Свет
18-годишна девојка преживеа удар од гром во Флорида
На првиот ден од факултет, 18-годишната девојка одела до зградата каде што требало да има часови кога ненадејно паднала на земја. Се обидела да повика помош, но сфатила дека не може да се движи или да зборува. Вака изгледа исповедта на девојката која ја удри гром во градите!
Ема Еглер (18) минатиот викенд се пресели во Пенсакола, Флорида, возбудена поради колеџот на кој требаше да присуствува. На првиот ден од часовите тргнала кон зградата кога гром ја удрил во градите. Го опишала своето искуство и ги покажала последиците!
Ема била погодена од гром во градите и се здобила со тешки изгореници. Кошулата и се залепила за телото, часовникот експлодирал, а од силината на ударот останала дупка на чевлите.
“Одев, и одеднаш се најдов на подот. Првото чувство беше срам, мислев дека се сопнав пред сите. Но, потоа сфатив дека не можам да зборувам ниту да се движам. Ми пријде еден млад човек и ме подигна, се јавија во Итна помош.
Кошулата ми беше целосно искината, а парчињата беа залепени за изгорената кожа. Патиките и чорапите имаа дупки и изгорени делови“, рекла таа.
Громот и поминал низ градите, многу блиску до срцето, а таа се здобила со изгореници на градите и стомакот, како и на рацете. Громот излегол низ левата нога, оставајќи дупчиња на чорапите и патиките.
„Лекарите ми рекоа дека треба да купам лотарија бидејќи имам неверојатна среќа што сè уште сум тука“, изјави Ема за американските медиуми. Иако на почетокот мислела дека е трајно парализирана, Ема се опоравува и ја вратила својата подвижност, пренесе Мондо.рс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Најден е урнатиот хеликоптер во кој се наоѓал иранскиот претседател Раиси
Спасувачки тим вечерва го пронашол урнатиот хеликоптер во кој се наоѓал иранскиот претседател Ебрахим Раиси, објави иранската државна телевизија.
Агенцијата ИРНА наведува дека е објавена точната локација каде се урнал хеликоптерот во областа меѓу Ардешир и Бразин во Варзеган.
Хеликоптерот со иранскиот претседател Ебрахим Раиси имал инцидент при слетувањето во Источен Азербејџан.
Областа е карпеста, маглива и врнежлива, а овие услови многу ја отежнаа потрагата.
Хеликоптерот со иранскиот претседател Ебрахим Раиси денес доживеа „тешко слетување“.
Свет
Израел: Демонстрантите бараат итен договор за заложниците, се обрати Хилари Клинтон
Илјадници активисти се собраа во центарот на Тел Авив барајќи предвремени избори и итен договор за ослободување на израелските заложници во Појасот Газа, а поранешната американска секретарка Хилари Клинтон им се обрати на демонстрантите преку видео врска. Треба да преземете итна акција за да ги вратите дома“, рече Клинтон, пренесува Танјуг.
Амбасадорот на САД во Израел, Џек Лу, рекол дека САД ги продолжуваат преговорите за враќање на заложниците, пишува The Times of Israel. Демонстрантите го блокираа автопатот Ајалон и запалија огнови, барајќи итен договор за ослободување на заложниците од Газа.
Бидејќи демонстрантите одбија да се разотидат по завршувањето на одобрениот митинг, полицијата го прогласи протестот за незаконски и интервенираше за деблокирање на автопатот.Полицијата соопшти дека уапсила осомничен за нарушување на редот на антивладините протести во Тел Авив.
Околу 200 демонстранти излегоа на одделни протести во Ерусалим, кои се одржаа во близина на Кнесетот.
Регион
Поставен рекорд во центарот на Белград: 1.000 гитаристи свиреа истовремено
Концертот на Guitar Art денеска собра 1.000 гитаристи на Трг Република во Белград, кои поставија национален рекорд во присуство на инструменталисти кои свират на гитара и слични инструменти на едно место во Србија свирејќи во рокенрол прослава со познати музичари, пренесе српска „Политика“.
Концертот „1.000 гитари“ ги привлече пред се во центарот на Белград најмладите гитаристи и нивните учители, но заедно свиреа цели семејства, составени од три генерации: дедо, татко и син…
Имаше мајки и ќерки кои „замавнаа“ со белградскиот блуз квартет и специјалните гости на концертот, меѓу кои Дејан Цукиќ, Ју групата, Кики Лесендриќ и Пилотите, Срѓан Гојковиќ Гиле, Бојана Стаменов, Никола Чутурило – Чутура. „Ова е конечно моментот кога барем на еден час ги заменуваме силиконите за витамини на Трг Република. Ова е сеќавање на мојата младост и почетоци во рокенролот. Среќен сум“, изјави Никола Чутурило Чутура за Танјуг.
За неколку минути неколку илјади љубопитни луѓе се собраа на Трг Република да уживаат во првокласен музички настан.