Спорт
Вилсон Дејвис: Ривалството меѓу Пелистер и Вардар може да се спореди со Порто – Бенфика
![](https://makfax.com.mk/wp-content/uploads/2022/08/vilson-dejvis.jpg)
Ракометниот вицепрвак Еурофарм Пелистер го претстави новото засилување Вилсон Дејвис од Иври. Португалскиот среден бек реши да ја замине Франција со Македонија.
Тој веднаш сфати дека ривалството меѓу Пелистер и Вардар е нешто слично како ривалитетот на Бенгика и на Порто во неговата земја.
„Немав можност многу да го видам градот, но кога излегов воочив дека луѓето ме препознаваат, го знаат ракометот. На пример пред некој ден ми пријде еден човек и ми рече: „Оваа година ја сакаме титулата“. Ќе работиме како овој човек и сите навивачи да ги задоволиме. Спремен сум на тој притисок, веќе ми кажуваа за Битола и би била голема радост да ја донесеме титулата во градот. Играв во Порто и можам да ви кажам дека ривалството со екипите од Лисабон, посебно со Бенфика, е големо. Ова ривалство меѓу Еурофарм Пелистер и Вардар 1961 може да се споредува со тоа. Го видов тоа и од видео снимките од минатата сезона“, заврши Дејвис.
Тој верува дека Еурофарм Пелистер ќе се бори за титулата и дека ќе успее да ги израдува фановите.
„Шансата да дојдам тука ми ја понуди мојот менаџер кој ми кажуваше за идејата на клубот да конструира силен тим за да ги освои домашните титули. Тоа ме заинтересира многу и не беше тешко да се одлучам да потпишам за овој клуб. За мене е задоволство и голем предизвик што сум во Еурофарм Пелистер. Клубот има големи амбиции, сака да освојува титули, да биде градот среќен, бидејќи 18 години е без титула. Веќе нестрпливо сакам да играм и да освојувам трофеи пред нашите навивачи.
Имаме искусна екипа и млади момци, но генерално многу квалитет има во оваа група. Добивме скандинавски тренер, со свои идеи за атрактивен ракомет. Се трча многу и се бара многу напади, но и силна одбрана, каква што е неопходна. Првите импресии ми се одлични, сите напорно работат и градиме нешто за да биде подобро“, вели 33-годишниот среден бек.
Вилсон Дејвис има шест титули со Порто, а трофеј освоил и со Нант во Франција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Роналдо донел одлука кога ќе се пензионира
![](https://makfax.com.mk/wp-content/uploads/2024/06/cristiano-ronaldo-al-nassr-2023-1692731063-114594.jpg)
Кристијано Роналдо влезе во 40. година од животот, но еден од најдобрите фудбалери на сите времиња се уште не размислува да се пензионира. Тој планира да игра уште неколку години.
„Кристијано Роналдо сака да продолжи да игра на врвно ниво и целта му е да игра на Светското првенство во 2026 година“, открива извор близок до португалската фудбалска легенда за „Релево“.
Значи Роналдо ќе игра уште најмалку две години. За време на Светското првенство во Америка тој ќе има 41 година и вистинското прашање е колку ќе може да понуди на таа возраст.
Спорт
Серхио Рамос остана без клуб
![](https://makfax.com.mk/wp-content/uploads/2024/06/c012abb7-3409-497b-abc9-fd13913ee7df_16-9-discover-aspect-ratio_default_0.jpg)
Серхио Рамос (38) за две недели ќе биде слободен играч. Славниот шпански дефанзивец нема да го продолжи договорот со Севилја во која се врати на почетокот на минатата сезона.
Рамос е еден од најдобрите дефанзивци на сите времиња. Минатата сезона беше стандарден во Севилја. Тој забележа 37 настапи, постигна седум гола.
Кариерата ја започна во Севилја во 1996 година, а во 2005 година се пресели во Реал Мадрид. Таму играше до 2021 година, а потоа по истекот на договорот се пресели во ПСЖ.
За шпанската репрезентација постигна 23 гола на 180 натпревари. Во кариерата освои се што можеше да се освои, а за Реал Мадрид постигна 101 гол на 671 натпревар и освои четири ЛШ. Со Шпанија двапати беше европски и еднаш светски првак.
Спорт
Јовановиќ на местото на Појет – Грците добија нов селектор
![](https://makfax.com.mk/wp-content/uploads/2024/06/afc97d2b-12ab-4f3e-a7fb-c160ad60f798_ivan_jovanovic-pao.jpg)
Искусниот српски тренер Иван Јовановиќ ќе биде селектор на грчката фудбалска репрезентација во следните две години, јавуваат тамошните медиуми. Овој 61-годишен тренер добро ги познава работите во грчкиот фудбал.
Јовановиќ на функцијата го наследи, Уругваецот Густаво Појет. Под негово водство, Грците не успеа да се пласира на Европското првенство. Грузија во баражот ја совлада Грција по изведувањето пенали.
Тренерската кариера ја започна во Нико Волос, Ираклис го водеше во два мандати, голем успех постигна со АПОЕЛ од Никозија, со тимот играше четвртфинале во Лигата на шампионите, Панахаики од Патра, а потоа се пресели во Абу Даби. Го водеше Ал Наср, а од 2019 до 2020 година беше селектор и на Обединетите Арапски Емирати.
Во 2021 година се врати во грчкиот фудбал и до 2023 година беше тренер на Панатинаикос.
Тој го предводеше АПОЕЛ до четири шампионски титули на Кипар и го освои Купот на Грција со ПАО. Тој беше прогласен за најдобар српски тренер во 2011 година, додека магазинот „Газета“ го избра за најдобар тренер на грчката Суперлига во 2022 година.