Спорт
Родман оди во Русија за да ја ослободи Грејнер од затвор
Поранешниот НБА кошаркар Денис Родман изјави дека ќе се обиде да ја ослободи сонародничката Бритни Грајнер од затвор во Русија. Грејнер, ѕвезда на ВНБА, неодамна беше осудена на девет години затвор поради обид за шверц на нелегални супстанци во Русија.
„Добив дозвола да одам во Русија за да и помогнам на таа девојка. Ќе се обидам да го направам тоа оваа недела“, изјави Родман за Ен-би-си.
Иако Родман, кој историски има интересни билатерални односи, веројатно со сигурност верува во успехот на неговата мисија, многумина не го делат тој став.
„Постојат информации од јавен карактер дека нашата администрација им понудила на Русите значајно решение и сè освен продолжување на преговорите може дополнително да ја комплицира ситуацијата и да влијае на обидите за ослободување“, изјави претставник на администрацијата на американскиот претседател Џо Бајден.
Ако Родман замине во Русија, нема да биде првпат поранешната ѕвезда на Чикаго Булс да се занимава со неофицијална дипломатија.
Тој низ годините разви врска со севернокорејскиот лидер Ким Џонг Ун и неколкупати му беше гостин, додека рускиот претседател Владимир Путин го нарекол „кул тип“ по посетата на Москва во 2014 година.
Во 2018 година тој беше виден заедно со Доналд Трамп како се среќава со Џонг Ун во Сингапур, а во една прилика истакна дека токму тој е одговорен за ослободувањето на Американецот Кенет Бае од Северна Кореја.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Реал Мадрид најде замена за Хезоња
Турскиот кошаркар Фуркан Коркмаз следното лето би можел да му се приклучи на Реал Мадрид.
Овој 26-годишен кошаркар треба да пристигне во редовите на европскиот шампион како замена за Марио Хезоња кој не го продолжи договорот.
Коркмаз е без клуб од февруари кога беше трејдуван од Филаделфија во Индијана, која веднаш му врачи отказ.
Тој беше член на Сиксерс од 2017 до 2024 година, во кариерата на 328 натпревари во НБА лигата има просек од од 6,8 поени и два скока.
Според турските медиуми, Коркмаз ги започнал преговорите со Реал. Од дуга страна Марио Хезоња ќе се пресели во Панатинаикос чиј член беше во 2021 година.
Спорт
Математиката на Челси, Лукаку+пари = Виктор Осимен
Ромелу Лукаку (30), по три сезони минати во Интер и една во Рома, во Серија А би можел да го облече дресот на Наполи.
Белгиецот изминатите две сезони настапува како позајмен, во Интер и Рома. Доколку се пресели во Наполи тој би бил дел од трансферот на Виктор Осимен.
Италијанските медиуми најавуваат дека 25-годишниот Нигериец следното лето би можел да го засили Челзи во трансфер вреден меѓу 80 и 90 милиони евра и дека Лукаку ќе послужи како своевидна „доплата“ во таа „зделка“.
За Осимен се заинтересирани и саудиските клубови, па Челзи ќе мора да му понуди голема плата доколку сака да го обезбеди потписот на нигерискиот репрезентативец.
Спорт
(Видео) Меси и Суарез го декласираа Њујорк Ред Бул
Аргентинскиот фудбалер Лионел Меси стана првиот играч во историјата на МЛС со пет асистенции на еден натпревар.
Меси го растури Њујорк Ред Бул со гол и пет асистенции. Интер славече победа 6:2.
Домашниот тим со пресврт дојде до седмата победа оваа сезона, откако Њујорк поведе во 30. минута преку Данте Ванзеир.
Матијас Рохас израмни во 48. минута, а Меси погоди две минути подоцна.
Рохас ја затресе мрежата на гостите во 62. минута, а Луис Суарез постигна хет трик во финишот.
Погоди во 69., 75. и 81. минута, а Њујорк Ред Бул постигна уште еден гол во седмата минута од судиското надополнување преку Емил Форсберг од белата точка.
Интер е прв во Источната конференција со 24 бодови, додека Њујорк Ред Булс е четврти со 17 бодови.