Спорт
Бензема фаворит за „Златната топка“, Лео Меси не е номиниран првпат од 2005 година!

„Франс фудбал“ ја објави скратената листа на 30 фудбалери кои се кандидирани за најпрестижната индивидуална фудбалска награда, „Златната топка“, со еден јасен фаворит, Карим Бензема, но и со едно големо изненадување, без седумкратниот освојувач на наградата, Лионел Меси.
Бензема, според многу прогнозери, е речиси сигурен освојувач на оваа награда, по блескавата сезона во дресот на Реал Мадрид, посебно по неговите достигнувања во Лигата на шампионите, и малкумина би се обложиле дека нема да ја добие наградата на 17 ноември.
Од друга страна, Меси, кој минатата година контроверзно ја освои наградата пред Роберт Левандовски, имаше потпросечна (за негови стандарди) сезона со Пари Сен-Жермен, за да загуби номинација, исто како и неговиот соиграч Нејмар, иако францускиот весник, сепак, го номинираше Килијан Мбапе. На листата на „Франс фудбал“, од друга страна има место за Кристијано Роналдо, кој беше најдобар фудбалер на Манчестер јунајтед во катастрофалната сезона за англискиот клуб.
НОМИНИРАНИ ЗА ЗЛАТНА ТОПКА
Тибо Куртоа (Реал Мадрид)
Рафаел Леао (Милан)
Кристофер Нкунку (РБ Лајпциг)
Мохамед Салах (Ливерпул)
Џошуа Кимих (Баерн Минхен)
Трент Александер-Арнолд (Ливерпул)
Винисиус Жуниор (Реал Мадрид)
Бернардо Силва (Манчестер сити)
Луис Дијаз (Ливерпул)
Роберт Левандовски (Барселона)
Ријад Марез (Манчестер сити)
Касемиро (Реал Мадрид)
Хеунг-Мин Сон (Тотенхем)
Фабињо (Ливерпул)
Карим Бензема (Реал Мадрид)
Себастиен Але (Борусија Дортмунд)
Кристијано Роналдо (Манчестер јунајтед)
Антонио Ридигер (Реал Мадрид)
Кевин де Брујне (Манчестер сити)
Лука Модриќ (Реал Мадрид)
Мајк Мањан (Милан)
Хери Кејн (Тотенхем)
Дарвин Нуњез (Ливерпул)
Фил Фоден (Манчестер сити)
Садио Мане (Баерн Минхен)
Ерлинг Халанд (Манчестер сити)
Душан Влаховиќ (Јувентус)
Жоао Кансело (Манчестер сити)
Килијан Мбапе (ПСЖ)
Виргил ван Дајк (Ливерпул)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Еврогол ја елиминира Црвена звезда од Лигата на шампиони

Црвена звезда не успеа да избори пласман во Лигата на шампионите. Сроскиот првак во плеј офот доживеа елиминација од Пафос. Кипраните славеа со вкупни 3:2.
Поразот и лошата игра во Белград, кога Пафос победи со 2:1, скапо ги чинеше црвено-белите,
Во реваншот, не блескаа но го исконтролираа првото полувреме. Во вториот дел играчите во црвено-бели дресови притиснаа од сите страни. Иницијативата ја материјализираа во 60.минута, кога Иваниќ со малку среќа погоди за 0:1.
Црвено-белите имаа шанса во 80.минута да го постигнат вториот гол, а кога се подготвуваа за продолженија ги нокаутира Жажа кој во 89.минута постигна нестварен гол.
Во преостанатото време речиси и да не се играше, Кипраните започнаа со провокации, имаше инцидент на влезот на тунелот па резултатот остана 1:1.
Пафос сезонава ќе дебитира во Лигата на шампионите, а Црвена звезда продолжува во Лига Европа.
Foto/ EPA/SAKIS SAVVIDES
Спорт
(Видео) ФИБА ги казни тепачите од Аргентина и Доминиканска република

Светската кошаркарска федерација (ФИБА) изрече суспензии и казни по натпреварот помеѓу Аргентина и Доминиканската Република на Купот на Америка.
Сликата на Гонзало Бресан како го напушта теренот облеан во крв по тепачката помеѓу играчите на двете репрезентации го засени натпреварот.
Тензиите што се создаваа за време на натпреварот избувнаа по последниот звук на сирената.
Инцидентот кулминираше мешу Дејвис-Џонс и Бресан, по што се вмешаа и останатите од двата тима.
ФИБА ги суспендираше двајцата на по два натпревари. Аргентинците Франциско Кафаро и Хуанпи Волет беа суспендирани на по еден натпревар, а тренерот Пабло Приџони беше казнет со 2.000 швајцарски франци. Аргентинската федерација ќе мора да плати 20.000 франци.
Во Доминиканската Република, Хуан Гереро и Хуан Суеро беа суспендирани на по еден натпревар, додека Анхел Делгадо е условно суспендиран на еден натпревар.
Tremenda trifulca luego del fin del partido donde República Dominicana venció a Argentina en tiempo extra. pic.twitter.com/PW9MHqbI8L
— 8DeportivoTN8 (@8DeportivoTN8) August 24, 2025
Pablo Prigioni's Argentina fights rival Dominican Republic after FIBA loss
2 years ago the DR kept Argentina out of the World Cup
Prigioni in 🇦🇷 huddle calls St John's 🇩🇴 Joel Soriano "the fat guy who can't move"🤣
Spurs David Jones-Garcia (#8🇩🇴blue) is provoked, throws down🥊 pic.twitter.com/d8BqnJmoGS
— New York Basketball (@NBA_NewYork) August 25, 2025
Спорт
(Видео) Каират го елиминира Селтик, ќе игра во Лигата на шампионите

Фудбалерите на Каират направија големо изненадување, први што се квалификуваа за Лигата на шампионите од клубовите кои се бореа за место во елитното европско натпреварување преку квалификациите.
Во плејофот, шампионот на Казахстан беше подобар од шампионот на Шкотска, тимот на Селтик. Откако првиот натпревар во Глазгов заврши нерешено 0:0, во реваншот во далечниот Алмати (6.000 км воздушно растојание помеѓу Глазгов и Алмати) резултатот по регуларните 90 плус дополнителни 30 минути гласеше идентично 0:0, а по изведувањето на пенали, фудбалерите на Каират славеа со 3:2.
Херој беше 21-годишниот голман Темирлан Анарбеков, тој им одбрани три пенали на играчите на Селтик и му го трасираше патото на својот тим во главната фаза од Лигата на шампионите.
Каират стана вториот тим од Казахстан кој стигна до главната фаза од Лигата на шампионите. Претходно тоа и успеа на Астана во сезоната 2015/16.
Фото/ Принтскрин