Регион
Вучиќ: Приштина подготвува ликвидација на нашиот народ под превезот на борба против криминалот
Претседателот на Србија, Александар Вучиќ, изјави денеска дека Приштина ја користи ситуацијата во Украина за да води кампања против Србија и дека е лага оти Србија сака да нападне некого, но токму спротивното – Приштина, истакнува тој, е таа што сака да го напаѓа северот на Косово и Метохија и подготвува ликвидација на нашиот народ под превезот на борбата против криминалот поради што ги предупреди да не го прават тоа.
Коментирајќи ја изјавата на Албин Курти дека Белград води агресивна политика заедно со обвинувањата дека Белград може да предизвика конфликт, Вучиќ рече дека тоа е малку смешно бидејќи веќе 170 дена слушаме слични лаги додавајќи дека во светот се објавени илјадници и илјадници лаги дека Србија некаде напаѓа некого.
„Знаете како оди, им велат – ајде повлечете ги полицајците, специјалците од Приштина од север, не праќајте ги на север, ние од НАТО ќе ги држиме под контрола, а вие ќе ги заштитите. Можеби на Вучиќ ќе му текне да го нападне Косово, Поморавле… Повлечете сè што имате кон Бујановац и Прешево… Како мали деца“, истакна Вучиќ.
„Со што се фалат? Интернет, оти не работат ништо друго, освен да разговараат на телефон… Која фабрика, што? И после измислуваат како Русија се обидува да направи нешто преку Белград… Што прави Русија, дали има врска со ова?“, праша Вучиќ, пренесуваат српските медиуми.
Вучиќ нагласи дека Приштина сака да ја прикрие својата намера, но, всушност, сака да каже дека сака да го нападне северот на Косово.
„Тие подготвуваат ликвидација на нашиот народ на север. Тоа го кажувам отворено. И ги предупредувам да не го прават тоа под превезот на борба против криминалот. Не убивајте луѓе. Ние не сакаме да убиеме никого. Ни треба мир и стабилност“, рече Вучиќ.
Тој потсети дека се зборувало оти Србија ќе води војна и во БиХ, што, се разбира, се покажало неточно.
„Го лажеа народот, постојано… Се обидуваат да ја искористат ситуацијата во Украина за да поведат кампања против Србија. Тоа го прават веќе 170 дена и ќе продолжат да го прават“, рече Вучиќ.
Нема да се откажеме од нашето право и договор, вели тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Падна дел од фасадата на зграда на главниот плоштад во Загреб
Парчиња од фасадата од предниот дел на зградата паднале на плоштадот Бан Јелачиќ,објави порталот „Индекс“.
Полицијата ја опколила областа, а потоа работата ја презеле во свои раце пожарникарите и комуналните служби.
„Граѓаните и туристите го искористија денешното убаво време за да се прошетаат низ центарот на метрополата. Сепак, во популарниот загрепски сообраќаен шпиц околу 13 часот, на повик на загрижени минувачи пристигна полицијата, а потоа и загрепските пожарникари“, пишува „Јутарњи лист“.
Загрепските пожарникари ги извадиле остатоците од почетниот дел од фасадата кој не престанал да се распаѓа.
Според „Јутарњи лист“, отстранети се околу два метри материјал кој претставувал сериозна опасност.
За среќа нема повредени, а се уште не е позната висината на материјалната штета.
Во Загреб веќе се случи дел од фасадата да се откине од зградите во самиот центар на градот.
Пред само неколку недели, дел од фасадата се откина од зграда, исто така во близина на главниот плоштад во Загреб.
Минатото лето, дел од фасадата падна во близина на Хрватскиот народен театар, а пожарникарите потоа извадија приближно три квадратни метри од фасадата, која се закануваше да падне врз минувачите.
Исто така, во февруари годинава на аголот од улиците Илица и Томиќева од објектот паднало парче фасада, при што немало повредени.
Регион
Побаран притвор за сите уапсени поради трагедијата во Нови Сад, меѓу нив и поранешен министер
По рочиштето, Вишото јавно обвинителство во Србија побара притвор за сите 12 уапсени, меѓу кои и поранешниот министер за градежништво Горан Весиќ и уште еден осомничен по кој беше распишана потерница, поради падот на настрешницата на железничката станица на 1 ноември во при што загинаа 15 лица.
Покрај Весиќ, кој поднесе оставка пет дена по несреќата, меѓу уапсените, а за кои Вишото јавно обвинителство во Нови Сад бара притвор, се и Јелена Танасковиќ, која поднесе оставка од челната позиција во Железничката инфраструктура на Србија, поранешниот директор на Инфраструктурата на Железниците на Србија Небојша Шурлан, како и помошникот министер за железнички транспорт Анита Димовски.
Обвинителството предлага приведување и притвор и за 13. осомничениот кој е во бегство и по кого е распишана потерница.
Осомничените се товарат за сторени повеќе кривични дела предизвикување јавна опасност, тешки кривични дела против општата безбедност и неправилно изведување градежни работи и им се заканува затворска казна од две до 12 години.
Вкупно 15 лица загинаа во падот на настрешницата на железничката станица во Нови Сад на 1 ноември околу пладне – 14 загинаа на местото на несреќата, додека уште едно лице од тројцата тешко повредени им подлегна на повредите подоцна во болница.
Регион
Голем протест на пензионерите во Атина
Во Атина се одржаа големи протестни демонстрации на пензионерите. Сакаат добро здравство и повисоки пензии.
„Сакаме достоинствени пензии“, скандираа пред парламентот стотици грчки пензионери кои на протестот пристигнаа од целата земја. На дел од плакатите беа испишани нивните барања – пристојни пензии, бесплатни лекови и ниски цени, барем за основните потреби.
Демонстрантите за медиумите изјавија дека сакаат и да се отстранат голем дел од пензиските одбитоци и да се плати голем попуст за струја, како и во другите европски земји.
Големиот проблем со кој се соочуваат пензионерите се недостатоците во здравствениот систем – немање доволно специјалисти во државните болници и скапите лекови. И грчките пензионери побараа бесплатни празнични ваучери за сите пензионери.
Пензионерите на протестите скандираа „Стоп за војната во Украина и Газа, не убивајте млади луѓе“.
Голем број млади се приклучија во поддршка на протестот на пензионерите.