Свет
(Видео) Големи пожари во Португалија, метеоролозите предвидуваат температури до 40 степени
Португалија, погодена од третиот топлотен бран од почетокот на јули, се бори со неколку пожари додека земјата до утре е во состојба на готовност поради заканата од шумски пожари. Попладнево речиси 2.000 пожарникари се мобилизирани за гаснење на пожарите низ државата, соопшти цивилната одбрана.
Најголемиот пожар беснееше во околината на Вила Реал, на крајниот север, а вчера почна да се шири и во внатрешноста на тешко пристапното планинско подрачје.
„Според привремената проценка, во пожарот изгореа 4.500 хектари“, рече на пладне националниот директор за цивилна заштита Андре Фернандеш во обраќањето до јавноста.
#IRVilaReal Incêndio | Vila Real pic.twitter.com/WYxAVRz1wF
— Henry Ferreira (@HenrySxm) August 21, 2022
Метеоролозите најавуваат температура до 40 степени
Во борбата против овој шумски пожар, Португалија денеска може да смета на помошта на два грчки канадери испратени како дел од европскиот механизам за солидарност.
Состојбата на тревога, која Владата ја прогласи вчера, го ограничува пристапот до шумите, забранува пиротехника и предвидува зголемување на нивото на мобилизација на помошта.
Португалскиот метеоролошки институт (ИПМА) соопшти дека за денеска и утре температурата во внатрешноста на земјата ќе биде блиску до 40 Целзиусови степени. Португалија, која годинава беше погодена од исклучителна суша, го имаше најтоплиот јули во последните речиси сто години.
Научниците предупредуваат дека климатските промени ја зголемуваат веројатноста за појава на топлина и суша, а со тоа и шумски пожари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Дрвја и кал во БиХ, местата зафатени од поплавите се непрепознатливи
По поплавите што вчера ја зафатија БиХ, најтешка е состојбата во општина Јабланица, каде што најголем број урнати згради и објекти се под вода, а истото е и во Трусина и Бутуровиќ Поље, јави телевизијата БХТ1.
Новинарка на телевизијата, која известува од терен, изјави дека овие места се непрепознатливи.
-Можеме да видиме само дрвја и вода, кал, се’ лебди на површината на водата, можеме да видиме загрижени жители, изјави таа и додаде дека веќе се започнати хуманитарни акции за помош на загрозените.
Според последните неофицијални податоци само на територијата на Јабланица како исчезнати се водат 48 лица, додека официјалните податоци велат дека по поројните поплави и свлечиштата кај Јабланица, Кониќ, Крешево и Кисељак, потврдена е смртта на 19 лица, а дека по многу други уште се трага.
Населението во погодените подрачја има потреба од итна помош, а најитни се конзервираната храна и вода во шишиња.
Патната комуникација е отежната, а на места и целосно прекината.
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај.
Регион
Страшни детали од поплавите во Босна и Херцеговина, загина трудница, а брачен пар се најдени гушнати
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај. Најмалку 21 лице го загуби животот во поплавите во БиХ, од кои 16 се сметаат за исчезнати.
„Најмалку 16 лица од областа на северна Херцеговина во моментов се водат како исчезнати, откако беше потврдено дека исто толку луѓе загинале само на подрачјето на Јабланица“, изјави премиерот на Федерацијата на БиХ, Нермин Никшиќ.
Затрупани се многу куќи, а утринава пристигна и дополнителна механизација.
Во тек е состанок на кризниот штаб за координација на спасувачките активности, а по него треба да се дознаат подетални информации за состојбата на теренот.
Најтешка е состојбата во Долна Јабланица каде се сомнева дека каменолом ја предизвикал трагедијата во населбата која е целосно затрупана со отпад од гранит.с
Свет
Се повеќе мали деца се дебели, предупредува ФАО
Организацијата за храна и земјоделство на Обединетите нации (ФАО) предупреди дека прекумерната тежина кај деца под пет години, анемијата кај жените на возраст од 15 до 49 години и дебелината кај возрасните се во пораст во голем број земји.
Западен Балкан со 10,3 отсто и Кавказскиот регион со 9,1 отсто имаат највисока стапка на прекумерна тежина кај децата до пет години, додека стапката на дебелина кај возрасните исто така се зголемува.
Вредностите на анемијата кај жените на возраст од 15 до 49 години ја надминуваат глобалната проценка од 29,9 отсто во Киргистан со 35,8 отсто, Таџикистан 35,2 отсто и Азербејџан 35,1 отсто.
За да се справат со овие предизвици, сите актери во Европа и Централна Азија треба да се фокусираат на квалитетот на исхраната, осигурувајќи дека сите граѓани имаат пристап до разновидна и урамнотежена исхрана.
Никој не треба да се остави зад себе. Ова мора да биде поддржано со едукативни и кампањи за подигање на јавната свест кои поттикнуваат поздрав и поодржлив избор на храна, се додава во соопштението.