Забава
Том Холанд фаворит за нов Џејмс Бонд
Шпекулациите продолжуваат да се вртат за тоа кој ќе го глуми следниот 007 по последниот филм на Даниел Крег како Бонд.
Фановите на серијалот нестрпливо ја очекуваат најавата на новиот Бонд, а со неодамнешното ажурирање кое ги исфрли некои од најголемите предвидувања, сега има нови информации за тоа кој би можел да го преземе кормилото.
Последните вести велат дека следниот Џејмс Бонд ќе се движи во друга насока.
Поточно, помлада насока.
Според Рос Кинг, ова е многу реално имајќи предвид дека продуцентите на Бонд бараат помлад Бонд. Некој во неговите триесетти.
Том Холанд се појавува како главен фаворит.
Познат по улогата на Питер Паркер во најновиот „Спајдермен“, се чини дека тој е најдобрата претпоставка за тоа кој би можел да биде новиот 007. Зад него е Реџе Џин Пејџ од „Бриџертон“, а потоа Том Харди и покрај тоа што има 44 години.
„Тудеј шоу“ открива дека британската ѕвезда сега е предводник меѓу актерите за кои се смета дека можат да го глумат славниот „протресен, не измешан“ шпион на МИ6.
Порталот вели дека промоцијата на Холанд доаѓа по шпекулациите дека Идрис Елба повеќе не е заинтересиран да ја преземе улогата.
Холанд би помогнал да се вдахне нов живот на остарениот британски таен агент, а во негов прилог оди и фактот што тој е голем фан на серијалот.
Во емисијата „Лејт најт“со Сет Мејерс на почетокот од оваа година, 26-годишниот дури и даде своја идеја за следниот филм за Бонд.
„Во суштина, јас сум голем фан на Џејмс Бонд“, рече тој. „Ги сакам филмовите со Даниел Крег. Едно време си помислив: ако продолжат понатаму, би било навистина возбудливо да се види како Џејмс Бонд станува Џејмс Бонд“.
Шпекулациите за Британецот да го потретира култниот лик доаѓаат откако тој ги напушти социјалните мрежи за да му даде приоритет на своето ментално здравје.
Актерот сподели видео со кое ги извести фановите дека прави многу потребна пауза од дигиталниот свет.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Илјадници луѓе го пречекаа Бејби Лазања на плоштадот во Загреб, тој се расплака
По историскиот успех на Евровизија, односно второто место, Бејби Лазања денеска се врати дома.
Тој беше пречекан од илјадници луѓе на плоштадот во Загреб.
Пејачот двапати ја испеа Рим Тим Таги Дим за публиката, а присутните пееја и танцуваа со него. Меѓу нив беше и градоначалникот на Загреб, Томислав Томашевиќ. Во еден момент, Лазања заплака на сцената.
„Лесно ми е мене, важно е луѓето да се среќни“, скромно рече тој, пренесува хрватски „Индекс“:
Тој призна дека не очекувал толку голем одѕив на дочекот.
„Очекував можеби сто луѓе“, додаде.
Бејби Лазања по излегувањето на сцената покрај хрватската делегација изјави дека сè направил сам со тимот, а медиумот потсетува дека Лазања беше резервен избор на ХРТ за Евровизија.
Според гласовите на публиката, хрватскиот претставник победи во Малме.
Забава
(Видео) Koj е Немо – победникот на Евровизија
Благодарение на гласовите од жири комисијата Немо од Шварцарија победи на изборот за песна на Евровизија со песната „Код“.
Немо се опишува себе си како небинарна личност, што значи дека не се декларира како маж или жена, туку како „тие“.
Немо (25) е рапер, пејач и музичар кој свири виолина, пијано и тапани. Досега имаат издадено три албуми, а песната „Du“ беше четврта на швајцарските топ листи во 2017 година.
Швајцарија немаше конкурс за песната да ја испрати на Евросонг, но интерно ја избраа песната ‘Код’. За изборот се пријавиле 472 песни, а жирито го сочинувале најмалку 240 меѓународни членови од публиката и 30 членови на стручно жири од 20 земји.
Критиките по финалето и неговата победа се поделени, а немалку коментираат дека се изненадени од победата и дека повторно жири комисијата ја надгласала публиката која ја избра Хрватска – некрунисаниот морален победник, но има и коментари дека е направен вистински избор, додека хрватската песна е копија на оние на „Рамштајн“.
„Кодот е за патување започнато со сознанието дека не сум ниту маж ниту жена. Пронаоѓањето на себеси беше долг и често тежок процес за мене. Но, ништо не е подобро од слободата што дојде со сознанието дека сум небинарна личност“, вели Немо.
Забава
(Видео) На евровизискиот победник му се скрши трофејот – пари од победата на Евровизија не заработи
Швајцарија е победник на Евровизија 2024 година. Немо го освои трофејот на престижниот музички натпревар со песната „The code“.
Многумина се прашуваат колку заработува победникот на овој музички натпревар, а одговорот е – не забоработува ништо.
Наградата за победникот на Евровизија е стаклен трофеј во форма на микрофон, кој го скрши синоќешниот победникот на Швајцарија.
Во екот на прославата, Немо се спушти на подот и во тој момент се слушна како се крши стакло.
За прв пат во историјата на Евровизија некој го скрши трофејот.
Видеото од овој настан брзо стана вирално.
⚡️During the final performance, the winner, representing #Sweden, #NEMO, broken the crystal #Eurovision2024 trophy. pic.twitter.com/klwexzXT9b
— KyivPost (@KyivPost) May 11, 2024
Немо Метлер на Евровизија ја испеа песната „The Code“, која, како што вели, делумно била инспирирана од реалниот живот. Немо има 25 години и се декларира како небинарна личност, односно како ниту машко ниту женско, туку како „тие“.
„’Кодот’ е за патување кое започна со сознанието дека не сум ниту маж, ниту жена. Да се пронајдам себеси беше долг и често тежок процес, но ништо не е подобро од слободата што дојде со сознанието дека сум небинарна личност“, рече Немо во една прилика и нагласи колку е значајна можноста да се пее на сцената во Малме.
„Неверојатна чест е што можам да ја претставувам Швајцарија на Евровизија. Оваа платформа нуди одлична можност за градење мостови меѓу различни култури и генерации. Затоа, како квир личност, многу ми е важно да се залагам за целата ЛГБТКИА+ заедница“, заклучи Немо.
Финалето на „Евровизија 2024“ се одржа вечерва во Малме, а главен фаворит беше хрватскиот претставник Бејби Лазања со песната „Rim Tim Tagi Dim“, кој заврши на второто место. Бејби Лазања беше победник од гласовите од публиката, но од стручното жири доби само две дванесетки – Кипар и Србија.