Свет
Идентификуван маж кој се удавил пред 20 години во езеро во кое водата пресушила
Човечки остатоци пронајдени пред три месеци во езерото Мид му припаѓаат на 42-годишен маж, кој најверојатно се удавил пред 20 години, соопштија властите на Невада.
Канцеларијата на судски вештак во округот Кларк ги идентификуваше останките, кои беа откриени на 7 мај, дека му припаѓаат на Томас Ернд од Лас Вегас.
Томас наводно се удавил на 2 август 2002 година, иако официјалната причина за смртта сè уште не е објавена.
Неговите останки се само едно од многуте шокантни откритија во езерото Мид кои беа откриени во последните месеци, бидејќи нивото на водата неодамна падна на рекордно ниско ниво.
Томас беше идентификуван преку ДНК-анализа и извештај за несреќата кога се удавил, изјави портпаролот на судскиот совет.
Во некролог кој подоцна беше објавен се вели дека Томас бил посветен сопруг и татко на две деца кој загинал во несреќа во езерото Мид, пишува „Метро њуз“.
Посмртните останки на Томас се едно од најмалку трите тела пронајдени кога нивото на водата во езерото падна на историски најниско ниво. Големата суша во регионот е тековно прашање веќе 23 години.
Судскиот совет сè уште работи на идентификување на неколку други останки откриени во текот на летото поради сушата, вклучително и останките на маж пронајден во кородирана цевка со прострелна рана.
Сателитските снимки објавени од НАСА покажуваат како езерото, кое снабдува 25 милиони луѓе со вода од реката Колорадо, драстично се повлекла.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Најден е урнатиот хеликоптер во кој се наоѓал иранскиот претседател Раиси
Спасувачки тим вечерва го пронашол урнатиот хеликоптер во кој се наоѓал иранскиот претседател Ебрахим Раиси, објави иранската државна телевизија.
Агенцијата ИРНА наведува дека е објавена точната локација каде се урнал хеликоптерот во областа меѓу Ардешир и Бразин во Варзеган.
Хеликоптерот со иранскиот претседател Ебрахим Раиси имал инцидент при слетувањето во Источен Азербејџан.
Областа е карпеста, маглива и врнежлива, а овие услови многу ја отежнаа потрагата.
Хеликоптерот со иранскиот претседател Ебрахим Раиси денес доживеа „тешко слетување“.
Свет
Израел: Демонстрантите бараат итен договор за заложниците, се обрати Хилари Клинтон
Илјадници активисти се собраа во центарот на Тел Авив барајќи предвремени избори и итен договор за ослободување на израелските заложници во Појасот Газа, а поранешната американска секретарка Хилари Клинтон им се обрати на демонстрантите преку видео врска. Треба да преземете итна акција за да ги вратите дома“, рече Клинтон, пренесува Танјуг.
Амбасадорот на САД во Израел, Џек Лу, рекол дека САД ги продолжуваат преговорите за враќање на заложниците, пишува The Times of Israel. Демонстрантите го блокираа автопатот Ајалон и запалија огнови, барајќи итен договор за ослободување на заложниците од Газа.
Бидејќи демонстрантите одбија да се разотидат по завршувањето на одобрениот митинг, полицијата го прогласи протестот за незаконски и интервенираше за деблокирање на автопатот.Полицијата соопшти дека уапсила осомничен за нарушување на редот на антивладините протести во Тел Авив.
Околу 200 демонстранти излегоа на одделни протести во Ерусалим, кои се одржаа во близина на Кнесетот.
Регион
Поставен рекорд во центарот на Белград: 1.000 гитаристи свиреа истовремено
Концертот на „Guitar Art“ денеска собра 1.000 гитаристи на плоштад во Белград, кои поставија национален рекорд во присуство на инструменталисти кои свират на гитара и слични инструменти, пренесе српска „Политика“.
Концертот „1.000 гитари“ ги привлече пред се во центарот на Белград најмладите гитаристи и нивните учители, но заедно свиреа цели семејства, составени од три генерации: дедо, татко и син…
Имаше мајки и ќерки кои „замавнаа“ со белградскиот блуз квартет и специјалните гости на концертот, меѓу кои Дејан Цукиќ, Ју групата, Кики Лесендриќ и Пилотите, Срѓан Гојковиќ Гиле, Бојана Стаменов, Никола Чутурило – Чутура. „Ова е конечно моментот кога барем на еден час ги заменуваме силиконите за витамини на ’Трг Републике’. Ова е сеќавање на мојата младост и почетоци во рокенролот. Среќен сум“, изјави Никола Чутурило Чутура за Танјуг.
За неколку минути неколку илјади љубопитни луѓе се собраа на плоштадот да уживаат во првокласен музички настан.