Спорт
Шкупи загуби и на Косово, Балкани со сензационален пласман во Конференциската лига
Косовскиот шампион Балкани Сува Река успеа да обезбеди сензационален пласман во групната фаза на Конференциската Лига Европа, откако и во Приштина со 1:0 го совлада македонскиот шампион Шкупи, во разочарувачки крај на европскиот пат на тимот на Гоце Седлоски.
По шокантниот пораз во Скопје, Шкупи мораше да оди на победа на гостувањето, но наместо тоа уште во 2. минута остана со играч помалку по директниот црвен картон на Џелил Абдула. Меритон Кореница во 69. минута ја затресе мрежата на Шкупи за да го потврди пласманот.
КОНФЕРЕНЦИСКА ЛИГА ЕВРОПА, БАРАЖ, РЕВАНШ
Балкани (Кос) – Шкупи (МКД) 1:0, прв меч 2:1, вкупно 3:1
АИК Стокхолм (Шве) – Словацко (Чеш) 0:1, прв меч 1:3, вкупно 1:4
Базел (Шва) – ЦСКА Софија (Буг) 2:0, прв меч 0:1, вкупно 2:1
ЦФР Клуж (Ром) – Марибор (Сло) 1:0, прв меч 0:0, вкупно 1:0
Хаопоел Бер Шева (Изр) – Универзитетае Крајова (Ром) 1:1, 4:3 пен., прв меч 1:1, вкупно 2:2
МОЛ Фехервар (Унг) – Келн (Гер) 0:3, прв меч 2:1, вкупно 2:4
Славија Прага (Чеш) – Раков (Пол) 1:0, 2:0 по продолженија, прв меч 1:2, вкупно 3:2
Твенте (Хол) – Фиорентина (Ита) 0:0, прв меч 1:2, вкупно 1:22
Виборг (Дан) – Вест хем (Анг) 0:3, прв меч 1:3, вкупно 1:6
Викинг (Нор) – ФЦСБ (Ром) 1:3, прв меч 2:1, вкупно 3:4
Волфсбергер (Авт) – Молде (Нор) 0:4, прв меч 1:0, вкупно 1:4
Андерлехт (Бел) – Јанг Бојс (Шва) 0:1, 3:1 пен., прв меч 1:0, вкупно 1:1
Хамрун (Мал) – Партизан (Срб) 3:3, прв меч 1:4, вкупно 4:7
Ница (Фра) – Макаби Тел Авив (Изр) 1:0, 2:0 по продолженија, прв меч 0:1, вкупно 2:1
Дуделанж (Лук) – Лех (Пол) 1:1, прв меч 0:2, вкупно 1:3
Слован Братислава (Свк) – Зрињски (БиХ) 1:0, 2:1 по продолженија, 6:5 пен., прв меч 0:1, вкупно 1:1
Антверпен (Бел) – Башакшехир (Тур) 1:3, прв меч 1:1, вкупно 2:4
Линфилд (СИр) – РФС (Лет) 0:0, 1:1 по продолженија, 2:4 пен. прв меч 2:2, вкупно 3:3
Жил Висенте (Пор) – АЗ Алкмар (Хол) 1:2, прв меч 0:4, вкупно 1:6
Хајдук (Хрв) – Вилјареал (Шпа) 0:2, прв меч 2:4, вкупно 2:6
Рапид Виена (Авт) – Вадуц (Лих) 0:1, прв меч 1:1, вкупно 1:2
Фото: ФК Шкупи
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Вилбекин трагичар, Монако избори мајсторка
Кошаркарите на Монако го совладаа Фенербахче на гости со 65:62 во четвртиот натпревар од четвртфиналната серија на плеј-офот во Евролигата и се изборија за мајсторка.
Да потсетиме, само Реал Мадрид досега се пласираше на завршниот турнир во Берлин, додека петтиот натпревар ќе го даде победникот и во сериите меѓу Барселона и Олимпијакос, односно Панатинаикос и Макаби.
Исклучително возбудлив натпревар, во кој доминираа одбраните одиграа фенер и Монако.
На крајот Монако победи со многу среќа. Малку фалеше Мајк Џејмс наместо еден од хероите на победата на Монако да биде трагичар. Американецот постигна тројка на 51 секунда до крајот, на гостите 61:57.
Во меѓувреме погодија Вилбекин и Хол, а потоа Марко Гудуриќ со својата тројка ги доведе возбудувањата до точка на вриење. Фенер на 18 секунди до крајот се доближи на 62:63.
Следуваше кулминација на истанбулската драма, Џејмс во предвидените пет секунди не успеа да ја уфрли топката во игра, па Фенер имаше речиси цел напад да ја обезбеди победата,
Вилбекин ја презеде одговорноста, имаше многу време да размисли како ќе ја нападне одбраната на Монако, се обиде да заврши со флотер и промаши.
Топката му припадна на Монако, а Хол со забивање стави точка на натпреварот.
Кај Фенербахче најефикасен беше Марко Гудуриќ со 14 поени (3/3 за три).
Ели Окобо ги предводеше гостите со 13 поени, додека Мотијеунас и Џејмс мечот го завршија со по десет поени.
Спорт
Лејкерси го отпуштија тренерот
Лос Анџелес Лејкерс му врачија отказ на тренерот Дарвин Хем. Отказот е последица на елиминацијата, во првата плеј-оф рунда од актуелните шампиони Денвер Нагетс.
За две сезони на кормилото на Лејкерс, Хем забележа 90 победи и 74 порази, минатата сезона стигна до конференциското финале и беше елиминиран од Денвер со 4:0, исто му се случи и оваа сезона, разликата беше само што Лејкерс успеаја да добијат еден натпревар.
Исто така Лејкерси со Хем го освоија турнирот кој се одржува во текот на сезоната во НБА.
Претходно Хем беше асистент во Милвоки Бакс, Атланта Хокс и ЛА Лејкерс.
Спорт
На тренерот на Будуќност му се заканиле со киднапирање на ќерката: Ќе ја фрлиме во река
Црногорскиот фудбал долго време се наоѓа при дното во Европа, но ова што се случува во изминатите два месеци нема никаква врска со фудбалот.
Во црногорскиот фудбал во последно време имаше многу скандали, дивеењето на навивачите на Сутјеска во Тиват, тепачката меѓу играчите по завршувањето на натпреварот меѓу Бокељ и Ком, потоа тепачката меѓу челниците на клубовите Арсенал и Морнар во Тиват, инцидентото што го предизвика голманот на Будуќност, Ѓорѓија Пваличиќ кога нокаутираше соиграч…
Тренерот на Будуќност, Иван Брновиќ поднесе кривична пријава против непознато лице, бидејќи добил информација дека неговата ќерка е киднапирана и дека ќе биде фрлена во река доколку не плати 20.000 евра.
Се испоставило дека неговото 13-годишно дете е безбедно, но заканата била сфатена сериозно, но без сомнение Брновиќ и целото семејство се во во страв.
Заканите биле испратени по тренингот, кога тренерот требало да има средба со навивачката група на клубот, наречена „Варвари“, но таа била откажана поради грозоморните закани.