Спорт
„Колапс“ на Челси во Лидс, Брајтон ги „закова“ Вест хем на дното
Лидс јунајтед им го нанесе на Челси првиот пораз во новата премиерлигшка сезона, победувајќи со спектакуларни 3:0 на „Еланд роуд“, додека Брајтон по убедливата победа над Манчестер јунајтед, славеше со 0:2 на гостувањето кај Вест хем, оставајќи ги „чеканите“ без поени по три кола и на дното на табелата.
Работите тргнаа на лошо за тимот на Томас Тухел во 33. минута од мечот, кога голманот Едуар Менди направи несфатлива грешка и дозволи Брендeн Аронсон да постигне гол, за само четири минути подоцна Родриго да го продолжи одличниот старт на сезоната за 2:0. Сите надежи за камбек беа „урнати“ во 69. минута кога Родриго му асистираше на Џек Херисон за 3:0. Лидс имаат одличен старт на сезоната со две победи и едно реми во првите три меча. За Челси пак, мизеријата да биде поголема, Калиду Кулибали во 84. минута доби втор жолт картон.
Во Лондон пак, Брајтон дојде во водство во 22. минута со голот од пенал на Алексис Мекалистер, за во 66. минута, Лоик Тросар да го удвои водството на тимот на Греем Потер. Брајтон, исто како и Лидс имаат две победи и едно реми на стартот на сезоната.
(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-1-41886”));
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Со селфи од брзата помош Карвахал потврди дека ги скинал лигаментите
Реал го победи Виљареал со 2:0 во дербито од 9. коло во Примера, но победата има горчлив вкус поради повредата на Дани Карвахал.
Десниот бек на Реал во 92.минута го повреди коленото, на носилки беше изнесен од теренот.
Околу 2 часа по полноќ, Каравахл на Инстаграм објави селфи од брзата помош и ги потврди црните прогнози.
„Потврдена ми е тешка повреда на вкрстените лигаменти. Морам да одам на операција и нема да играм неколку месеци. Со нетрпение очекувам да почнам да закрепнувам и да се вратам како ѕвер. Ви благодарам на сите за пораките“.
Карвахал е позитивен и покрај се, но оваа повреда обично значи долго отсуство од терените, кое трае приближно осум до десет месеци. Тоа значи дека неговата сезона е практично завршена.
Ова е огромен удар за Реал бидејќи Карвахал е незаменлив на позицијата десен бек.
Негова замена е Лукас Васкез, но освен него Реал нема ниту еден десен бек. Шпанските медиуми пишуваат дека поради ова сигурно е дека Реал ќе мора да реагира во зимскиот преоден рок.
Спорт
Бањаја победи во Јапонија, Мартин стартуваше 11. заврши втор
Возачот на Дукати, Франческо Бањаја, триумфираше на Големата награда на Јапонија, 16.трка во Мото ГП шампионатот.
Актуелниот шампион водеше од почеток до крај за неговата прва победа на патеката Мотеги во кралската класа, и негова осма во сезоната. Најблиску до Бањаја беше Хорхе Мартин од Прамак Дукати. Шпанецот возеше неверојатна трка која ја започна од 11.место. На третото скалило на подиумот се најде возачот на Гресини, Марк Маркез.
Ваквиот исход значи дека Бањаја ја намали разликата во однос на Мартин на 10 поени, а до крајот на сезоната остануваат уште четири трки.
Бањаја на стартот го мина Педо Акоста кој стартуваше од пол-позицијата, додека Мартин направи пробив и по само неколку свиоци од 11. дојде до четвртото место.
Возачот на Гас Гас, Акоста се задржа на втората позиција, а потоа излета во четвртиот круг, се врати во трката, но се повлече во 15. круг.
Тогаш Мартин стигна до второто место, во еден момент дојде на седум десетинки од Бањаја, но во ниту еден момент не можеше да му се закани. Бранителот на титулата го зголеми темпото на половина од трката,
Мартин во финишот заостануваше секунда и пол зад Бањаја
Шампионатот во Мото ГП продолжува со Големата награда на Австралија од 18 до 20 октомври.
Спорт
(Видео) Победата на Реал во сенка на повредата на Карвахал
Реал Мадрид го победи Виљареал со 2:0 во деветотот коло, во Примера. Со овој триумф Реал се изедначи на првото место со Барселона, која утре му гостува на Алавес.
Реал ја потона „жолтата подморноца“ со две торпеда, на Валверде во 14. и Винисиус Жуниор во 73.минута. Виљареал имаше свои шанси кои не ги искористи. Пеп во првото полувреме веднаш по голот на Валверде ја погоди гредата. Во финишот добија пенал, но судијата го поништи откако ВАР покажа дека на пеналот му претходел офсајд.
Интересно Реал на овој натпревар упати само три удари во рамките на голот, два од нив завршија зад грбот на Кунде.
Реал победи, но прашање е колку скапо ја плати победата. Винисиус Жуниор во 78.минута поради повреда на рамото го напушти теренот, а во самиот финиш на натпреварот се повреди и Карвахал, кој мораше да биде изнесен од теренот.