Спорт
Фудбалската треска може да почне – Албумот Катар 2022 пристигна во Македонија
Албумот на „Панини“, посветен на Светското првенство во Каар, пристигна во Македонија, на голема радост на колекционерите на овие фудбалски албуми.
Досега беше практика познатиот албум „Панини“ за светското првенство да се објавува на почетокот на пролетта, но поради подоцнежното одржување на првенството во Катар (од 20.ноември до 18.декември), се мораше да биде одложено за неколку месеци.
Така колекционерите чекаа речиси половина година подолго најпознатата светска компанија за сликички да објави почетокот на еуфоријата, која во еден ден ја зафати и Македонија.
Сепак во овие времиња не е лесно да се колекционер, сликичките не е сеевтини. Едно пакетче чини 45 денари, во албумот има 67о сликички, што значи дека за да се собере целиот албум се потребни околу 6.300 денари.
Сепак, ова нема да биде пречка за вистинските колекционери, бидејќи задоволството да ги залепите играчите што ги добивте и да ги замените за оние што ви недостасуваат е едноставно бесценето.
Годинешниот албум, секако, е целосно посветен на Катар како домаќин на натпреварот, со тоа што корицата е многу поквалитетна отколку за Светското првенство во Русија пред четири години.
Покрај вообичаените сликички на стадионите, симболите на Светското првенство и легендите, секоја репрезентација, покрај со амблемот е застапена со 18 играчи.
Во овој албум „панини“ направи една значителна промена во обележувањето на сликичките. Тие веќе не се нумерирани од 1 до 670, туку се бројат за секоја репрезентација од 1 до 19. Значи, од нејзиниот грб до последниот играч.
Исто така забележливо е дека под сликата на одреден фудбалер не стои името на неговиот клуб.
Претпоставката е дека „Панини“ се одлучиле на ваков потег бидејќи преодниот рок ширум светот се уште е во полн ек и не можеше да се предвиди кој каде ќе игра од моментот на изработка на дизајнот на албумот и сликичките до почетокот на првенство во ноември.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Дебакл на Барселона во Памплона – Будимир херој на Осасуна
Фудбалерите на Осасуна ја шокираа Барселона и ја совладаа со резултат 4:2 (2:0) во натпреварот од 8.коло на шпанската Ла Лига.
Ова е прв пораз за Каталонците во Примера од почетокот на сезоната. Анте Будимир постигна два од четирите гола во историска ноќ за Осасуна. Тимот од Памплона по 12 години успеа да ја победи Барселона на домашен терен.
Тренерот на Барселона натпреварот го започна со комбиниран тим, без Јамал и Рафиња. Осасуна знаеше како да го казни тоа.
Будимир го постигна првиот во 18. минута по центаршутот на Брајан Сарагоса, а крилениот напаѓач 10 минути подоцна со мајсторски потег, како во мал фудбал го мина голманот Пења и зголеми на 2:0.
Барса продолжи да оди на се или ништо и во 53-та, по двете големи грешки во низа на голманот Серхио Ерера, успеа да ја преполови негативата преку Пау Виктор.
По тој гол Барселона уште повеќе притисна, но Осасуна покажа сила и успеа да ги префрли случувањата на спротивната страна од теренот.
Имаа домашните неколку опасни напади по крилните позиции, а во 72. минута добија пенал. Будимир беше сигурен и ја врати предноста од два гола. .
На пет минути пред крајот беше ставен крајот, бидејќи Бретонес постигна феноменален гол за огромни 4:1.
Поразот во 89. успеа да го ублажи Ламин Јамал со уште еден многу убав гол на овој меч.
Барса по максимални седум победи го доживеа првиот пораз во новата сезона. Тие ќе останат на првото место со 21 бод.
Осасуна собра 14 и моментално е на шестата позиција на табелата.
Спорт
(Видео) Конате и Салах го лансираа Ливерпул на челната позиција во Премиер лигата
Во натпреварот од шестото коло на англиската Премиер лига, Ливерпул победи со 2:1 на гостувањето кај последнопласираниот тим во лигата Вулверхемптон.
Тимот на Арне Слот на тој начин ја забележа петтата победа сезонава и со тоа го престигна актуелниот шампион Манчестер сити на врвот на табелата.
Ливерпул поведе со голот на стоперот Ибрахим Конате во судиското надополнување на првото полувреме. Домаќините се вратија во вториот дел кога алжирскиот дефанзивец Рајан Аит Нури погоди во 56. минута. Победата на Ливерпул му ја обезбеди во 61. минута Мохамед Салах со гол од пенал.
Спорт
(Видео) Актуелниот шампион ја запре серијата на Баерн – Евро гол на Павловиќ
Баерн Минхен и актуелниот шампион Баер Леверкузен одиграа 1:1 во дербито на петтата рунда во Премиер лигата. Баварците ја задржаа челната пзиција на табелата со 13 бодови, два повеќе од Лајпциг и три од Леверкузен и Борусија Дортмунд.
Баерн домиираше во текот на целиот натпревар, 70 отсто од времето топката ја имаа Баварците во своите нозе, имаа повеќе шанси, но не успеаја да победат.
Леверкузен со јасна цел излезе на теренот во Минхен, да не доживее пораз и на крајот играчите на Чаби Алонсо дојдоа до еден бод.
Во екот на најголемата офанзива на Баерн, гостите од Леверкузен првата сериозна кација ја завршија со гол. Во 31.минута од 20 метри Андрих го погоди споритвниот агол од голот на Ноер.
Баерн еспресно се врати во натпреварот, во 39 минута, Павловиќ постигна спектакуларен гол. Од 27 метри упати неодбранлив удар во голот на Храдецки.
Баерн во вториот дел имаше три неверојатни шанси, во 48.минута Гнабри најпрвин ја погоди стативата, а потоа и гредата, а во 57.минута Храдецки извонредно реагираше и го запре ударот на Олисе.