Забава
25 години „Нетфликс“: Компанија што испраќаше ДВД по пошта стана стриминг-гигант
„Нетфликс“ ја бележи својата 25-годишнина.
Денес, најголемата услуга за видеостриминг во светот започна со испраќање ДВД-а на купувачите по пошта. Сега зафаќа повеќе од 15 отсто од светската интернет пропусност и има претплатници во повеќе од 190 земји. Како компанијата постигна таков неверојатен успех? Тоа беше долго патување полно со обиди и грешки, среќа и неверојатно добар тајминг.
„Нетфликс“ е основан во 1997 година од Рид Хестингс и Марк Рендолф во малиот калифорниски град Скотс Вали во округот Санта Круз. Хестингс рече дека идејата е поттикната од казната од 40 долари што ја добил откако го изнајмил филмот „Аполо 13“ од одамна пропаднатиот Blockbuster но го вратил со доцнење од шест недели. Еден ден додека вежбал во теретана, смислил услуга која овозможила да нарачате филм преку интернет и да го добиете по пошта.
Сепак, според Рандолф, оваа приказна не е вистинита и била само маркетиншка шега. Имено, во почетокот на 1997 година, Рид беше извршен директор на компанијата за која работеа, Pure Atria, а Марк беше нејзин потпретседател за корпоративен маркетинг. Бидејќи претстојното спојување со друга компанија ќе ги остави без работа и двајцата, Марк тврди дека Рид му рекол: „Ајде да смислиме идеја, ти можш да ја водиш, а јас ќе ја финансирам“.
Тие секој ден патувале од своите домови во Санта Круз до Силиконската долина, а Марк, кој сакал да започне нешто како „Амазон“, му понуди на Рид различни идеи за онлајн продавници. Му предложил да продаваат даски за сурфање, бејзбол палки по нарачка, персонализирана храна за кучиња и шампон.
Но одговорот на Рид на секој предлог бил дека тоа никогаш нема да успее. Тогаш Марк слушнал за нов интеесен производ измислен во Јапонија, наречен Ди-ви-ди. Тој сфатил дека овој изум наскоро ќе ги замени VHS лентите како стандард за гледање филмови дома. По малку размислување, Рид ја прифатил неговата идеја.
„Нетфликс“ е регистриран и основан на 29 август 1997 година со капитал од 1,9 милиони долари од Рид Хестингс, а подоцна овој капитал бил дополнет со други инвеститори. Хестингс стана мнозински сопственик на компанијата со 70% од акциите, а Марк Рендолф стана извршен директор и малцински сопственик.
По неколку итерации во првите неколку години, „Нетфликс“на крајот создаде успешен бизнис модел: услуга базирана на претплата без датуми на доспевање или доцни такси, со неограничен пристап до содржината по цена од 19,95 долари. Имаше и „нарачка за испраќање“ каде што претплатниците го одредуваа редоследот по кој ДВД-а им се испраќаа по пошта.
Стримингот ги лансираше меѓу најуспешните компании во светот.
Пресвртната точка за компанијата дојде во 2007 година кога лансираше услуга за стриминг, доставувајќи содржина директно до телевизорите, компјутерите и таблетите преку услугата Watch Now. Стримингот првпат беше воведен во Канада, а во 2010 година во САД.
Стримингот се покажа како полн погодок, а во 2012 година, Нетфликс почна да произведува оригинална содржина. Неговата прва серија беше Lilyhammer, а една година подоцна го продуцираа нивниот прв голем хит – серијата House of Cards („Куќа од карти“) со Кевин Спејси во главната улога.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Фото) Се омажи Мел Би
Поранешната членка на „Спајс грлс“, Мел Би (50), се омажи за фризерот Рори Мекфи (37) во Лондон овој викенд.
Мел Би носеше фустан од Џозефин Скот направен по мерка за нејзината свадба, а подоцна се пресоблече во фустан од Џастин Александар.
Церемонијата беше проследена со прием со ѕвезди во хотелот „Шангри-Ла“. Меѓу гостите единствена од „Спајс Грлс“ беше Ема Бантон, но се појавија и други ѕвезди, меѓу кои Кара Делевин, Кетрин Рајан и Дејзи Лоу.
Трите ќерки на Мел Би биле нејзини деверуши. Пејачката ја има ќерката Феникс (26), со нејзиниот прв сопруг, Џими Гулзар. Поранешната двојка беше во брак од 1998 до 2000 година.
Другата ќерка на Мел Би, Ангел Ирис (18), е од нејзината врска со Еди Марфи. Нејзината најмлада ќерка, Медисон (13), е од бракот со Стивен Белафонте, со кого Мел Би беше во брак од 2007 до 2017 година.
Забава
Зошто утринската прошетка е најдобриот тренинг?
Во свет полн со фитнес предизвици, интензивни тренинзи и планови за исхрана, понекогаш забораваме на една едноставна, речиси заборавена рутина: утринската прошетка.
