Спорт
Далас каубојс остануваат највредниот НФЛ тим со проценета вредност 8 милијарди долари!
Далас каубојс остануваат највредниот НФЛ тим 16-та година едноподруго, иако влегоа во плејофот само четири пати во последните 12 сезони. Според магазинот „Форбс“, Каубојс вредат 8 милијарди долари, што е за 23 отсто повеќе од минатата сезона.
Во топ 5 највредните НФЛ клубови се и Њу Ингланд патриотс (6.4 милијарди долари), Супербол шампионот Лос Анџелес рамс (6.2 милијарди долари), Њујорк џајантс (6 милијарди долари) и Чикаго беарс (5.8 милијарди долари).
Каубојс, исто така имаат најголем приход во НФЛ, со 465.9 милиони долари минатата година, повеќе од двојно од следниот тим на листата, Патриотс со 230.5 милиони долари.
Газдата на Каубојс, Џери Џонс го купи тимот за 140 милиони долари во 189 (еквивалентно на 330 милиони долари денеска зголемено за инфлацијата).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Швјонтек го освои Мастерсот во Мадрид
Тенисерката број еден во светот Ига Швјонтек ја освои титулата на Мастерсот во Мадрид. Таа во финалето ја победи Арина Сабаленка во три сета. За Швјонтек ова е 20-та титула во кариерата, а прва во Мадрид.
Резултатот по три часа и 14 минути борба беше 5:7, 6:4, 7:6 (9:7).
Спектакуларниот меч на двете најдобри во светот, кулминација доживеа во тај-брејкот во третиот сет кој Швјонтек го доби со 9:7.
Спорт
(Видео) Барди погоди од слободен удар
Енис Барди постигна гол за Трабзон, но неговиот клуб доживеа пораз од Самсин 3:1.
Капитенот на македонската репрезентација, во 32.минута погоди од слободен удар, ја намали предноста на 2:1, но само четири минути подцна Фернандес со авто-гол го постави конечниот резултат.
На три кола до крајот на сезоната, Трабзон се наоѓа на третото место со 58 бода, четири повеќе од Бешикташ. Доколку остане на третото место, Трабзон наредната сезона ќе се натпреварува во Лига Европа.
👌🏻👌🏻👌🏻 Trabzonspor 🔥Enis Bardhi pic.twitter.com/hnuPvPkxks
— 61post (@61post) May 4, 2024
Спорт
Тежок пораз на МЗТ од Спартак во Суботица
Македонскиот шампион МЗТ Скопје и наредната сезона ќе се натпреварува во Втората АБА лига. МЗТ, вечерва доѓивеа убедлив пораз на гостувањето кај најдобриот тим во регуларниот дел од сеозната, Спартак Суботица.
МЗТ имаше мали шанси да го изненади фаворизираниот противник, кој во Скопје победи со пет поени разлика. Но ниту најголемите песимисти не очекуваа дека македонскиот шампион ќе доживее тежок пораз.
Спартак сите дилеми, ако воопшто и ги имаше, ги реши во првото полувреме. Екипата од Суботица реализираше 80 отсто од шутевите за три поени во првиот дел (8/10) и на пауза замина со резултат 57:32.
Вториот дел беше само одработување на започнатото за Спартак кој славеше со 98:64.
Спартак за место во АБА лигата ќе се бори со Војводина.