Спорт
Другари од детството и братот Матијас сакале да изнудат од Погба 13 милиони долари
Голем скандал ја тресе Франција. Пол Погба пријавил во француската и италијанската полиција дека бил жртва на обид за изнуда на пари. Двајца негови пријатели и братот Матијас се обиделе од него да извлечат 13 милиони евра.
Скандалот започна пред нешто повеќе од 24 часа кога споменатиот постариот брат на познатиот фудбалер, Матијас објави видео на социјалните мрежи во кое вели дека ќе открие одредени информации за Пол Погба, неговата менаџерка Рафаела Пимента и Килијан Мбапе.
„Целиот свет заслужува да знае одредени работи за да може јавноста да процени дали тој навистина заслужува восхит, почит и место во тимот на Франција, дали е доверлива и достојна личност да биде пример за младите, да ја претставува работничката класа и да ги рекламира големи брендови“, рече Матијас.
На видеото реагираше ПР службата на Пол Погба.
„Неодамнешните изјави на Матијас Погба на социјалните мрежи, за жал, не се изненадување. Тие доаѓаат по заканите и обидите за изнуда од организирана банда против Пол Погба. Ова пред еден месец им беше укажано на надлежните органи во Италија и Франција“.
За што всушност се работи?
„Франс инфо“ објави дека Пол Погба тврди дека во Париз го фатиле неговите пријатели од детството и двајца вооружени мажи со качулки, а потоа му побарале 13.000.000 долари. На истражителите им рекол дека пред споменатиот инцидент истите лица се обиделе да го заплашат, дури и во тренинг центарот на Јувентус кога Пол меѓу осомничените го препознал својот брат Матијас.
Кон крајот на март оваа година, Погба, како што понатаму открива „Франс инфо“, додека бил на собирот на француската репрезентација за пријателските натпревари со Брегот на Слоновата Коска и Јужна Африка, ја посетил својата мајка во гратчето Ланаи-сур. – Марне.
Потоа, според неговите тврдења, осудените го одвлекле до станот и го обвиниле дека ги игнорирал пријателите од детството откако станал професионален фудбалер. Двајцата вооружени напаѓачи кои бараа од него 13.000.000 долари тогаш тврделе дека дискретно го штителе во последните 13 години.
Според Пол, подоцна ги видел истите луѓе во Манчестер и Торино кога го препознал својот брат во нивното друштво. Односот меѓу двајцата браќа наводно е затегнат во последно време и тоа го натерало помладиот Погба за се да го извести правниот оддел на Јуве, кој одлучил да ја проследи информацијата до италијанската полиција.
Победникот на Светското првенство со Франција во 2018 година им кажал на инспекторите дека бил во контакт со своите пријатели од детството и дека никогаш не одбивал да им понуди финансиска помош доколку се во тешка ситуација. Сепак, тој признал дека еднаш исфрлил пријател од својата куќа откако дознал дека му „скинал“ 200.000 долари од картичката.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Слот ќе биде главен тренер, а не менаџер на Ливерпул
Ерата на Јирген Клоп во Ливерпул заврши во неделата. Германецот по девет успешни сезони реши да замине на долг одмор. На заминување самиот го промовираше новиот тренер Арне Слот, кој во Ливерпул доаѓа од Феенорд.
Англиските медиуми објавија дека Слот, за разлика од Клоп нема да биде вработен како менаџер, туку како главен тренер.
Холанѓанецот е 23. предводник на Ливерпул, а прв што нема менаџерска улога.
Според британските медиуми, промената е одраз на следењето на модерните трендови на фудбалот. Повеќето англиски клубови сега го прават она што европските клубови го прават со децении, ја одвојуваат улогата на тренер од онаа на спортски директор или менаџер.
Ливерпул по објавата на Јирген Клоп дека го напушта клубот направи голема реорганизација. Затоа што Клоп не е единствениот што заминува. Клубот го напушта и фудбалскиот директор Јорг Шматке, како и неколку важни членови на стручниот штаб.
Во клубот се враќаат Мајкл Едвардс како шеф на фудбалот и Џулијан Вард како технички директор. Педро Маркез ќе биде директор за фудбалски развој на целата спортска групација Фенвеј, а Ричард Хјуз ќе биде новиот спортски директор. Сите тие, како и Арне Слот, ќе ги преземат своите должности на 1 јуни.
Клубот верува дека титулата главен тренер ќе му даде можност на Слот да се концентрира на најважните аспекти од работата со првиот тим. Тој дефинитивно ќе биде неприкосновен авторитет и ќе има целосна контрола врз тимот.
Спорт
ПСЖ го договори трансферот на Јоро
Лени Јоро има 18 години, сезонава играше станардно за Лил, со што го привлече вниманиетот на големите клубови. За ова момче стручњаците велат дека е најталентиранот стопер во својата генерација. За неговиот потпис се бореа Реал Мадрид и ПСЖ.
Трката за неговиот потпис ја доби ПСЖ. Реал се повлече бидејќи Флорентно Перез на сакал да издвои 50 милиони евра. Медумите пишуваат дека Реал за Јоро понудил 30 милиони евра.
За разлика од Реал, ќелниците на клубот од Парзи веднаш се согласиле да ја платат бараната сума.
Лени Јоро оваа сезона одигра вкупно 44 натпревари за Лил и постигна три гола.
Спорт
Јокиќ: Лука ми е пријател, му посакувам да ја освои титулата
Никола Јокиќ и кошаркарите на Денвер не успеаја да го одбранат шампионскиот прстен оваа сезона. Тие беа поразени во полуфиналната серија на Западот од Минесота со 4-3, последниот, седми натпревар во серијата Минесота го доби во Денвер со (90:98).
Јокиќ не беше расположен по натпреварот, делуваше исцрпено по големата борба. Минесота често играше со тројца високи играчи Руди Гобер, Карл-Ентони Таунс и Наз Рид кои максимално го изморија најдобриот играч во лигата.
Кога Јокиќ на прес-конференцијата беше запрашан да опише што им се случи, можеби со својот одговор индиректно прстот го впери кон челниците на франшизата, се пожали на на недоволниот квалитет што го има Денвер на клупата за резерви.
Јокиќ беше запрашан и кого би сакал да види на местото каде минатата година беше Денвер, со шампионски прстен.
„Тоа му го посакувам на Лука. Тој ми е добар пријател“.