Без гаџети, без апликации, без бучава, само вие, тишина (или вашата плејлиста) и неколку километри под вашите нозе. И верувале или не – токму оваа едноставност го прави одењето еден од најздравите начини да го започнете денот.
Активирање на телото без стрес
Додека многу луѓе се будат со звук на аларм и шолја кафе, можете да го покренете вашиот организам нежно, но ефикасно – со одење.
Утринската прошетка ја активира циркулацијата, ги активира мускулите и го поставува метаболичкиот ритам за целиот ден. Нема ненадејно оптоварување на зглобовите или мускулите, што ја прави совршена за почетници, како и за оние со хронична болка.
Подарок за умот: јасен фокус и помалку стрес
Додека одите, вашиот мозок ослободува напнатост, вашите мисли се смируваат, а производството на хормони на среќа – серотонин и ендорфини – се зголемува. Ова значи дека ќе го започнете денот со поголема јасност, помалку вознемиреност и подобро расположение.
Студиите покажуваат дека само 20 минути одење наутро ги намалува нивоата на кортизол – хормонот на стрес – и ја подобрува концентрацијата во текот на денот.
Доследност без товар
За разлика од теретана или напорни тренинзи кои можат да изгледаат застрашувачки, утринската прошетка е лесно да се вклопи во вашата дневна рутина.
Нема подготовка, нема брзање – само облечете ги вашите удобни патики и тргнете. И токму оваа пристапност ги зголемува шансите да се држите до вашата рутина.
Докажано е дека одењето 30 минути на ден, 5 пати неделно, помага во регулирањето на вашата тежина, крвен притисок и нивоа на шеќер во крвта.
Ако започнете доволно рано, ќе го фатите нежното утринско сонце, кое е идеално за природна синтеза на витамин Д.
Овој витамин е клучен за имунитетот, расположението и здравјето на коските – а ние често го занемаруваме. Само 15 минути изложеност наутро може да направи разлика.
Како одењето да стане ваш ритуал?
Подгответе сè претходната вечер: облека, патики, слушалки
Одете без телефон – или со вашиот омилен подкаст
Менувајте ги вашите рути за да го задржите интересот
Следете го вашиот напредок – не за бројки, туку за мотивација
Не мора да трчате, да се потите додека не се исцрпите или да поминувате часови во затворен простор за да бидете здрави и во форма.
Утринската прошетка е едноставна, бесплатна и моќна навика што позитивно влијае на целото ваше битие. Ви дава простор да дишете, да размислувате, да чувствувате – и да го започнете денот со себе.
Забава
Моќта е единственото нешто што не сакаат да го изгубат: хороскопски знаци кои никогаш нема да ја откријат својата ранливост
Некои луѓе се однесуваат силно без оглед на околностите – како ништо да не може да ги поколеба. Дури и кога се борат одвнатре, однадвор тие остануваат смирени, самоуверени и решителни.
Тие ги држат своите емоции под контрола, не бараат сожалување и ретко покажуваат несигурност.
За нив, силата е дел од нивниот идентитет, а ранливоста е нешто што го покажуваат само во ретки, исклучително блиски врски. Според астрологијата, оние родени под овие три знаци најчесто оставаат впечаток на сила и непоколебливост – дури и кога не им е лесно.
Јарец
Јарците се мајстори на самоконтрола и сериозност. И кога нешто длабоко ги погодува, тие нема да го покажат тоа пред другите – тие ќе претпочитаат да молчат и да се однесуваат прибрано. Тие веруваат дека слабоста не се покажува, туку се надминува преку работа, дисциплина и издржливост.
Нивниот одбранбен механизам е дистанцата, а нивната сила доаѓа од внатрешната решителност. Луѓето родени под овој знак честопати изгледаат како ништо да не може да ги извади од рамнотежа.
Шкорпија
Шкорпиите имаат длабок емотивен свет, но ретко го откриваат. Тие не дозволуваат другите да ја видат нивната болка бидејќи веруваат дека контролирањето на сопствените емоции е неопходно. Кога нешто ги повредува, тие реагираат ладно, стратешки и со допир на гордост.
Нивната сила лежи во фактот што не бараат утеха, туку тишина и сила да преживеат сами. За нив, слабоста е опасна бидејќи веруваат дека со откривање на ранливоста ја губат моќта.
Лав
Иако се емотивни и страсни, Лавовите речиси никогаш не покажуваат несигурност. Тие имаат силна потреба да ја зачуваат својата гордост и достоинство, дури и кога е тешко.
Тие не сакаат другите да ги видат во момент на слабост бидејќи веруваат дека треба да бидат пример за сила и стабилност. Честопати ќе им помогнат на другите, наместо да признаат дека им е потребна поддршка. Ја покажуваат силата гласно и самоуверено, а слабоста ја чуваат за себе.
Кирков: Поморот во куќата на стравот продолжува – во Скопје ЗОО починаа уште две лами
„Нашата, Скопската Зоолошка е една хорор приказна изминативе 3,5 години, ја нареков куќата на стравот со цел да некоја “умна”...
