.
„Се чини дека главниот одговор на копното на Кина на пристигнувањето на Ненси Пелоси во Тајван би можело да биде серија вежби на жив воздух и поморски оган во текот на следните неколку дена на островот. Видете ја картата подолу…“, напиша Мекдонел.
It seems that the main response from mainland #China to the arrival of Nancy Pelosi in #Taiwan could be a series of air and sea live fire military exercises over several days all round the island. See map below… pic.twitter.com/PZVo8rokGX
— Stephen McDonell (@StephenMcDonell) August 2, 2022
Пекинг соопшти дека странските авиони и пловни објекти не треба да влегуваат во областа каде што се одржуваат вежбите бидејќи ќе се користи бојна муниција.
„На 3 август Источната зона на Народноослободителната армија на Кина (ПЛА) организира заеднички борбени вежби во северните, југозападните и во југоисточните води во близина на брегот на Тајван, во кои учествуваа морнарицата, воздухопловните сили, ракетните сили, силите за стратешка поддршка и заедничките логистички сили“, се наведува во соопштението на официјалниот профил на Источната борбена команда на социјалната мрежа WeChat.
Објавени се и голем број фотографии, на кои се гледаат воени бродови, авијација и воена опрема, пренесува „РИА новости“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Премиерката на Бангладеш: Сопствениците на фабрики да се откажат од луксузот заради вработените
Премиерката на Бангладеш Шеиха Хасина за време на своето обраќање по повод празникот Први мај ги повика сопствениците на текстилните фабрики и другите фабрики од Бангладеш да ги подобрат условите за работа на своите вработени со тоа што ќе се откажат од дел од својот луксуз.
„Сакам сопствениците (фабриките) да посветат посебно внимание на работниците, намалувајќи го малку нивниот луксуз, бидејќи работниците ви дадоа простор да водите луксузен живот со зголемување на производството со нивната напорна работа“, рече Хасина.
Таа, исто така, ги предупреди работниците да ги игнорираат повиците за штрајк бидејќи „на тој начин работниците понекогаш всушност си нанесуваат штета себеси, на своите семејства, на земјата и на сопствениците на фабриките“, пренесува агенцијата БСС.
Свет
Уривање на дел од автопат во Кина: Најмалку 24 лица загинаа, 30 се повредени
Најмалку 24 лица загинаа, а 30 се повредени при уривање на дел од автопат на југот на Кина, во провинцијата Гуангдонг, јавија кинеските медиуми.
„Осумнаесет автомобили паднаа по падината откако се урна дел од автопатот долг 17,9 метри околу 2 часот по полноќ“, се вели во соопштението на властите во градот Мејџоу во провинцијата Гуангдонг, пренесува АП.
Според американската агенција, околу 11:45 часот по локално време под урнатините биле пронајдени 18 автомобили.
Свет
Блинкен им порача на Израел и Хамас дека е време за прекин на огнот
Државниот секретар на Соединетите Држави (САД) Ентони Блинкен се состана со израелските лидери на 1 мај, за време на посетата на Израел, а во таа прилика му порача на претседателот на земјата дека „е дојдено времето“ за договор за прекин на огнот во војната во Газа.
Ова е седма посета на Блинкен од почетокот на војната меѓу Израел и Хамас – палестинска група прогласена за терористичка организација од страна на САД и Европската Унија уште од октомври.
Блинкен се обидува да постигне договор кој би ги ослободил заложниците кои ги држат милитантите на Хамас во замена за прекин на борбите. Како дел од договорот се очекува да бидат ослободени и палестинските затвореници.