Забава
Доаѓа последната Супермесечина во 2022 година и носи важни промени кај овие хороскопски знаци
Полна Месечина во Водолија почнува на 12 август и воедно ќе биде последната Супермесечина во годината. Ова име го доби бидејќи се наоѓа во близина на Земјата, па изгледа поголема од просечната полна Месечина. Ќе блесне во полн сјај и ќе ни донесе важни промени.
Оваа лунарна енергија нè поттикнува да излеземе од вообичаената рамка и да се ослободиме од моделите на однесување што не спречуваат да бидеме среќни. Месечината нè поттикнува да носиме одлуки од кои се плашиме, но за кои знаеме дека се неизбежни. Овој аспект носи промени, а неговото влијание ќе се почувствува во наредните недели. Проверете дали сте меѓу знаците на кои оваа Месечина ќе има најголемо влијание.
Бик
Потребен ви е одмор од секојдневните проблеми. Искористете го ова време за размислување и донесување одлуки од кои се плашите, поврзани со вашиот дом и семејство или кариера. Доколку сте уморни и несреќни на работа, ќе ви се појави решение за проблемот, но важно е да не избрзувате со заклучоци и повеќе да се потпирате на инстинктите.
Лав
Полната Месечина носи превирања во вашите интимни односи. Ќе бидете растргнати помеѓу желбата да му угодите на партнерот и потребата за независност и слобода. Ако чувствувате дека ве задржуваат, тргнете се на момент од вашата сакана и размислете за природата на вашата врска во мир. Избегнувајте драстични одлуки и обидете се да најдете компромис бидејќи тоа ќе биде патот до емоционалното задоволство.
Шкорпија
Зад вас е турбулентен период, па ви треба одмор. Повеќе од вообичаено, ќе почувствувате потреба за сигурност, без разлика дали е емотивна или финансиска. Ќе сакате да добиете одговори на прашања што ве мачат долго време, но сте избегнале да се соочите со нив. Се истакнува можноста за купување стан или преселба во друга област, а некои ќе почувствуваат желба да го прошират семејството.
Водолија
Овој месец ќе ве научи на важноста од трпение и компромис, но и самодисциплина. Ќе сфатите дека не можете да ги решите проблемите преку ноќ, но понекогаш морате да се ставите себеси на прво место. Ќе почувствувате потреба да им го покажете на другите вашето вистинско лице, што можеби некои ќе ги изненади, но повеќето ќе го прифатат и ќе ве поддржат.
Според астролозите, полната Месечина во Водолија сака да вежбате простување.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.
Забава
Мишел Фајфер се појави на црвениот тепих, обожавателите се восхитени од нејзината убавина
Актерката Мишел Фајфер не се појавува често во јавноста, но сега позираше со сопругот Дејвид Е.Кели на црвениот тепих на Американскиот филмски институт во Лос Анџелес. Обожавателите се восхитуваат на нејзиниот изглед во 67-та година и пишуваат дека изгледа како да не старее.
Иконската жена-мачка често зборува за тоа како го прифатила стареењето и се фотографира без шминка. Иако изгледа како да го должи својот фантастичен изглед на посебни скриени трикови, таа тврди дека работата е многу едноставна.
Таа претходно за Daily Mail откри дека доволно спие, вежба и се храни здраво.