(Видео) Два полициски хеликоптери го гаснат пожарот во околината на Блаце
Денеска од 05.00 часот полициски службеници од Хеликоптерската единица за полициски намени при МВР, со два хеликоптера на единицата за...
(Видео) Ангелов: Пожарот кај Блаце е делумно под контрола
Рано утрово по 5 часот e започнато со гасење на големиот пожар на отворен простор, којшто вчера во попладневните часови...
(Видео) Три хеликоптери го гасат пожарот кај селата Чучер и Блаце
Утрово трите хеликоптери (два на МВР и еден на АРМ) во 05.00 часот почнаа со дејство над пожарот на територијата...
Трамп: Тажно е да се гледа како Илон целосно ја губи контролата
Американскиот претседател Доналд Трамп ги нарече плановите на Илон Маск за основање нова политичка партија „смешни“ и додаде дека Соединетите...
(Видео) 80 мртви во поплавите во САД, меѓу нив и 28 деца: потрагата по исчезнатите продолжува
Бројот на жртви од катастрофалните поплави што го погодија централниот дел од Тексас рано утрово се искачи на најмалку 80,...
(Видео) Ангелов: Mожна причина за пожарот кај Блаце е фрлен отпушок од цигара од возило во движење или намерно потпалување
Два полициски хеликоптера, еден армиски хеликоптер, еден Хермелин со цистерна на ДЗС, еден Пинцгауер на ДЗС и едно теренско возило...
Пожарот зафати само надворешен дел од дворот на Психијатриската болница Бардовци, нема причина за загриженост, велат од МЗ
По пожарот што вчера зафати дел од тревна површина во дворот на ЈЗУ Психијатриска болница „Скопје“, Министерството за здравство ја...
(Видео) Во седум налети хеликоптерот на МВР исфрли 10 тони вода
Вчера полициски службеници од Хеликоптерската единица за полициски намени при МВР, а по претходно добиено барање од ЦУК за преземање...
Нормализиран патниот сообраќај до граничниот премин Блаце
Ноќеска е нормализиран патниот сообраќај до граничниот премин Блаце. Укината е забраната и за товарните моторни возила и за автобусите....
Евакуација во Психијатриската болница Бардовци, пожарот го зафати дворот
Попладнево избувна пожар во населбата Геге кој се прошири кон населбата Бардовци и зафати дел од површината на дворот на...
ВМРО-ДПМНЕ ги објави имињата на уште шест кандидати за градоначалници
Покрај кандидатурата на Орце Ѓоргиевски за градоначалник на Скопје, Извршниот комитет на ВМРО-ДПМНЕ донесе одлука за уште шестмина кандидати кои...
Мицкоски: Нема да има данок за немажени и неженети – целта беше отворање јавна дебата
Премиерот Христијан Мицкоски изјави дека нема да има данок за немажени и неженети, појаснувајќи дека изјавата имала за цел да...
Орце Ѓорѓиевски е кандидат за градоначалник на Град Скопје од ВМРО-ДПМНЕ
Извршниот комитет на ВМРО-ДПМНЕ донесе одлука актуелниот градоначалник на Кисела Вода, Орце Ѓорѓиевски, да биде кандидат за градоначалник на Градот...
(Видео) Пожарите ќе се гаснат со пренаменети армиски и полициски возила кои 8 години биле запуштени, рече Мицкоски
Полициски и армиски возила коишто повеќе од осум години биле целосно запуштени, се пренаменети за да ги гаснат шумските пожари....
(Видео) Ангелов: Ова лето гранката нема да ми биде потребна – добивме 43 специјализирани возила за гаснење пожари
Директорот на Дирекцијата за заштита и спасување, Стојанче Ангелов, истакна дека ова лето државата е подготвена да се справи со...
Македонецот Никола Станишиќ победник на „Ѕвездите на Гранд“, во финалето ја запеа „Ако утре ме нема“ од ДНК и им ја посвети на жртвите од „Пулс“
Македонецот Никола Станишиќ е победник на регионалното музичко натпреварување „Ѕвездите на Гранд“, освојувајќи ја титулата со најмногу гласови од публиката...
Илон Маск: Основав нова партија
Илон Маск најави основање на нова политичка партија во САД под името „Американска партија“, еден ден откако на социјалната мрежа...
„Најдобриот разговор досега“ – Зеленски по телефонскиот повик со Трамп за системите „Патриот“ и одбраната на Украина
Украинскиот претседател Володимир Зеленски го опиша својот телефонски разговор со американскиот претседател Доналд Трамп како најдобар во целиот овој период,...
ЦУК: Пожарот во Самоков веднаш изгаснат, објектите на фабриката не беа во опасност
Пожарот во Самоков е локализиран и веднаш изгаснат. Во ниту еден момент немаше опасност од негово ширење кон објектите на...
