„Би сакал да ја поздравам иницијативата ‘Го сакам Тетово’, која овие два дена организира и концерти, кои навистина вчера беа масовно посетени, а очекувам и вечерва да има масовна посетеност, така што во рамките на овие посети се обидуваме да поразговараме со луѓето за нивното секојдневие, за нивните проблеми. Изборите за советници во Тетово даваат добра можност да можеме уште еднаш да поразговараме со луѓето и да ги видиме нивните барања и нивните проблеми“, порача денеска потпретседателот на ВМРО-ДПМНЕ, Александар Николоски.

Тој напомена дека „програмата на ВМРО-ДПМНЕ е веќе поделена во градот Тетово, таму имаме конкретни мерки за подобрување на инфраструктурата, понатаму вложување во екологијата, пред сè, во развој на паркови и создавање голем градски парк, понатаму решавање, конечно, на проблемот со водоснабдувањето и многубројни други проблеми со кои се соочуваат тетовци. Секако, тука се и економските предизвици, кои и не секогаш се во надлежност на Советот да може тој да помага, а овие локални избори мислам дека ќе бидат и вовед во предвремени парламентарни избори“.

„Очекувам околу ВМРО-ДПМНЕ да се обединат што поголем број граѓани и да ѝ дадат доверба на ВМРО-ДПМНЕ со цел да може да се реализираат многубројни проекти. Ние нема да сме скромни и ќе кажам дека очекуваме да имаме најмалку 6 советници во Советот, кои ќе бидат клучни при одредувањето на мнозинството во Советот и ќе ја одредат идната патека на градот Тетово и на општината Тетово“, порача Николоски.