Спорт
Дибала со два гола ги крена Рома на првото место, Интер без мака со Кремонезе
Рома и Интер стигнаа до релативно лесни победи над новите прволигаши Монца, односно Кремонезе во четвртото коло од Серија А. Пауло Дибала со два гола ги предводеше Рома за 3:0 победа над Монца, додека Интер и без повредениот Ромелу Лукаку стигна до 3:1 триумф над Кремонезе.
Дибала постигна прекрасен гол во 18. минута по асистенција на Теми Ејбрахам, за да го удвои водството во 32. минута на воодушевување на тифозите на „волчицата“. Ибањез ја комплетираше победата на Рома во 61. минута за да трета победа во првите четири кола и прво место на табелата со 10 поени.
На „Сан Сиро“, пак, Хоакин Кореа во 12. минута го отвори резултатот, Никола Барела во 38. минута зголеми на 2:0, за потоа во 76. минута да му асистира на Лаутаро Мартинез за 3:0, пред Дејвид Окереке да го постигне почесниот гол за госите во 90. минута.
Монца, на поранешниот газда на Милан, Силвио Берлускони и Кремонезе, двата нови прволигаши имаат катастрофален старт на сезоната со 4 порази во 4 меча.
(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-33-42415”));
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Кијану Ривс – професионален автомобилист
Во саботата на познатиот автопат Индијанаполис, своето професионално деби во автомобилизмот го имаше Кијану Ривс.
И беше многу возбудливо. Некаде на половина од 45-минутната трка, холивудската суперѕвезда излета на тревата, но немаше судар. 60-годишникот продолжи да вози откако испратил сигнал дека не е повреден.
Актерот, познат по улогите во филмовите „Матрикс“, Џон Вик и многу други блокбастери, се натпреварува во Индијанаполис на „Тојота Џи-Ар куп“, тркачко натпреварување под покровителство на познатата трка „Инди 8 часа“.
Автомобилот што Ривс го вози има симболи од стрипот „The Book of Elsewhere“, кој делумно го напишал Ривс. Тимски колега на Кијану е Коди Џонс, Јутјубер познат како член на групата „Dude Perfect“.
Ова не е првпат Ривс да ги испроба своите способности во автомобилизмот. Во 2009 година, тој триумфираше на трката за славни личности во Лонг Бич.
Stars shine brighter at Indy 🤩
Film icon Keanu Reeves and @dudeperfect’s Cody Jones are on track for Race 1 of the Toyota GR Cup!@officialgrcup | @indy8hour pic.twitter.com/ZbkFfBphiy
— Indianapolis Motor Speedway (@IMS) October 5, 2024
Спорт
Селта со двајца помалку го победи Лас Палмас, Рајо триумфираше над Ваљадолид
Фудбалерите на Селта Виго и Рајо Ваљекано запишаа гостински победи над Лас Палмас, односно Ваљадолид, во деветтото коло на шпанската Примера.
Лас Палмас не успеа да ја победи Селат и покрај тоа што повеќе од 30 минути имаше двајца играчи повеќе на теренот.
Гостите од 57. минута играа со двајца помалку, бидејќи беше исклучен капитенот Јаго Аспас, а три минути пред тоа во соблекувалната замина и Илаиш Мориба.
Сепак, Селта успеа да се одбрани и да слави со голот на Борха Иглесијас постигнат во 28. минута.
Во исто време се одигра и натпреварот помеѓу Ваљадолид и Рајо Ваљекано, а гостите победија со 2:1.
Сите три гола беа постигнати во вториот дел. Домашните поведоа во 51. минута со голот на Селим Амала, а потоа гостите направија пресврт. Во 57.минута израмни Хорхе де Фрутос, а на 10 минути пред крајот истиот играч со вториот гол му го донесе триумфот на Рајо.
Спорт
Вардар немоќен против Струга, Работички од Охрид се искачи на челната позиција
Фото/ https://www.facebook.com/FKVardarSkopje/
Дветтата рунда во Првата македонска фудбалска лига донесе смена на врвот и уште еден тежок пораз на Вардар.
Ремито без голови на Шкендија во Кратово против Силекс го искористи Работнички и со победата над Воска спорт во Охрид се искачи на првата позиција на табелата. „Романтичарите“ победија со головите на Регба и Мазари. Тие се уште се без пораз сезонава. Пораз нема и Гостивар кој во ова коло одигра 1:1 Беса. Стрелци на головите беа Ивановски за Гостивар и Скендери за Беса.
Вардар доживеа пораз од актуелниот шампион Струга 1:4. Поразот на Вардар го најави Камбери по само три минути игра. Босанчиќ изедначи во 27.минута, по што следуваа два гола на Кампаоре во 41. и 66.минута. Кехинде во 73.минута стави точка на натпреварот.
Шкупи со головите на Едмунсон, Јумеми и Ајетовиќ славеше против АП Брера со 3:1, а без голови заврши натпреварот Пелистер-Тиквеш.
Резултати, 9.коло:
Вардар-Струга ТЛ 1:4
Пелистер-Тиквеш 0:0
Силекс-Шкендија 0:0
Шкупи-АП Брера 3:1
Гостивар-Беса 1:1
Воска спорт-Работнички 0:2
Табела: