Спорт
Барса и Сити ќе одиграат пријателски меч во хуманитарни цели
Барселона и Манчестер сити вечерва ќе одиграат пријателски натпревар во хуманитарни цели. Имено, поранешниот голман и тренер на Барселона, Хуан Карлос Унзуе, успеа да договори меч меѓу два европски титани, а целиот приход ќе оди во истражувачкиот центар за амиотрофична латерална склероза (АЛС).
Пред две години Унзуе се разболе од оваа тешка болест и сега се обидува на секој начин да му помогне на истражувачкиот центар да добие што е можно повеќе пари за да може да продолжи со својата работа во борбата против болеста за која нема лек.
„Конечно дојде овој момент и мислам дека ќе биде многу добро, ќе уживаме“, го најави натпреварот Унзуе, кој во понеделникот го постели тренинг-кампот на Манчестер сити во Џирона. Таму се сретнал со тренерот на Сити. Потоа имал разговори со тренерот на Барса, Чави Ернандез и играчите Роберто Левандовски и Серхи Роберто.
„Серхи Роберто ја загуби мајка си од АЛС и е силно вклучен во помагањето во истражувањето на болеста“, откри Унзуе.
„Многу сум возбуден бидејќи беше тешко да се организира овој натпревар. Двата клуба, особено Барселона, имаат многу работа, но посветеноста на оваа цел е пред сè. Барса има многу проблеми, но тие веднаш ја прифатија понудата. Ви благодариме“, рече Унзуе.
Хуан Карлос Унзуе е поранешен голман, кој остави најголем белег во Севилја од 1990 до 1997 година, а интересно, претходно бранеше за Барса, од 1998 до 1990 година во „златната ера“ на Јохан Кројф, но беше резервен голман.
Кога ја заврши кариерата, Унзуе се вработи како тренер на голманите во 2003 година кога Жоан Лапорта првпат стана претседател на Барселона. Унзуе беше тренер на голманите во ерата на Франк Рајкард и Пеп Гвардиола, но имаше уште поголемо влијание како помошник на Луис Енрике од 2014 до 2017 година.
Барса со него во стручниот штаб во овој век освои четири ЛШ, по една со Рајкард и Луис Енрике и две со Пеп Гвардиола.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ландо Норис го победи Ферстапен на ГН на Мајами
Ландо Норис ја забележа првата победа во кариерата. Возачот на Мекларен победи на трката за Големата награда на Мајами. Ова е прва победа за Мекларен од 2021 година кога Даниел Рикардо победи во Монца. Норис во Мајами победи пред Макс Ферстапен (Ред Бул) и Шарл Леклер (Ферари).
Норис, трката во Мајами ја стартуваше од петтата позиција, која ја загуби на стартот, но како што одминуваа круговите тој беше најбрзиот човек на патеката. Најбрзиот круг го возеше во 25 круг, кога дел од неговите конкуренти ги сменија гумите.
За одличното возење го „погледна и среќата“. Поради инцидентот меѓу Магнусен и Сарџент, во 28.круг на патеката излезе возилото за безбедност. Норис го искорсти влезе во боксот и се врати на челната позиција.
Откако возилото за безбедност ја напушти патеката, Норис на чиста брзина ја доби борбата со Ферстапен.
Британецот со деби победата ја прекина доминацијата на Ферстапен во Мајами, кој имаше шест последовни победи на оваа патека.
Бодови во Мајами освоија: Карлос Саинц (Ферари), Серхио Перез (Ред Бул), Луис Хамилтон (Мерцедес), Јуки Цунода (РБ), Џорџ Расел (Мерцедес), Фернандо Алонсо (Астон Мартин) и Естебан Окон (Алпин).
Спорт
Реми во дербито меѓу Рома и Јувентус
Рома и Јувентус освоија по еден бод, откако во дербито на 35.коло одиграа 1:1, на „Олимпико“ во Рим.
Рома никако не може да биде здоволна со бодот бидејќи си го компромитира пласманот во Лигата на шампионите. Италија наредната сезона ќе има пет екипи во Лигата на шампионите, а Рома на петтото место има три бода и два натпревари повеќе од Аталанта.
Натпреварот почна добро за Рома, Лукаку се најде на вистинското место во вистинско време и му донесе водство на својот тим во 15. минута.
Јувентус после тоа не сакаше да тактизира, избраниците на Масимилијано Алегри тргнаа во напад, а во 31.минута ја искористија грешката во одбраната на Рома. Резултатот го изедначи Бремер.
До крајот на мечот Јуве беа поблуску до победата. Киеза ја погоди стативата во 47.минута, а потоа голманот Свилар имаше две добри интервенции.
Спорт
Рубљов го освои Мастерсот во Мадрид
Рускиот тенисер Андреј Рубљов победи на Мастерсот во Мадрид.
Рубљов во финалето го совлада Канаѓанецот Феликс Оѓер-Алиасим по три сета, со пресврт 4:6, 7:5, 7:5 по два часа и 49 минути игра.
Рускиот тенисер во главниот град на Шпанија ја освои втората титула од серијата 1000, а воедно осмиот тенисер во светот стана првиот во кариерата кој победил на Мастерсот во Мадрид и во сингл и во двојки.
Русинот лани во Монте Карло го освои првиот трофеј на турнирите од серијата 1000, а за 27-годишниот Русин ова е 16. титула во кариерата, втора во 2024 година.