Македонија
Без струја повеќе делови на Скопје
Од ЕВН Македонија информираат дека денеска поради закажани технички зафати во системот на електрична енергија без напојување со електрична енергија ќе бидат следните корисници:
-Во период од 10:30 до 13:00 часот дел од ул. Струшка (општина Карпош)
-Во период од 8:30 до 14:30ч дел од ул. дел од ул. Блажо Орландиќ (парни од бр.8 нагоре) (Aеродром)
-Во период од 8:00 до 15:00ч дел од ул. Орце Николов (општина Центар)
-Во период од 9:00 до 14:00ч корисниците од с. Буковиќ, Раовиќ, Ласкарци, Паничари (општина Сарај)
-Во период од 9:00 до 12:00ч дел од ул.2, с. Долно Количани (општина Студеничани)
-Во период од 8:00 до 10:00ч корисниците на бул. Александар Македонски.(општина Гази Баба)
-Во период од 8:30 до 14:30ч корисниците Рудопроект, Каменолом Вардар градба, викендички Јаболци, с.Јаболци, Сателитски центар Нова Брезница, Нова Брезница, Ловиште Јасен, викендички Држилово, с. Држилово, Карст с. Јаболци, викендички Патишка Река, с. Патишка Река, ПЦЦ Хидро (општина Сопиште) и корисниците од с. Осинчани, с. Малчиште, с. Елово, с. Црн Врв (општина Студеничани)
-Во период од 9:0 до 11:00 часот корисниците УСЈЕ: ул. 4 (општина Кисела Вода)
-Во период од 9:00 до 12:00 часот корисниците дел од с.Света Петка (општина Сопиште)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Кацарска ја чува обезбедување, денес добила закани дека „страшно ќе одговара“
Непознато лице денеска напладне во близина на ТЦ „Рамстор“ во центарот на Скопје вербално и се заканувало на претседателката на Уставниот суд, Добрила Кацарска. По инцидентот интервенирало нејзиното обезбедување.
„Полициски службеници од полициската станица Центар денеска во 14:00 часот го лишиле од слобода В.П.Г. (57) од Богданци, постапувајќи по претходна пријава дека во угостителски објект во трговски центар на подрачјето на Центар во Скопје упатил закани кон Д.К.(67) од Скопје со зборовите ‘ќе одговараш, страшно ќе одговараш’. Лицето било задржано во полициска станица и по целосно документирање на случајот во координација со јавен обвинител против него ќе биде поднесена кривична пријава по член 144 од Кривичниот законик“, соопшти МВР.
Пред неколку дена во подземна гаража на зграда во Центар пронајдени се импровизиран кревет и кујнски нож на гражаното место на Кацарска.
Од МВР потврдуваат дека известен е јавен обвинител, предметите се подигнати за вештачење и се преземаат мерки за расчистување на случајот.
Македонија
Утре затворени неколку улици во Скопје
Утре од 08.30 до 12.30 часот, поради одржување на натпревар „Стопански триоги триатлон”, со стартно-целна позиција кај Спортскиот центар „Борис Трајковски” во дел од градот ќе има изменет режим на сообраќај, соопшти СВР Скопје.
Посебниот режим на сообраќај ќе опфати дел од уличната мрежа околу СЦ „Борис Трајковски” и дел од булеварот Илинден (десна коловозна лента), потоа на потегот од крстосницата со булевар 8 Септември до крстосницата со улицата Никола Парапунов и обратно.
Утре исто така со почеток во 09.45 часот, поради одржување на спортско-рекреативен настан „Прв до врв” ќе има посебен режим на сообраќај во делот од градот каде што ќе се реализира манифестацијата.
Настанот почнува пред Музеј на град Скопје – улица Св.Кирил и Методиј, потоа лево по булеварот Св.Климент Охридски, во продолжение право по булеварот Мајка Тереза, па лево по улицата Тодор Александров и по локалниот пат за Средно Водно до врв на Водно („Милениумски крст”).
Македонија
Сиљановска Давкова – Павловски: Максимално да се искористат сите можности за економски развој на земјава
Претседателката Гордана Сиљановска Давкова остварила средба со Крис Павловски, директор на водечката светска компанија за дигитални платформи Рамбл, кој е во посета на земјата во рамките на конференцијата Македонија 2025.
На средбата, како што соопшти претседателскиот кабинет, Павловски ја претставил работата на Рамбл, компанија која котира на индексот Наздак на берзата во Њујорк, со нејзината етаблирана видео платформа и е во подем во дејноста на развојот на дигиталната инфраструктура и клауд услугите.
Како водечки претприемач со македонско потекло, Павловски изнел мислења за состојбата во дигиталниот сектор, за трендовите и перспективите кои може да се искористат.
Претседателката Сиљановска Давкова го информирала Павловски за нејзината иницијатива за развивање на соработката со македонската дијаспора, со цел максимално да се искористат сите можности за економски развој на земјава.