Спорт
Ден пред стартот на сезоната Барселона има регистрирано само 17 фудбалери
Ден пред првиот натпревар во новата сезона против Рајо Ваљекано (сабота, 21 часот), Барселона има само 17 пријавени играчи.
Челниците на клубот на чело со претседателот Џоан Лапорта продолжуваат да шират оптимизам, додека спортскиот сектор предводен од директорот Матео Алемани и тренерот Чави се сериозно загрижени.
Поради големите долгови и неможноста да се испочитува финансискиот ферплеј во Ла Лига, Барселона се уште не може да ги регистрира новите играчи, но и оние кои ова лето ги продолжија договорите.
Медиумите пишуваат дека Франк Кеси и Андреас Кристенсен имаат клаузула во договорите што можат да ја активираат во сабота и да си заминат од клубот без обесштетување, доколку не бидат пријавени до стартот на првенството.
Но, тоа не е единствениот проблем. Се уште нема услови за пријавување на останатите засилувања (Жил Кунде, Роберт Левандовски, Рафиња), како и на двајцата играчи кои ги продолжија договорите – Серхи Роберто и Усман Дембеле.
Засега броеви за новата сезона имаат: 1) Тер Штеген, 2) Дест, 3) Пике, 4) Араухо, 18) Алба, 24) Е. Гарсија, 5) Бускетс, 8) Педри, 16) Пајниќ, 21) Ф. Де Јонг, 11) Ф. Торес, 10) Фати, 14) Депај, 17) Обамејанг.
Нико Гонзалес, Мартин Брејтвајт и Самуел Умтити се меѓу пријавените, но тие намаат броеви бидејќи тренерот Чави не смета на нив. Гонзалес би можел да се пресели на позајмица во Валенсија, за Умтити никој не покажува интерес, додека Брејвајт не сака да го напушти клубот.
На списокот ги нема Гави, Балде и Абде, момци кои ќе бидат пријавени за Б тимот, но и со таа регистрација ќе можат да играат во Примера.
Да потсетиме, Каталонците со недели го притискаат Де Јонг да му ја преполоват платата или да прифати трансфер, за да може да регистрираат барем дел од засилувањата. Како друга опција за продажба се се споменува голманот Тер Штеген.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Барнли испадна од Премиер лигата
Саботните попладневни натпревари во Премиер лигата ја разрешија дилемата кој се сели во Чемпионшип заедно со Шефилд Јунајтед. Барнли по само една сезона се враќа во Чемпионшип дивизијата.
Барнли беше поразен на гостувањето кај Тотенхем со 2:1 (1:1), додека на прагот на Чемпионшип е и Лутон, кој во Лондон беше поразен и од Вест Хем со 3:1 (0:1).
Ако Нотингем Форест освои барем бод во дуелот со Челзи, на коло пред крајот и Лутон ќе биде отпишан д Премиер лигата.
За Тотенхем мечот со Барнли беше важен и поради битката за петтата позиција која води во Лига Европа.
Тотенхем се изнамачи за да ги освои бодовите протв Барнли. Гостите водеа од 25.минута со голот на Јакоб Брун Ларсен.
Тотенхем изедначи во 32. минута преку Педро Поро, а победата им ја донесе Мики ван де Вен во 82. минута.
На стадионот на Вест Хем, Лутон имаше сè во свои раце по првите 45 минути. Од шестата минута имаше предност на Локонга.
Сепак, Вест Хем подоцна успеа да воспостваи контрола на теренот и да постигне три гола. Стрелци беа на Ворд-Проуз во 54. минута, Соучек во 66. минута и Ерти во 77. минута.
Кристал Палас како гостин славеше кај Вулвс со 3:1, додека дуелот меѓу Њукасл и Брајтон заврши без победник (1:1).
Сега е извесно дека „страчките“ ќе бидат на шестото место, што ги води во квалификациите за Конференциската лига.
Спорт
(Видео) Нестварен пресврт на Келн, живи надежта за опстанок во Бундес лигата
Фудбалерите на Келн со се вртија по неагтивата од два гола против Унион Берлин и во пресрет на последното коло во Бундес лигата ги задржаа шансите да останат во лигата.
Унион, кој сезонава одигра солидно во групната фаза од Лигата на шампионите, одлично го започна натпреварот во Келн. По 19.минути игра гостите од престолнината имаа водство 0:2. Стрелци Кнохе во 15. и Фоланд во 19.минута од пенал.
До крајот на првиот дел, Кнајц ја намали предноста на Унион.
И во моментите кога некои навивачи веќе почнаа да го напуштаат стадионот, се појави трошка надеж, во 89. минута Тигес со глава погоди за 2:2., а во третата минута од судиското надополнување ерупција од воодушевување предизвика голот на Даунс.
Келн со 27 поени остана на претпоследното место, Унион е прв над цртата со 30 бода.
Лајпциг дефинитивно е во Лигата на шампионите, но се уште е неизвесно дали ќе биде на четвртото место. Таа позиција можеа да ја потврдат и против Вердер, но освоија бод пред своите гледачи – 1:1. Македонскиот репрезентативец Елмас настапи од 64.минута кога влезе на местото на Баумгартнер.
Резултати:
Фрајбург-Ханденхајм 1:1
Борусија Менхенгладбах-Ајнтрахт 1.1
Лајпциг-Вердер 1.1
Келн-Унион Белрин 2:3.
Спорт
УЕФА ќе го казни судијата кој Баерн го чинеше испаѓање од ЛШ
Полскиот судија Шимон Марчинијак, кој во реваншот од полуфиналето на Лигата на шампионите го оштети Баерн во судиското продолжение против Реал Мадрид, требаше да биде еден од клучните судии на УЕФА на претстојното Европско првенство, но поради оваа грешка го загуби тој статус, пишува „Дејли Мирор“.
Марчинијак, длабоко во судиското надополнување, ја прекина акцијата од која Де Лигт погоди за израмнување, со што натпреварот ќе влезеше во продолженија, иако протоколот предвидува дека линискиот судија треба да пушти акцијата да заврши, а потоа, доколку биде постигнат гол, ВАР собата да пресуди дали имало офсајд.
Судијата овде не го направи тоа и затоа играчите на Баерн и тренерот Томас Тухел целосно ги загубија нервите, а УЕФА е незадоволна и од одлуката на Марчинијак и неговиот помошник Томаш Лискиевич и им подготвува санкции.
Марчинијак судеше неколку големи натпревари, меѓу кои и финалето на Светското првенство во Катар, а тој требаше да го суди и воведниот натпревар на ЕП меѓу домаќинот Германија и Шкотска.
Според „Дејли Мирор“, УЕФА ќе му ја одземе таа чест.
Нејасно е дали казната ќе трае во текот на целото Европско првенство или Марчинијак ќе добие шанса во подоцнежна фаза од натпреварувањето.