Атлетико Минеиро е првиот финалист на овогодинешниот Копа Либертадорес, најсилното клупско натпреварување во Јужна Америка.

Бразилскиот тим се одбрани од Ривер Плата во реваншот на преполниот „Монументал“ во Буенос Аирес. Натпреварот заврши 0:0. Минеиро го доби првиот меч со 3:0 и стигна до мечот за титулата.

Аргентинскиот тим тргна на се или ништо на овој дуел. Напаѓаа уште од самиот почеток, но мрежата на гостите беше маѓепсана за нив.

Ривер упати дури 35 удари кон противничкиот гол, наспроти само шест на Атлетико, но ниту еден не ја погоди целта.

Атлетико предводен од поранешниот бразилски репрезентативец Хулк ќе има можност по втор пат во историјата да го освои престижниот пехар. Тие го направија тоа за прв пат во 2013 година.

Речиси сигурно е дека ривал во финалето ќе им биде Ботафого, кој го доби првиот меч против Пењарол од Монтевидео со 5:0.

Никола Јокиќ, во ноќта зад нас уште еднаш покажа зошто е МВП во најсилната лига на светот, НБА. Српскиот центар најпрвин избори продолженија кај Бруклин (125:125), а потоа го однесе својот тим до победата. 144:139. Јокиќ, во четвртиот меч сезонава го забележа вториот трипл-дабл (29 поени, 18 скока, 16 асистенции).

Денвер ја забележа втората победа, но тимот и понатаму не изгледа добро на теренот. Првите четири натпревар во сезоната покажаа дека тимот е лошо селектиран и дека без Јокиќ е само просечна екипа.

Бројките зад неговото име покажуваат дека тој против Бруклин доминираше во сите сегменти на играта.

Јокиќ го следеа Гордон и Мареј со 24 поени, Вестбрук постигна 22, додека Портер Џуниор 16.

Во поразениот тим се истакнаа Денис Шрудер со 28 поени и Кам Томас со 26 поени.

Далас Маверикс во репризата на финалето во Западната конференција од минатата сезона ја победија Минесота со 120:114.

Натпреварот одигран во „Таргет центарот“ во Минеаполис шутерски не беше добар за Лука Дончиќ, кој на 10/27 од поле имаше 24 поени или само 1/8 за тројки.

Одличен беше Кајри Ирвинг кој беше херојот на Далас, мечот го заврши со 35 поени, 4 скока и 5 асистенции. Вашингтон постигна 17 поени, а Гафорд 14.

Во редовите на Минесота уште еднаш најистакнат поединец беше Ентони Едвардс. Популарниот Ент „спакува“ 37 поени, 6 скока и 3 асистенции, а Џулиус Рендл забележа 20 со 7 скока и асистенции.

Во дерби натпреварот од 10.коло во Серија А, лидерто Наполи на „Сан Сиро“ го победи Милан со 2:0.

Наполитанците сјајно го запошнаа натпреварот, во петтата минута, по додавањето на Франк Ангуиза меѓу двајцата стопери на Милан, Лукаку го доби дуелот со Павловиќ и ја испрати топката во мрежата за 0:1. Матео Политано во 36.минута имаше шанса но резултатот не се смени.

🚨🚨| GOAL: LUKAKU OPENS THE SCORING FOR NAPOLI!!

Milan 0-1 Napoli pic.twitter.com/9q7k9ahIiX

— Sport Highlights (@Bisportz) October 29, 2024

Седум минути подоцна на семафорот стоеше 0:2. Во главна улога беше Хвича Кварачели, кој со прецизен удар од 20 метри ја испрати топката во долниот лев агол од голот на Мењан.

🚨🚨| GOAL: FANTASTIC GOAL FROM KVARATSKHELIA!!!

Milan 0-2 Napoli pic.twitter.com/mVNKW3MW8Q

— Sport Highlights (@Bisportz) October 29, 2024

Алваро Мората постигна гол за Милан во 47. минута, но ВАР го поништи поради офсајд.

Избраниците на тренерот Фонсека се обидоа да се вратат во мечот, прилики кон крајот имаа Рафаел Леао и Кристијан Пулишиќ, но не беа сконцентрирани и резултатот остана 0:2.

Наполи е лидер со 25 бода, а Милан со третиот сезонски пораз остана на осмото место со 14 бодови.

Серија А, 10. коло

Вторник:

Каљари – Болоња 0:2 (0:1)
Орсолини 35, Едгар 51

Лече – Верона 1:0 (0:0)
Доргу 51